دەپۋتاتتار كەزدەسۋ بارىسىندا يندۋستريالىق جانە ارنايى ەكونوميكالىق ايماقتار اۋماقتارىندا جۇزەگە اسىپ جاتقان جوبالارمەن تانىستى. وندا سونداي-اق پروبلەمالىق ماسەلەلەر مەن كەلەشەگى زور دامۋ باعىتتارى دا تالقىلاندى. كەزدەسۋدە ارنايى ەكونوميكالىق جانە يندۋستريالىق ايماقتار ەلىمىزدىڭ قارقىندى دامۋىنىڭ ماڭىزدى فاكتورى ەكەنى ەرەكشە اتاپ ءوتىلدى. مىسالى, اتالعان ايماقتاردا ورنالاسقان كاسىپورىنداردا 6 727 ادام جۇمىسپەن قامتىلىپ, 493,7 ملرد تەڭگەگە ءونىم ءوندىرىلدى جانە ۇزدىكسىز قىزمەت كورسەتىلىپ كەلەدى.
«قر پارلامەنتى سەناتىنىڭ قارجى جانە بيۋدجەت كوميتەتى جەلتوقسان ايىندا دوڭگەلەك ۇستەل وتكىزگەن ەدى. وندا ارنايى ەكونوميكالىق ايماق قىزمەتىنىڭ پروبلەمالىق ماسەلەلەرى جانە مەملەكەتتىك ورگاندار مەن اەا باسقارۋشى كومپانيالارىنىڭ, سونداي-اق بيزنەس-قوعامداستىقتىڭ ۇسىنىستارى قارالدى. بارلىق پروبلەمالىق ماسەلەلەر اەا-نىڭ ەكونوميكالىق تيىمدىلىگى جانە ۇسىنىلعان سالىق جەڭىلدىكتەرى بويىنشا كوشپەلى وتىرىستار كەزىندە پىسىقتالدى. وتكەن دوڭگەلەك ۇستەلدىڭ ناتيجەلەرى مەن قاتىسۋشىلار ۇسىنعان ماتەريالداردى تالداۋ بويىنشا قارجى جانە بيۋدجەت كوميتەتى قازاقستان رەسپۋبليكاسىنىڭ ۇكىمەتىنە بىرقاتار ۇسىنىستار جىبەردى. ولار ىسكە اسقاندا بۇكىل ەلىمىز بويىنشا اەا جۇمىسىن جاقسارتۋعا كومەكتەسەتىنىنە سەنىمدىمىز», دەپ اتاپ ءوتتى سەناتور سۇلتانبەك ماكەجانوۆ.
دەپۋتاتتار ساپار بارىسىندا قاڭتار وقيعالارىنىڭ قۇرباندارىن ەسكە الىپ, «تاعزىم» مەموريالىنا گۇل شوقتارىن قويدى.
