جوبا اياسىندا «سويلە» دەپ اتالاتىن ارنايى تىلدەسۋ ۇيىرمەسى باستاۋ الىپ, 12 ايماقتى قامتيتىن بولادى.
- «سويلە» - قازاق تىلىندە سويلەگىم كەلەدى, ۇيرەنەمىن دەۋشى بارشا ازاماتتارعا ارنالعان اقىسىز تۇردەگى جوبا», - دەيدى ۇيىمداستىرۋشىلار.
جوبا اياسىندا ءتۇرلى ءىس-شارالار كەشەنى جانە اۋىزەكى سويلەسۋ, وقۋ, جازۋ سىندى باعدارلامالار استانا, الماتى قالالارى مەن اقمولا, اقتوبە, الماتى, شىعىس قازاقستان, باتىس قازاقستان, قاراعاندى, قوستاناي, پاۆلودار, سولتۇستىك قازاقستان جانە اباي وبلىستارىندا وتەدى.
«سوڭعى جىلدارى ەلىمىزدە قازاق تىلىنە دەگەن قۇرمەت ارتىپ, ەرەكشە ستاتۋسقا يە بولىپ كەلەدى. وسىعان دەيىن كەيبىر جاستار, ازاماتتار قازاقشا تەك كەرەك جەردە عانا سويلەگەن بولسا, قازىر كۇندەلىكتى قولدانىسقا ەنىپ جاتىر. بۇل بۇرىننان قازاقشا سويلەنبەي كەلدى دەگەن ءسوز ەمەس, كەرىسىنشە قولدانىس اياسى كەڭەيە تۇسكەنىن كورسەتەدى. قازاقستاندا 130-دان استام ۇلت وكىلدەرى تۇراتىنىن ەسكەرگەن دۇرىس. دوستاس ۇلتتاردىڭ ءبىزدىڭ تىلىمىزگە قىزىعۋشىلىق تانىتىپ, مەڭگەرەمىز دەۋشىلەر قاتارى دا ارتىپ كەلەدى. تەمىردى قىزعان كەزىندە سوق دەمەكشى, وسى تۇستا جاستار قاناتى «سويلە» دەپ اتالاتىن جوبانى ىسكە قوسىپ جاتىر. قازاق ءتىلىن وڭاي ءارى تەز ۇيرەنگىسى كەلەتىن ازاماتتارعا تەگىن تاپتىرماس باعدارلاما دەپ ايتا الامىن. سونىمەن قوسا, مەملەكەت باسشىسى قاسىم-جومارت توقاەۆ مەملەكەتتىك تىلگە ەرەكشە نازار اۋدارىپ, مارتەبەسىن جوعارىلاتۋدى تاپسىرعان ەدى. ءبىز دە ءتىلىمىزدىڭ دارەجەسىن كوتەرۋگە ۇلەسىمىزدى وسىلايشا قوسۋدى ۇيعاردىق», دەدى «جاستار رۋحى» جاستار قاناتىنىڭ توراعاسى نۇرجان جەتپىسباەۆ.
«ۇيىرمە بارىسىندا قاتىسۋشىلار ايماقتارداعى كوۆوركينگ ورتالىقتارى مەن جوو قابىرعالارىندا وتەتىن دومبىرا ۇيىرمەلەرىنە, ادەبي-رۋحاني كەشتەرگە, ءتۇرلى چەللەندجدەرگە بەلسەندى قاتىسادى دەپ جوسپارلانىپ وتىر», دەيدى جاستار قاناتىنىڭ وكىلدەرى.
«سويلە» ۇيىرمەسى وتەتىن مەكەن-جايلار:
استانا قالاسى - «جاستار رۋحى» جق قالالىق فيليال كوۆوركينگ ورتالىعى, تاۋەلسىزدىك د.,3. 8 776 115 72 05
الماتى قالاسى - «جاستار رۋحى» جق قالالىق فيليال كوۆوركينگ ورتالىعى, ابىلاي حان ك., 79. 8 708 671 20 25
اقمولا وبلىسى - Coworking Center, كوكشەتاۋ ق., اۋەلبەكوۆ ك., 117. 8 747 498 60 18
اقتوبە وبلىسى - اقتوبە قالالىق جاستار رەسۋرستىق ورتالىعىنىڭ كوۆوركينگ زالى, اقتوبە ق., ساتپاەۆ ك., 16 ب. 8 747 124 19 99
الماتى وبلىسى - قوناەۆ قالاسىنىڭ قالالىق كىتاپحاناسى, 1 ش.ا., 28 ا. 8 747 995 10 15
شىعىس قازاقستان وبلىسى - وسكەمەن قالاسىنىڭ ورتالىق كىتاپحاناسى, قازاقستان كوشەسى 102. 8 747 953 05 58
باتىس قازاقستان وبلىسى - ح. ەسەنجانوۆ اتىنداعى وبلىستىق بالالار كىتاپحاناسى «Bilim ortalyqy», ن.نازارباەۆ 166/2; ج. مولداعاليەۆ 19 , «AMANAT» عيماراتى, 109 كەڭسە. 8 777 479 35 90
قاراعاندى وبلىسى - «Qolday» كوۆوركينگى, قاراعاندى ق., ءاليحانوۆ ك., 4. 8 708 968 80 58
قوستاناي وبلىسى - قوستاناي قالاسىنىڭ وبلىستىق كىتاپحاناسى, قوستاناي قالاسى, التىنسارين ك., 111. 8 707 630 10 97
پاۆلودار وبلىسى - س. تورايعىروۆ اتىنداعى وبلىستىق امبەباپ عىلىمي كىتاپحاناسىنىڭ سo-working ورتالىعى, پاۆلودار ق., ساتپاەۆ ك., 104; «AMANAT» پارتياسى پاۆلودار وبلىستىق فيليالىنىڭ سo-working ورتالىعى, پاۆلودار ق., كريۆەنكو ك., 25ا. 8 747 916 76 02
سولتۇستىك قازاقستان وبلىسى - قالالىق جاستار رەسۋرستىق ورتالىعىنىڭ اكت زالى, پەتروپاۆل ق., نازارباەۆا, 69. 8 777 335 96 05
اباي وبلىسى - اباي اتىنداعى ورتالىق كىتاپحانا كوۆوركينگ ورتالىعى, سەمەي ق., اباي ك. 86. 8 707 295 77 39
