مەملەكەت باسشىسىنىڭ تاپسىرماسى بويىنشا 2020 جىلدىڭ قاڭتار ايىنان باستاپ مۇعالىمدەردىڭ جالاقىسى جىل سايىن 25 پايىزعا كوتەرىلىپ كەلەدى. وسىلايشا, قازىرگى تاڭدا مۇعالىمدەردىڭ جالاقىسى ەكى ەسەگە ءوستى.
«پرەزيدەنتتىڭ قولداۋىنىڭ ارقاسىندا مۇعالىمدەردىڭ جالاقىسى جىل سايىن ءوسىپ كەلەدى. مۇعالىمدەردىڭ جالاقىسىن كوتەرۋ ءوز جەمىسىن بەرۋدە. بۇل ماماندىققا ۋنيۆەرسيتەتتىڭ ۇزدىك تۇلەكتەرى مەن «التىن بەلگى» يەگەرلەرى كەلە باستادى. بۇل بولاشاقتا بالالاردىڭ ءبىلىم الۋىنا جاقسى اسەر ەتەدى», دەدى قازاقستان رەسپۋبليكاسىنىڭ وقۋ-اعارتۋ مينيسترى عاني بەيسەمباەۆ.
ەسكە سالايىق, دەنە شىنىقتىرۋ مۇعالىمدەرىنە ساباقتان كەيىن قوسىمشا سپورت سەكتسيالارىن وتكىزگەنى ءۇشىن دە قوسىمشا اقى قاراستىرىلعان. بيىلعى جىلدىڭ قىركۇيەك ايىنان باستاپ كادر تاپشىلىعى بار وڭىرلەرگە تارتىلعان مۇعالىمدەرگە لاۋازىمدىق جالاقىسىنىڭ 150 پايىزى مولشەرىندە قوسىمشا تولەم بەلگىلەندى.
ايتا كەتەرلىگى, مۇعالىمدەردىڭ جالاقىسى ءبىلىم دەڭگەيىنە, بىلىكتىلىگىنە, جۇمىس وتىلىنە, وقۋ جۇكتەمەسىنە, ماگيستر دارەجەسىنە جانە باسقا دا قوسىمشا تولەمدەرگە بايلانىستى ەسەپتەلەدى.
