قازاقستاندا اۋا رايىنا بايلانىستى بىرقاتار تاسجول جابىلدى

جولداردا توتەنشە جاعدايدى جويۋ بويىنشا رەسپۋبليكالىق شتاب قۇرىلدى. قازىر شتابتار ءار وڭىردە جۇمىس ىستەپ جاتىر. بلوك-بەكەتتەردە 600 بىرلىك اۆتوكولىك جينالدى. 

اعىمداعى تاۋلىكتە قۇتقارۋ بولىمشەلەرىمەن 695 ادام قۇتقارىلىپ، ەۆاكۋاتسيالاندى. ونىڭ ىشىندە 137 بالا (جامبىل، تۇركىستان، قوستاناي، قاراعاندى جانە اباي)، 146 بىرلىك تەحنيكا قار قۇرساۋىنان شىعارىلدى.

تۇرعىنداردى ەۆاكۋاتسيالاۋ ءۇشىن تاسجولداردىڭ جابىق ۋچاسكەلەرىندە 846 ۋاقىتشا جىلىتۋ پۋنكتتەرى دايىندالدى. سونداي-اق 99 بىرلىك تەحنيكا (ۆاحتوۆكا جانە كۋنگ) دايىن تۇر.

ۋاقىتشا جىلىتۋ پۋنكتتەرىندە 171 ادام، ونىڭ 4-ءى بالا (جامبىل وبلىسى، اباي وبلىسى، اقمولا، قوستاناي، پاۆلودار).

«حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 232 سمس-حابارلاما جىبەرىلدى. سونداي-اق «دارمەن» موبيلدىك قوسىمشاسى ارقىلى 94 حابارلاما جىبەرىلدى. اۆاريالىق-قۇتقارۋ جۇمىستارىنا بارلىعى 1000-نان اسا ادام جانە 600-گە جۋىق تجم، جاو جانە ءىىم تەحنيكاسى جۇمىلدىرىلدى. جول قىزمەتتەرى جولدى تازارتۋ جۇمىستارىن جالعاستىرىپ جاتىر»، دەلىنگەن مينيسترلىك حابارلاماسىندا.