اتالعان بانك تەك اياقتالىپ كەلە جاتقان جىلدا 80 مىڭعا جۋىق وتباسىنىڭ قونىس تويىنا جەتۋىنە سەپتەستى. ياعني 2022 جىلى وسىنشاما شاڭىراقتىڭ تۇرعىن ءۇي ماسەلەسىن شەشۋگە زاەم بەرىلدى. سونداي-اق بيىل 600 719 ادام «وتباسى بانكتەن» جاڭا دەپوزيت اشقان. بۇگىنگى تاڭدا بانكتىڭ جالپى دەپوزيتتىك پورتفەلى 2 ترلن تەڭگەگە تەڭ.
وسىلايشا, جىلدىڭ ونە بويىندا مىڭداعان وتانداسىمىزدى ارمانىنا جەتكىزگەن «وتباسى بانكتىڭ» بىتىرگەن شارۋالارىنا شولۋ جاسايتىن داستۇرىمىزگە بيىل دا ورالدىق.
تەك بيىلدىڭ وزىندە بانكتىڭ 80 مىڭعا جۋىق كليەنتى قۋانىشتى كۇنگە جەتسە, ونىڭ ىشىندە مەملەكەتتىك باعدارلامالار اياسىندا كەزەكتە تۇرعان 10 518 ادام «وتباسى بانك» كومەگىمەن ءۇيلى بولدى. «باقىتتى وتباسى» باعدارلاماسى ارقىلى 1 247 قازاقستاندىقتىڭ باسپانا ماسەلەسى شەشىلدى. «شاڭىراق» باعدارلاماسىمەن – 5 989 وتباسى, «نۇرلى جەر» باعدارلاماسىنىڭ ارقاسىندا 3 282 وتباسى ءوز باسپانالارىنا قول جەتكىزدى.
بۇگىنگى تاڭدا «وتباسى بانك» ۇزاقمەرزىمدى دەپوزيتتەر نارىعىندا ءبىرىنشى ورىنعا شىقتى. قازىر بانكتىڭ 2,5 ملن سالىمشىسى قاراجات جيناپ جاتىر. كۇن سايىن بانكتە 2 مىڭعا جۋىق جاڭا دەپوزيت اشىلادى. كەلەشەكتە ولار العاشقى جارناعا قاجەتتى سومانى جيناپ, جىلدىق 3,5%-دان (جتسم 3,6% باستاپ) 11,5%-عا (جتسم 11,2% باستاپ) دەيىنگى مولشەرلەمەمەن نەسيە الا الادى.
يپوتەكا نارىعىندا دا «وتباسى بانك» كوش باستاپ تۇر. جىل قورىتىندىسىنا كوز سالاتىن بولساق, بانك قازاقستاندىق جالپى يپوتەكا ۇلەسىنىڭ 67%-ىن بەرگەن. بۇل رەتتە بانك NPL-ءدىڭ ەڭ تومەنگى دەڭگەيىن (مەرزىمى 90 كۇننەن اسىپ كەتكەن قارىزدار) ساقتاپ قالدى, قازىر ول 0,08%, ال بانكتەر اراسىنداعى بۇل كورسەتكىشتىڭ ورتاشا دەڭگەيى 3,68%-عا تەڭ. ەڭ باستىسى – تۇرعىن ءۇي قۇرىلىس جيناق جۇيەسىنە دەگەن حالىقتىڭ سەنىمى ۇلعايعان سايىن بانك كليەنتتەرىنىڭ قاتارى مەن قارجىلىق وپەراتسيالار سانى دا ارتىپ كەلەدى. سوندىقتان قازىر بانكتىك پروتسەستەردىڭ دەنى تولىقتاي تسيفرلاندىرىلىپ, ونلاين رەجىمگە كوشىرىلىپ جاتىر.
– بيىل ونلاين ارنالار كومەگىمەن 2,5 ملن وپەراتسيا جاسادىق. جۇرتتىڭ ۋاقىتىن ۇنەمدەۋ ءۇشىن الدىمىزعا ۇلكەن ماقسات قويىپ, 2025 جىلعا دەيىن بانك ۇسىناتىن بارلىق وپەراتسيانى كليەنتتەرگە ونلاين رەجىمدە قولجەتىمدى ەتۋدى كوزدەپ وتىرمىز. ەدب-نىڭ ىشىندە ۆlockchain جۇيەسىن العاشقىلاردىڭ ءبىرى بولىپ ەنگىزدىك. اتالعان تەحنولوگيانى پايدالانا وتىرىپ, بانك كليەنتتەرى نەسيەنى مەرزىمىنەن بۇرىن وتەگەن جاعدايدا بىرنەشە مينۋت ىشىندە كەپىل شارتىن قاشىقتان تىركەي الادى نەمەسە كەپىلدە تۇرعان جىلجىمايتىن م ۇلىككە تىركەلگەن قۇقىقتاردى الىپ تاستاي الادى. بۇگىنگى تاڭدا Blockchain 500 مىڭنان استام ساعاتتى ۇنەمدەپ, «وتباسى بانكتىڭ» 30 مىڭعا جۋىق كليەنتىنە قاشىقتىقتان سۇرانىسقا يە قىزمەتتەردى قولدانۋعا كومەكتەستى, – دەيدى «وتباسى بانك» اق باسقارما توراعاسى ءلاززات يبراگيموۆا.
جاڭا تەحنولوگيالار قىسقا مەرزىمدە جالعا الۋ اقىسىن ونلاين سۋبسيديالاۋ باعدارلاماسىن جىلدام ىسكە قوسۋعا كومەكتەستى. پرەزيدەنت قاسىم-جومارت توقاەۆتىڭ پارمەنىمەن «وتباسى بانك» جوبا وپەراتورى رەتىندە ايقىندالعانى ايان. حالىققا ىڭعايلى بولۋ ءۇشىن ءوتىنىش بەرۋ, باعدارلاما شارتتارىنا سايكەستىگىن تەكسەرۋ, جالعا بەرۋشىمەن كەلىسىمشارت جاساۋ مەن 50% كولەمىندەگى سۋبسيديا الۋ پروتسەستەرى otbasybank.kz تسيفرلى پلاتفورماسىندا جۇزەگە اسىرىلىپ جاتىر. وسى پورتالدان ادامدار باسپانا تاڭداپ, مەملەكەتتىك باعدارلامالارعا قاتىسۋعا ءوتىنىش جولداي الادى. بانكتىڭ جەكە باعدارلامالارى اياسىندا قۇرىلىس سالۋشىدان نەمەسە ەكىنشى نارىقتان ەڭ جاقسى پاتەرلەردى تاڭداپ, ساتىپ الا الادى. كۇن سايىن پلاتفورماعا شامامەن 6 مىڭ ادام كىرەدى.
سونداي-اق otbasybank.kz سايتى ارقىلى ونلاين-يپوتەكاعا دا ءوتىنىش بەرۋگە بولادى. بۇل وپتسيانى قازىردىڭ وزىندە 1 800 ادام پايدالانىپ ۇلگەرگەن.
2022 جىلدىڭ 1 قازانىنان باستاپ بانك ءوز كليەنتتەرىنەن وتەماقى الۋعا وتىنىشتەر قابىلداي باستادى. قولدانۋشىلارعا ىڭعايلى بولۋ ءۇشىن بۇل پروتسەسس ونلاين رەجىمدە ىسكە قوسىلدى. 2022 جىلدىڭ 26 جەلتوقسانىنداعى جاعداي بويىنشا, قازاقستاندىقتاردان جالپى سوماسى 114 ملرد تەڭگەنى قۇرايتىن وتەماقى الۋعا 814 مىڭنان استام ءوتىنىش كەلىپ تۇسكەن.
بيىل «وتباسى بانكتىڭ» ساتىمەن جۇزەگە اسقان بىرقاتار جەكە باعدارلاماسى بار دەسەك, ونىڭ ىشىندە «ۇماي» ايەلدەر يپوتەكاسى 1 350 قازاقستاندىق قىز-كەلىنشەكتىڭ ءۇي ماسەلەسىن شەشىپ بەردى.
ءوتىپ بارا جاتقان جىل وڭىرلەردەگى جاس مامانداردى باسپانامەن قامتۋ ىسىندە دە سەرپىندى بولدى. جاستار باعدارلامالارىن جۇزەگە اسىرۋداعى جەرگىلىكتى اكىمدىكتەر مەن «وتباسى بانكتىڭ» جالپى بيۋدجەتى 62,7 ملرد تەڭگەگە تەڭ. الماتى, استانا قالالارىنان باستاۋ العان جاستاردى تۇرعىن ۇيمەن قامتۋ باعدارلاماسى الماتى, اتىراۋ, قاراعاندى, قوستاناي, جامبىل, باتىس قازاقستان, اقتوبە, جەتىسۋ, اباي وبلىستارىندا جالعاسىن تاپتى.
ەل تىنىشتىعىن كۇزەتكەن 2 320 ادام «اسكەري باسپانا» باعدارلاماسى اياسىندا ءۇيلى بولدى.
قاراپ وتىرساق, بيىل enpf-otbasy.kz پلاتفورماسىنىڭ كومەگىمەن 487 مىڭنان استام ادام تۇرعىن ءۇي ساتىپ الۋ, يپوتەكالىق نەسيە تولەۋ مەن ەمدەلۋگە بىرجولعى زەينەتاقى تولەمدەرىن پايدالانىپتى. سونداي-اق قازاقستاندىقتار بولاشاقتا قولجەتىمدى شارتتارمەن نەسيە الۋ ءۇشىن زەينەتاقى جيناقتارىنان الۋعا بولاتىن ارتىق سومانى «وتباسى بانكتەگى» دەپوزيتتەرگە بەلسەندى تۇردە اۋدارىپ وتىر. بۇگىنگى تاڭدا بۇل وپتسيانى 170 500 ازامات پايدالانعان.
«وتباسى بانكتىڭ» 2022 جىلعى ەرەكشە تابىسىنىڭ ءبىرى – Moody’s Investors Service بانكتىڭ ۇلتتىق ۆاليۋتاداعى دەپوزيتتەرى بويىنشا ۇزاقمەرزىمدى رەيتينگىن «Baa2» دەڭگەيىندە راستاعانى دەر ەدىك. رەيتينگ بولجامى «تۇراقتى». سونداي-اق Fitch Ratings «وتباسى بانكتىڭ» ۇلتتىق ۆاليۋتاداعى ەميتەنتىنىڭ ۇزاقمەرزىمدى دەفولت رەيتينگى «BBB» دەڭگەيىندە ەكەندىگىن دايەكتەپ بەردى. بۇل رەيتينگ بولجامى دا «تۇراقتى».
قازىر «وتباسى بانك» جەتەكشىلەرى مالىمدەپ وتىرعان ەڭ باستى جاڭالىق – جاڭا جىلدان باستاپ اتالعان بانك قازاقستاندا العاش رەت «جاسىل يپوتەكا» باعدارلاماسىن ىسكە قوسپاق. بۇل قازاقستاندىقتار «جاسىل ستاندارتتار» بويىنشا سالىنعان, ەنەرگيا ۇنەمدەيتىن تۇرعىن ءۇي كەشەندەرىنەن پاتەر ساتىپ الۋعا نەسيە الا الادى دەگەن ءسوز.
«جاسىل يپوتەكا» بويىنشا العاشقى جارنا – 20 پايىز. ونى تولەگەن بانك كليەنتتەرى الدىن الا زاەم الا الادى. مۇنداي نەسيە بويىنشا مولشەرلەمە 12,5%-عا (جتسم 13,3% باستاپ) تەڭ. «جاسىل يپوتەكا» نەسيەسىنىڭ ەڭ جوعارى سوماسى – 35 ملن تەڭگە. كرەديتتى تەك جاڭا باسپانا ساتىپ الۋعا پايدالانۋعا بولادى. تۇرعىن ءۇيدى OMIR, گوست ر, BREEAM نەمەسە LEED ستاندارتتارىنا سايكەستىك سەرتيفيكاتى بار نىسانداردان عانا ساتىپ الۋعا بولادى.
الماتى
