سەنىم گراموتالارىن تاپسىرۋ راسىمىنەن كەيىن وتكەن كەزدەسۋ بارىسىندا ەلشى فەدەرالدىق پرەزيدەنتكە قازاقستان پرەزيدەنتى قاسىم-جومارت توقاەۆتىڭ جىلى لەبىزدەرى مەن ىزگى تىلەكتەرىن جەتكىزىپ, قازاقستاننىڭ اۋستريامەن ەكىجاقتى ىنتىماقتاستىقتى ودان ءارى نىعايتۋعا ۇلكەن ءمان بەرەتىنىن حابارلادى.
سونداي-اق الىبەك باقاەۆ مەملەكەت باسشىسى اتىنان الەكساندر ۆان دەر بەللەنگە 2023 جىلعى 8-9 ماۋسىمدا قازاقستاننىڭ ەلورداسىندا وتەتىن استانا حالىقارالىق فورۋمىنا شاقىرۋدى تابىس ەتتى.
قازاقستاندىق ديپلومات سۇحباتتاسۋشىنى ەلىمىزدە جۇرگىزىلىپ جاتقان ساياسي جانە الەۋمەتتىك-ەكونوميكالىق وزگەرىستەرمەن, سونداي-اق وزەكتى سىرتقى ساياساتپەن تانىستىردى.
ءوز كەزەگىندە, فەدەرالدىق پرەزيدەنت قازاقستان پرەزيدەنتى قاسىم-جومارت توقاەۆقا جىلى تىلەكتەرىن جولداپ, قازاقستاندى اۋستريانىڭ ماڭىزدى ءارى سەنىمدى ارىپتەسى رەتىندە قاراستىرىپ, ۆەنانىڭ تىعىز جانە جان-جاقتى ىنتىماقتاستىقتى دامىتۋعا دايىن ەكەندىگىن اتاپ ءوتتى.
تاراپتاردىڭ ءوزارا ءىس-قيمىلدىڭ بارلىق باعىتتارى بويىنشا ەكىجاقتى بايلانىستاردى ودان ءارى كەڭەيتۋ مەن تەرەڭدەتۋگە ءوزارا مۇددەلىلىگى اتاپ ءوتىلدى.
كەزدەسۋ سوڭىندا اۋستريا پرەزيدەنتى ەلشىنى قىزمەتىنىڭ رەسمي باستالۋىمەن قۇتتىقتاپ, ەكىجاقتى قاتىناستاردى ودان ءارى نىعايتۋ ىسىنە تابىس تىلەدى.
