جيىندا تج دەپارتامەنتى «2021-2023 جىلدارعا ارنالعان سۋ تاسقىنى قاۋپىن ازايتۋ جونىندەگى» رەسپۋبليكالىق جول كارتاسى جانە وبلىستىق ينجەنەرلىك جۇمىستار جوسپارى شەڭبەرىندە جازعى-كۇزگى كەزەڭدە وتكىزىلگەن دايىندىق ءىس-شارالارى جونىندە باياندادى. اتالعان جوسپارلار شەڭبەرىندە بارلىعى 89 ءىس-شارا جۇرگىزىلدى, ونىڭ ىشىندە جالپى ۇزىندىعى 15 شاقىرىمدى قۇرايتىن قاراعاندى قالاسىنىڭ رابوچي كەنتىندەگى سولونكا وزەنىنىڭ, ع.مۇستافين كەنتى ماڭىنداعى نۇرا وزەنىنىڭ جانە وساكاروۆ كەنتىندەگى اقباستاۋ وزەنى ارنالارىن تازارتۋ, جاعالاۋلارىن نىعايتۋ جانە ءتۇبىن تەرەڭدەتۋ جۇمىستارى مەن ع.مۇستافين اتىنداعى كەنتتەگى قورعانىش بوگەتىن نىعايتۋ بويىنشا ماڭىزدى شارالار جۇزەگە اسىرىلدى.
جالپى 2022 جىلدىڭ مامىر-قاراشا ايلارى ارالىعىندا وبلىس اۋماعىندا شامامەن 14 كم قورعانىش بوگەتتەرى مەن بىلىكتەرى تۇرعىزىلىپ, نىعايتىلدى. وزەن ارنالارىنىڭ سۋ تاسقىنى قاۋىپتى ۋچاسكەلەرىنىڭ 20 شاقىرىمىنا ساناتسيا جۇرگىزىلدى. شامامەن 2 شاقىرىم سۋ بۇرۋ ارنالارى سالىنىپ, جوندەلدى. 17,2 شاقىرىم درەناج جانە سۋ بۇرۋ جۇيەلەرى تازارتىلدى, اۆتوموبيل جولدارىنىڭ 23 ۋچاسكەلەرىندە سۋ وتكىزۋ قابىلەتى ۇلعايتىلدى. 20 سۋ شارۋاشىلىعى وبەكتىلەرىنە جوندەۋ جۇرگىزىلدى. 4 ەلدى مەكەندە جەرگىلىكتى حابارلاۋ جۇيەسى ورناتىلدى.
وبلىس اكىمى بارلىق قاجەتتى الدىن الا شارالاردى قابىلداۋدى, اسا قاۋىپتى ۋچاسكەلەرگە تۇراقتى مونيتورينگ ۇيىمداستىرۋدى, وبەكتىلەردى تاسقىن سۋلاردى اپاتسىز وتكىزۋگە دايىنداۋدى, ەلدى مەكەندەردەن قاردىڭ شىعارىلۋىن قامتاماسىز ەتۋدى جانە حالىقپەن ۇگىت-ناسيحات جۇمىستارىن جانداندىرۋدى تاپسىردى.
