دەنساۋلىق ساقتاۋ مينيسترلىگىنىڭ عىلىم جانە ادامي رەسۋرستار دەپارتامەنتىنىڭ حابارلاۋىنشا, 2023 جىلى مەملەكەت باسشىسىنىڭ تاپسىرماسىن ىسكە اسىرۋ ماقساتىندا رەسپۋبليكالىق بيۋدجەت ەسەبىنەن رەزيدەنتۋراعا گرانتتار سانىن 2500-گە دەيىن ۇلعايتۋ كوزدەلگەن.
سونداي-اق 2021 جىلى باكالاۆريات ستۋدەنتتەرى ءۇشىن شاكىرتاقى ەكى ەسەگە جۋىق, ينتەرندەر ءۇشىن 25 پايىزعا, رەزيدەنتتەر, ماگيسترانتتار, دوكتورانتتار ءۇشىن 15 پايىزعا وسكەنى حابارلاندى.
«2025 جىلعا دەيىن شاكىرتاقىنى جىل سايىن 15% جانە 20% ارتتىرۋ جوسپارلانىپ وتىر. بۇل جاقسى وقۋعا قوسىمشا سەرپىن بولادى جانە ءبىزدىڭ ۋنيۆەرسيتەتتەرگە مىقتى تالاپكەرلەردى قوسىمشا تارتادى», دەدى عىلىم جانە ادامي رەسۋرستار دەپارتامەنتىنىڭ داۋلەت الدىنعۇروۆ.
