كومپانيا وكىلدەرىنىڭ ايتۋىنشا, كاسىپورىن 1981 جىلى سالىنعان. ونىڭ نەگىزگى جابدىقتارى 61,5 پايىزعا دەيىن توزىپ كەتكەن. سەناتورلار مەملەكەت باسشىسىنىڭ تاپسىرمالارىن ەسكەرە وتىرىپ, ەلىمىزدىڭ بىرقاتار جىلۋ ەلەكتر ستانتسيالارىندا ورىن العان اۋىر اپاتتاردى جانە جىلۋ بەرۋ ماۋسىمىندا اۆاريالىق جاعدايلار مەن تەحنيكالىق اقاۋلاردى الدىن الۋدىڭ ماڭىزدىلىعىنا جەو باسشىلىعىنىڭ ەرەكشە نازارىن اۋداردى.
«مەملەكەت باسشىسىنىڭ تاپسىرماسى بويىنشا ەنەرگيا ءوندىرۋشى كومپانيالارعا اۋقىمدى تەحنولوگيالىق ساراپتاما جۇرگىزىلدى جانە شارالار جوسپارى بەلگىلەندى. الداعى ۋاقىتتا ەلەكتر ستانتسيالارى باسشىلارىنىڭ جاۋاپكەرشىلىگىن ارتتىرۋ ماسەلەلەرى بويىنشا قولدانىستاعى زاڭناماعا وزگەرىستەر ەنگىزۋ جوسپارلانىپ وتىر», دەدى ايگۇل قاپباروۆا.
سەناتورلار «كونگرەسس حولل» كوپسالالى كەشەنىنىڭ قۇرىلىس بارىسىمەن جانە مەملەكەتتىك-جەكەمەنشىك ارىپتەستىك اياسىندا ىسكە قوسىلعان «اتامەكەن» مەديتسينالىق ورتالىعىنىڭ جۇمىسىمەن دە تانىستى.
