ۆەدومستۆونىڭ مالىمەتىنشە, وقۋدان تىس ۋاقىتتا تالدىقورعان قالاسىنداعى پاتەرلەردىڭ بىرىندە وقىس وقيعا بولعان.
«وبلىس اكىمدىگىنىڭ, ءبىلىم باسقارماسىنىڭ, قۇقىق قورعاۋ ورگاندارىنىڭ, ءبىلىم بەرۋ سالاسىنداعى ساپانى قامتاماسىز ەتۋ دەپارتامەنتىنىڭ وكىلدەرىنەن تۇراتىن ارنايى كوميسسيا قۇرىلدى. ولار وقيتىن وقۋ ورىندارىنىڭ تاربيە جۇمىسىنا تەكسەرۋ جۇرگىزىلەدى. زارداپ شەككەندەرگە بارلىق قاجەتتى پسيحولوگيالىق كومەك كورسەتىلەدى. بۇدان باسقا, دەنە كۇشىن قولدانعان ادامداردى ودان ءارى وقىتۋ ماسەلەسى قارالادى», دەپ حابارلادى وڭىرلىك ءبىلىم باسقارماسى.
قازىرگى ۋاقىتتا اتالعان فاكت بويىنشا اكىمشىلىك ءىس جۇرگىزۋ باستالعانى اتاپ ءوتىلدى.
بۇعان دەيىن پوليتسيا قىزمەتكەرلەرى جانجالعا تالدىقورعان مەن قاراتال اۋدانىنىڭ ءتۇرلى وقۋ ورىندارىندا وقيتىن جەتكىنشەكتەر قاتىسقانىن ايتقان ەدى. قۇقىق قورعاۋ ورگاندارى جابىرلەنۋشى قىز ءوزىنىڭ وكىلىمەن (اجەسىمەن) بىرگە پوليتسياعا رەسمي ءوتىنىش بەرۋدەن ءۇزىلدى-كەسىلدى باس تارتقانىن اتاپ ءوتتى.
