ءمينيستردىڭ ايتۋىنشا, سىرتقى جاعىمسىز فاكتورلارعا قاراماستان, 2022 جىلدىڭ قورىتىندىسى بويىنشا قازاقستان ەكونوميكاسى 3,1%-دىق وسىمگە قول جەتكىزدى.
«ناقتى سەكتورداعى ءوسىم 3,2%-دى, قىزمەت كورسەتۋ سالاسىندا 2,5%-دى قۇرادى. ءوسۋدىڭ وڭ قارقىنى قۇرىلىس, اۋىل شارۋاشىلىعى, اقپارات جانە بايلانىس, ساۋدا, كولىك جانە قويمالاۋ, وڭدەۋ ونەركاسىبى سالالارىندا تىركەلدى», دەدى الىبەك قۋانتىروۆ.
ول تاۋ-كەن ونەركاسىبىندە ءوسۋ قارقىنى 1%-عا تومەندەگەنىن ناقتىلادى. نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى 7,8%-دى قۇرادى.
«ەكونوميكانىڭ نەگىزگى سالالارى بويىنشا ينۆەستيتسيالار كولەمى جىلجىمايتىن م ۇلىكپەن جاسالاتىن وپەراتسيالاردا 15,4%-عا, اۋىل شارۋاشىلىعىندا 6,9%-عا, كولىكتە جانە قويمادا 5,5%-عا, سونداي-اق ونەركاسىپتە 5,6%-عا, ونىڭ ىشىندە تاۋ-كەن ءوندىرۋ ونەركاسىبىندە 14,2%-عا ۇلعايدى», دەپ قوستى الىبەك قۋانتىروۆ.
وڭىرلىك بولىنىستە ۇزدىك كورسەتكىشتەر قىزىلوردا, جەتىسۋ, ماڭعىستاۋ جانە الماتى وبلىستارىندا, سونداي-اق شىمكەنت پەن استانا قالالارىندا بايقالادى.
