دەلەگاتسيا قۇرامىنا يندۋستريا جانە ينفراقۇرىلىمدىق دامۋ ءمينيسترى مارات قاراباەۆ, ۇكىمەت اپپاراتى باسشىسىنىڭ ءبىرىنشى ورىنباسارىنىڭ م.ا. عابيت سىزدىقبەكوۆ, «قازاقستان تەمىر جولى» ۇك» اق باسقارما بوراعاسى نۇرلان ساۋرانباەۆ كىردى.
رف ۇكىمەتى توراعاسىنىڭ ورىنباسارلارى مارات حۋسنۋللين, دەنيس مانتۋروۆ, الەكساندر نوۆاك, الەكسەي وۆەرچۋكپەن, رف كولىك ءمينيسترى ۆيتالي ساۆەلەۆپەن كەزدەسۋ بارىسىندا وتىن-ەنەرگەتيكا كەشەنىندەگى ىنتىماقتاستىقتىڭ وزەكتى ماسەلەلەرى, مۇناي جانە گاز حيمياسى, ەلەكتر ەنەرگەتيكاسى سالالارىنداعى ءوزارا ءىس-قيمىلدىڭ قازىرگى جاعدايى مەن پەرسپەكتيۆالارى تالقىلاندى.
اتاپ ايتقاندا, «باتىس ەۋروپا – باتىس قىتاي» جانە «سولتۇستىك – وڭتۇستىك» كولىك-لوگيستيكالىق مارشرۋتتارىن دامىتۋ, جاڭا تەمىرجول جەلىلەرىن سالۋ, قازاقستان-رەسەي شەكاراسىنداعى اۆتوموبيل جولدارى مەن وتكىزۋ بەكەتتەرىن رەكونسترۋكتسيالاۋ تاقىرىپتارى قوزعالدى.
سونىمەن قاتار كەزدەسۋگە قاتىسۋشىلار ونەركاسىپ كووپەراتسياسى, اتاپ ايتقاندا, اۆتوموبيل جاساۋ, تاۋ-كەن مەتاللۋرگيا, اگروونەركاسىپ كەشەنىندەگى بىرلەسكەن جوبالاردى ىسكە اسىرۋ ماسەلەلەرىنە توقتالدى.
كەلىسسوز قورىتىندىسى بويىنشا تاراپتار ءوزارا ءتيىمدى ەكونوميكالىق ىنتىماقتاستىق قاعيداتتارىن ۇستانىپ, ونەركاسىپتىك, ساۋدا-ەكونوميكالىق, ينۆەستيتسيالىق سالالاردا نەعۇرلىم تىعىز جۇمىس ىستەۋ ماقساتىندا قوسىمشا مۇمكىندىكتەر قۇرۋ جونىندەگى بىرلەسكەن شارالاردى ىسكە اسىرۋعا نيەتتى ەكەنىن ءبىلدىردى.
رەسەي تاراپى «يننوپروم. قازاقستان» حالىقارالىق ونەركاسىپ كورمەسىنە قاتىساتىنىن راستادى. ونى 2023 جىلعى 23-25 قىركۇيەك ارالىعىندا استانادا وتكىزۋ جوسپارلانىپ وتىر.
