عالىمجان ءپىرماتوۆ: بەلگىلەگەن باعىتىمىز بەن قولدانعان شارالارىمىز دۇرىس بولدى

– عالىمجان ولجا ۇلى، قا­زاق­ستان ەكونوميكاسى مەن قار­جى سەكتورى بيىل بۇرىن-سوڭدى بولماعان قيىندىقتارعا تاپ بولدى دەۋگە بولادى. ءبىزدىڭ ەلدە عانا ەمەس، جا­ھان­دىق گەوساياسي تۇراقسىزدىق جاع­دايىندا بارلىق مەملەكەتتە ماك­روەكونوميكالىق احۋال ناشارلاپ، ينفلياتسيا بەلەڭ الدى. وسى رەتتە ۇلتتىق بانك ەلىمىزدىڭ قارجى جۇ­يە­سىن تۇراقتاندىرۋ ءۇشىن قانداي پارمەندى شارالار قابىلدادى؟

– ءيا، 2022 جىلى قازاقستان ەكونوميكاسى مەن قارجى سەكتورى بۇرىن-سوڭدى بولماعان قيىندىقتار مەن بەلگىسىزدىكتەردى باستان كەشتى. جىل باسىندا گەوساياسي احۋال قالاي وزگەرەتىنى  بەلگىسىز بولدى. بىراق قازىر پايىمداپ قاراساق، ءبىزدىڭ بەلگىلەگەن باعىتىمىز بەن قولدانعان شارالارىمىز دۇرىس بولعانىن كورۋگە بولادى. ەلىمىزدىڭ قارجى جۇيەسىنىڭ تۇراقتىلىعىن ساقتاۋعا باعىتتالعان بارلىق شارا دەر كەزىندە جۇزەگە اسىرىلدى.

اسپانداپ بارا جاتقان باعالاردى اۋىزدىقتاۋ ءۇشىن ۇلتتىق بانك اقشا-نەسيە ساياساتىن قاتاڭداتۋعا ءماجبۇر بولدى. بازالىق مولشەرلەمە بيىلعى قاڭتارداعى 10،25%-دان جەلتوقسان ايىندا 16،75%-عا دەيىن ارتتى. بۇل شەشىمدەر ەلدەگى ينفلياتسيالىق ۇردىس­تەردى تەجەۋگە باعىتتالدى. ورتا مەر­زىمدە اقشا-نەسيە ساياساتىنىڭ قاتاڭ­داۋى باعالاردىڭ ءوسۋ قارقىنىن تو­مەن­دەتۋگە جانە كەلە جاتقان 2023 جىلى ينفلياتسيالىق كۇتۋدى باسەڭ­دە­تۋگە سەپتىگىن تيگىزەدى.

بازالىق مولشەرلەمە كوتەرىلگەن سايىن حالىقتىڭ تەڭگەمەن ساقتالعان جيناقتارى بويىنشا شەكتى مولشەر­لەمەلەر دە ارتتى. سونىمەن قاتار ۇكىمەتپەن بىرلەسە وتىرىپ، تەڭگەدەگى دەپوزيتتەردى قورعاۋ باعدارلاماسى جۇزەگە اسىرىلۋ ۇستىندە. قابىل­دانعان شارالار حالىقتىڭ تەڭگەمەن ساقتالعان دەپوزيتتەرىنىڭ قىسقارۋىنا جول بەرمەي، ۇلتتىق ۆاليۋتامىزعا دەگەن سەنىمدى نىعايتا ءتۇسىپ، بانك­تەردىڭ قارجىلاندىرۋ بازاسىن تۇراق­تاندىرۋعا جانە ۆاليۋتا با­عا­مىنا قىسىمدى تومەندەتۋگە مۇمكىندىك بەردى.

ناتيجەسىندە، اقپان ايىندا دوللارمەن ساقتالعان دەپوزيتتەردىڭ ۇلەسى 38،4%-دى قۇراسا، قاراشا ايىندا بۇل كورسەتكىش 34،2%-عا دەيىن تومەندەدى، ال دەپوزيتتەر بيىلعى قازان ايىندا تاريحي ماكسيمۋمعا – 30 ترلن تەڭگەگە جەتتى. ياعني ازاماتتارىمىز جيناعان قاراجاتىن دوللارعا اۋىستىرماي، تەڭگەمەن دەپوزيتكە سالا باستادى. بۇل ءۇردىس حالقىمىزدىڭ اقشانى تۇتىنۋشىلىقتان جيناقتاۋعا كوبىرەك كوڭىل بولە باستاعانىنىڭ بەلگىسى دەپ بىلەمىز. بۇل ينفلياتسيالىق قىسىمدى تومەندەتۋگە ىقپال ەتەتىنى انىق. سونداي-اق وسى ماقساتتا ۇلتتىق بانك ۇكىمەتپەن بىرلەسىپ، ينفلياتسيانى باقىلاۋ جانە تومەندەتۋ بويىنشا 2022-2024 جىلدارعا ارنالعان شارالار كەشەنىن ازىرلەدى. وندا ءوندىرىس كولەمىن ۇلعايتۋ، تاۋارلار مەن كولىك لوگيستيكاسىن دامىتۋ، مونوپولياعا قارسى رەتتەۋ جانە باسقا دا جۇيەلى شارالار قاراستىرىلعان.

– جىل باسىنداعى سىرتقى توسىن سوققىلار دا ىشكى ۆاليۋتا نا­رى­عىنداعى كۇرت اۋىتقۋلارعا الىپ كەلگەنى ءمالىم. ۇلتتىق بانك تەڭگەنىڭ دوللارعا جانە رۋبلگە شاققانداعى باعامىنا قاتىستى جاعدايدى تۇراقتاندىرۋ ءۇشىن قانداي شارالار قابىلدادى؟

 – گەوساياسي احۋالدىڭ ۋشىعۋى جانە سىرتقى جاعدايلاردىڭ شيەلەنىسە ءتۇسۋى ايىرباستاۋ باعامىنىڭ ديناميكاسىنا تەرىس اسەرىن تيگىزبەي قويمادى. ەستەرىڭىزدە بولسا، ناۋ­رىز ايىندا تەڭگە باعامى كەيدە 1 دوللار ءۇشىن 500 تەڭگەدەن اسىپ كەتتى. وسىنداي قيىن جاعدايدا ءبىز قارجى جۇيەسىنىڭ تۇراقتىلىعىن قامتاماسىز ەتۋگە باعىتتالعان جەدەل شارالار قابىلدادىق. ۆاليۋتالىق ينتەرۆەنتسيالار جۇرگىزىلدى، تەك اقپان-ناۋرىز ايلارىندا ولاردىڭ كولەمى شامامەن 1،3 ملرد دوللاردى قۇرادى. كۆازيمەملەكەتتىك سەكتوردىڭ ۆاليۋتالىق ءتۇسىمىن مىندەتتى ساتۋ ۇلەسى 50%-دان 75%-عا دەيىن ۇلعايتىلدى. مەملەكەت باسشىسىنىڭ جارلىعىمەن قولما-قول شەتەل ۆاليۋتاسىن اكەتۋگە دەر كەزىندە تىيىم سالىندى.

قابىلدانعان شارالار ۆاليۋتا نارىعىنداعى جاعدايدى تۇراق­تاندىرۋعا جانە داعدارىس كەزەڭىندە ونىڭ قالىپتى جۇمىس ىستەۋىن قام­تاماسىز ەتۋگە مۇمكىندىك بەردى. قا­زىر­گى ۋاقىتتا ۆاليۋتا نارىعىندا ءبىرشاما تەپە-تەڭدىك ورنادى دەۋ­گە نەگىز بار. ۇلتتىق بانك ءساۋىر ايىنان بەرى ينتەرۆەنتسيا جاساعان جوق.تەڭگە باعامى نارىققا قاتىسۋ­شى­لاردىڭ سۇرانىسى مەن ۇسىنى­سىنىڭ تەڭ­گەرىمىنە بايلانىستى نا­رىق­تىق جاعدايلاردىڭ اسەرىنە سايكەس قالىپتاسىپ وتىر.

– ۇلتتىق بانك پرەزيدەنت قاسىم-جومارت توقاەۆتىڭ ناقتى سەك­توردى تۇراقتى جانە قولجەتىمدى نەسيەمەن قامتاماسىز ەتۋ جونىندەگى تاپسىرماسىن قالاي ورىنداپ جاتىر؟

– ءبىز ۇكىمەتپەن، قارجى نارىعىن رەتتەۋ جانە دامىتۋ اگەنتتىگى­مەن، سونداي-اق قارجىگەرلەر قاۋىمداس­تىعىمەن بىرلەسىپ، شارالار كەشەنىن ۇسىنعان بولاتىنبىز. بۇل باستاما مەملەكەت باسشىسى تاراپىنان قولداۋ تاپقانىن اتاپ وتكەن ءجون. سونىڭ ءبىرى – جەر قويناۋى مەن جەردى پايدالانۋ قۇقىعىنىڭ اينالىمىن ىرىقتاندىرۋ. بۇل ستراتەگيالىق وبەكتىلەردى قوسپاعاندا، تەندەرلەرگە قاتىسۋعا رۇقسات بەرۋ ءتارتىبىن جويۋ ارقىلى بانكتەر مەن قارىز الۋشىلارعا جۇكتەمەنى ازايتۋ كوز­دە­لەدى دەگەن ءسوز. ياعني بانكتىك نەسيە­لەردى الۋ جەڭىلدەتىلەدى. ءسويتىپ، نارىقتىق مەحانيزمدەردى دامىتۋعا وڭ ىقپالىن تيگىزەدى.

سونىمەن قاتار مەملەكەتتىك كە­پىل­دىكپەن استىق قولحاتتارى ينستي­تۋ­تىن ەنگىزۋ جانە وسى پروتسەستى تسيفر­­لاندىرۋ ۇسىنىلدى. بانكتەرگە ۇزاق مەرزىمدى نەسيەلەر بەرۋگە جول اشاتىن تاعى ءبىر ءتيىمدى شارا – جەكە باسقارۋشى كومپانيالاردىڭ زەي­نەتاقى اكتيۆتەرىن باسقارۋعا قا­تىسۋىن كەڭەيتۋ.

– بۇل ءىرى بيزنەس پەن ەكسپورتتاۋشىلاردى قولداۋ شارالارى سەكىلدى، ال شاعىن جانە ورتا بيزنەس ءۇشىن قانداي دا ءبىر جاڭا تەتىكتەر قاراستىرىلدى ما؟

– ءيا. اتاپ ايتساق، ءبىز شاعىن جانە ورتا بيزنەسكە نەسيە بەرۋ ءۇردىسىن تسيفر^­­لاندىرۋدى كوزدەپ وتىرمىز. قازىر بانكتەر مەن مەم­لە­كەتتىك كرەديتتىك بيۋرونىڭ مەم­لە­كەتتىك دەرەكتەر بازاسىن ينتەگراتسيالاۋ جۇمىستارى قولعا الىندى. سونداي-اق شاعىن جانە ورتا بيزنەس سۋبەكتىلەرىنە كرەديت بەرۋ كەزىندە اينالىم كاپيتالىنا جۇكتەمە تالاپتارىن ازايتۋ، بانكتەردىڭ كەپىل ساياساتىنا قويىلاتىن تالاپتاردى جەڭىلدەتۋ، كرەديت الۋ راسىمدەرىن وڭايلاتۋ سياقتى ءبىرشاما جەڭىلدىك بەرەتىن ۋاقىتشا، بىراق ءتيىمدى شارالار ەنگىزىلىپ جاتىر. ولاردىڭ بارلىعى 2024 جىلعا دەيىن قولدانىستا بولادى. سونداي-اق ەكونوميكانىڭ باسىم سالالارىندا «قاراپايىم زات­تار ەكونوميكاسى» باعدارلاماسى اياسىن­دا بەرىلەتىن نەسيەلەر بويىنشا سىياقى مولشەرلەمەسىن سۋبسيديا­لاۋ مەرزىمىن 7 جىلعا دەيىن ۇلعايتۋ جوسپارلانىپ وتىر. قازىرگى كۇنى ءبىز، مۇددەلى مەملەكەتتىك ورگانداردىڭ بارلىعى، ۇسىنىلعان تەتىكتەردى ىسكە اسىرۋ بويىنشا جۇمىس جۇرگىزىپ جاتىرمىز.

جالپى العاندا، قازىرگى قيىن­دىقتارعا قاراماستان، بانكتەر ەكو­نو­مي­كاعا بەرىپ جاتقان نەسيەلەر كولەمى دە ارتىپ كەلەدى. بيىلعى قاراشانىڭ سوڭىندا ەكىنشى دەڭگەيلى بانكتەردىڭ نەسيە پورتفەلى 22،2 ترلن تەڭگەنى قۇرادى. ياعني بانكتەر وسىنشاما كرەديت بەردى دەگەن ءسوز. جىل باسىنان بەرگى ءوسىم – 20،1%. زاڭدى تۇلعالارعا بەرىلگەن نەسيەلەر دە 7،3%-عا، ياعني 8،3 ترلن تەڭگەگە دەيىن ءوستى، ونىڭ ىشىندە شاعىن كاسىپكەرلىك سۋبەكتىلەرىنە بەرىلگەن نەسيەلەر 20،7%-عا نەمەسە 4،5 ترلن تەڭگەگە دەيىن ۇلعايدى. دەمەك ەكونوميكاداعى اقشا اينالىمىنىڭ قارقىنى باسەڭدەگەن جوق. جاعداي قالىپتى دەۋگە بولادى.

 – وسى جىلى ەل ازامات­تارىنىڭ زەينەتاقى جيناعىنىڭ 50 پا­­­­يى­زىنا دەيىنگى بولىگىن جەكە باس­قارۋعا بەرۋ مۇمكىندىگى تۋرالى ما­­لىم­دەلگەن بولاتىن. بۇل جاڭا­لىق­تىڭ قازاقستاندىقتارعا بەرەرى نە بولماق؟

– بۇل شارا بجزق سالىمشىلارىنا وزدەرىنىڭ تاۋەكەلى مەن تابىستىلىعى كريتەريلەرىنە سايكەس كەلەتىن ين­ۆەس­تيتسيالىق سترا­تەگيا­لاردى تاڭ­داۋ قۇقىعىن جۇزەگە اسىرۋعا مۇمكىندىك بەرەدى. وسى باستامانى ىسكە اسىرۋ ارقىلى زەينەتاقى اكتيۆتەرىن باسقارۋ نارىعىندا ينستيتۋتتىق باسەكەلەستىك ورتانى قا­لىپتاستىرۋعا جاعداي جاسالىپ، سالىمشىلاردىڭ بولاشاق زەينەت­اقىلارىن قالىپتاستىرۋدا سەنىمدەرىنە يە بولۋعا جانە ولاردى كوبىرەك تارتۋعا جول اشىلادى. ءوز كەزەگىندە، زەينەتاقى اكتيۆتەرىن باسقارۋداعى باسەكەلەستىك پوزيتسيالاردى نىعايتۋ ىشكى قۇندى قاعازدار نارىعىنا وڭ اسەر ەتەدى جانە ونىڭ وتىمدىلىگى مەن تيىمدىلىگىن ارتتىرادى. ياعني شىنايى نارىقتىق ورتا قالىپتاسادى. شىنايى نارىقتىق ورتادا تابىس تا ۇلعايادى.

سونىمەن قاتار سالىمشىلاردىڭ جيناقتارى جەكە باسقارۋشى كوم­پانيا­لارعا اۋدارىلعان كەزدە بۇل جيناقتار زەينەتاقى جۇيەسىندە ساق­تالاتىنىن جانە زەينەت جاسىنا جەتكەندە تولەمدەردى جۇزەگە اسىرۋعا جۇم­سالاتىنىن ەسكەرگەن ءجون.

– قازاقستاندىقتار «ۇلتتىق قور – بالالارعا» باعدارلاماسى تۋرالى جاڭالىقتى قۋانا قابىلداعانى راس. وسى باعدارلامانى جۇزەگە اسىرۋ تەتىكتەرى بەكىتىلدى مە؟ بالالارعا ارنالعان شوتتى اشۋ ءتارتىبى مەن نەگىزگى شارتتارى جانە مەرزىمدەرى تۋرالى ايتىپ بەرسەڭىز؟

– مەملەكەت باسشىسىنىڭ جول­داۋىنا سايكەس، ۇلتتىق قوردىڭ ينۆەستيتسيالىق تابىسىنىڭ 50%-ىن
بالالاردىڭ شوتىنا ولار 18 جاسقا تولعانعا دەيىن الدىن الا الۋ قۇقىعىنسىز اۋدارىپ وتىرۋ ۇسىنىلدى. بالا كامەلەت جاسىنا تولعاننان كەيىن جيناقتالعان سوما ونىڭ باسپانا نەمەسە ءبىلىم الۋىنا جۇمسالاتىن بولادى.

بۇل اۋقىمدى ءىستى جان-جاقتى زەردەلەۋ قاجەتتىلىگى ەسكەرىلىپ، جوبانى 2024 جىلدىڭ 1 قاڭتارىنان باستاپ ىسكە قوسۋ تاپسىرىلدى. وسىعان وراي بۇل جۇمىستىڭ بارلىق تەتىگى مەن ەرەجەسىن ۇكىمەت پەن ۇلتتىق بانكتىڭ ماماندارى ساراپشىلارمەن بىرلەسە ازىرلەپ جاتىر. ناقتى مەحانيزمدەر بەكىتىلىپ، بارلىق قاجەتتى راسىمدەردەن وتكەننەن كەيىن بۇل تۋرالى قالىڭ جۇرتشىلىققا مىندەتتى تۇردە جاريالاناتىن بولادى.

– قازاقستان ۇلتتىق بانكى ءۇشىن 2022 جىل ءتۇرلى وقيعالارعا تولى بولدى. سونىڭ ءبىرى – «تسيفرلىق تەڭگە» قاناتقاقتى جوباسىنىڭ تۇساۋ­كەسەرى. قازىر تسيفرلىق ۇلتتىق ۆا­ليۋ­تانى ەنگىزۋ باستاماسى قالاي جۇ­زەگە اسىرىلىپ جاتىر؟

– مەملەكەت باسشىسىنىڭ تاپسىرماسى بويىنشا ۇلتتىق بانك 2022 جىلى ۇلتتىق تسيفرلىق ۆاليۋتانى ەنگىزۋ قاجەتتىگى جونىندە كەشەندى زەرتتەۋ جۇرگىزدى. وسى جىلدىڭ قازان ايىندا تسيفرلىق تەڭگەنىڭ تەحنولوگيالىق پلاتفورماسىن ناقتى تۇتىنۋشىلار مەن بيزنەس وكىلدەرى سىناقتان وتكىزدى. سىناق ءساتتى ءوتتى دەۋگە نەگىز بار.

تسيفرلىق تەڭگەنى ەنگىزۋ 2025 جىلدىڭ سوڭىنا دەيىن 3 كەزەڭدە جۇزەگە اسىرىلادى. ءبىرىنشى كەزەڭ اياسىندا – 2023 جىلدىڭ سوڭىنا قاراي الەۋمەتتىك تولەمدەر مەن مەملە­كەتتىك ساتىپ الۋ ءۇشىن تسيفرلىق تەڭ­گەنى پايدالانۋ مۇمكىندىگى جۇزەگە اسىرىلماقشى، ترانسشەكارالىق ەسەپ ايىرىسۋ ستسەناريلەرى مەن تسيفرلىق اكتيۆتەر مەن ورتالىقتاندىرىلماعان قارجى سالاسىنداعى ەسەپ ايىرىسۋلار سىناقتان وتەدى جانە ءتيىستى نورماتيۆتىك-قۇقىقتىق بازا دايىندالادى. 2024 جىلى ينتەرنەتكە قول جەتكىزۋسىز تسيفرلىق تەڭگەمەن ەسەپ ايىرىسۋ بويىنشا فۋنكتسيالىق مەحانيزمدەر ەنگىزىلەتىن بولادى. ال 2025 جىلعا قاراي تسيفرلىق تەڭگەنى تولىق وندىرىستىك پايدالانۋعا ەنگىزۋ جوسپارلانىپ وتىر.

بۇل جاڭاشىلدىق وتانداس­تا­رى­مىز­عا مول مۇمكىندىك اشادى. ەڭ باستىسى، قارجى نارىعىندا يننوۆاتسيالىق باستامالارعا جاعداي جاسالىپ، وتان­داستارىمىزعا قارجى سەرۆيس­تەرىنىڭ قول­جەتىمدىلىگىن ارتتىرۋعا سەپتىگىن تيگىزەدى دەپ ويلايمىز.

– مونەتارلىق رەتتەۋشى الداعى جىلعا جانە ورتا مەرزىمدى كەزەڭگە ءوز الدىنا قانداي نەگىزگى مىندەتتەردى قويىپ وتىر؟

– الداعى جىلى الەمنىڭ كوپتەگەن ورتالىق بانكتەرى سياقتى، ءبىزدىڭ دە باستى مىندەتىمىز – ينفلياتسيانى تۇراقتاندىرۋ. وعان قول جەتكىزۋ ءۇشىن 2030 جىلعا دەيىنگى اقشا-نەسيە ستراتەگياسىن جۇزەگە اسىرۋ اياسىنداعى جۇمىستى جالعاستىرامىز. ول اق­شا-نەسيە ساياساتىنىڭ نەگىزدەرىن نىعايتۋدى، قارجى نارىعىن دامىتۋدى جانە جالپى ماكروەكونوميكالىق ساياساتتى كۇشەيتۋدى كوزدەيدى. مو­نەتارلىق نەگىزدەردى نىعايتۋ، قار­جى نارىعىن دامىتۋ جانە جالپى ماكروەكونوميكالىق ساياساتتى كۇ­شەيتۋ شارالارى قاراستىرىلىپ وتىر.

سونىمەن قاتار يكەمدى باعام ساياساتى جالعاسادى. ياعني ۆاليۋتا نارىعىنىڭ تيىمدىلىگىن ارتتىرۋعا، ەكونوميكاداعى تەڭگەرىمسىزدىكتەردىڭ جيناق­تالۋىنا جول بەرمەۋگە جانە حالىقارالىق رەزەرۆتەردى ساق­تاۋعا ىقپال ەتەتىن شارالاردى جالعاس­تى­راتىن بولامىز.

سونداي-اق ۇلتتىق بانك مەملە­كەت­تىك قۇندى قاعازداردىڭ ىشكى نا­رىعىن دامىتۋ جانە تەڭگە مەن تەڭگەدەگى اكتيۆتەردى جاھانداندىرۋ بويىنشا جۇرگىزىلىپ جاتقان جۇمىستى جالعاستىراتىن بولادى. ويتكەنى ءتيىمدى جانە ءوتىمدى مەملەكەتتىك بورىش نارىعىن قۇرۋ اقشا-نەسيە ساياساتىنىڭ تيىمدىلىگىن قامتاماسىز ەتۋدىڭ ماڭىزدى قۇرامداس بولىگى بولىپ سانالادى.

مەملەكەتتىك قارىز نارىعىن دا­مىتۋدىڭ قازىرگى باسىم باعىت­تا­رى­نىڭ ءبىرى – قايتالاما نارىقتىڭ وتىمدىلىگىن ارتتىرۋ. ءبىزدىڭ باستامالارىمىز مەملەكەتتىك وب­ليگاتسيالاردىڭ وتىمدىلىگىن ارت­تىرۋعا جانە مەملە­كەتتىك باعالى قاعازداردى حالىقارالىق يندەكس­تەرگە قوسۋعا، نارىقتىق باعا بەل­گىلەۋدى جەتىلدىرۋگە جانە جالپى نارىقتاعى باسەكەلەستىكتى ارتتىرۋعا باعىتتالاتىن بولادى.

– ءسىز 2022 جىلدان باستاپ قار­جىلىق رەتتەۋشى قىزمەتىن باس­قارىپ كەلەسىز. ۇلتتىق بانكتىڭ باسشىسى رەتىندە ءوتىپ بارا جاتقان جىلدىڭ قورىتىندىسىن قالاي باعالار ەدىڭىز؟

– ورىندى سۇراق. جەكە ءوزىم ءۇشىن 2022 جىلدىڭ ماڭىزى جوعارى: ول جاڭا مۇمكىندىكتەر مەن مىندەتتەرگە جول اشتى. ءيا، مىندەتتەر ءالى دە ازايمايدى، جوسپار دا جەتەرلىك، ەلىمىزدە جانە جالپى جاھاندا بولىپ جاتقان وقيعالارعا بايلانىستى ول ءاردايىم وزگەرىپ وتىرادى. الايدا ءبىزدىڭ بارلىق شەشىمىمىز ازاماتتاردىڭ ءال-اۋقاتىن كوتەرۋگە جانە ەلىمىزدىڭ قارجى جۇيەسىنىڭ تۇراقتىلىعىن قامتاماسىز ەتۋگە باعىتتالادى. رەت­تەۋشى رەتىندە قابىلداعان بارلىق ماكروەكونوميكالىق شەشىمنىڭ نا­تي­جەسى ادەتتە بىردەن سول مەزەتتە ەمەس، ورتا مەرزىمدى كەزەڭدە كورىنە باستايدى.

ۇلتتىق بانكتىڭ قولىندا قازاق­ستاندا قارجى جانە باعا تۇراقتى­لىعىن قامتاماسىز ەتۋ ءۇشىن دۇرىس شەشىم قابىلداۋعا قاجەتتى بارلىق قۇرال مەن رەسۋرس جەتكىلىكتى. مۇندا بىلىكتىلىگى اسا جوعارى كاسىبي ماماندار كومانداسى ەڭبەك ەتەدى.

ءبىزدىڭ جۇمىسىمىز قالىڭ كوپ­شىلىك پەن نارىقتىڭ كاسىبي قاتىسۋ­شىلارى ءۇشىن تۇسىنىكتى بولۋى ءۇشىن اشىق كوممۋنيكاتسيالىق ساياسات جۇر­گىزۋىمىزدىڭ ماڭىزى دا جوعارى. ءبىز وسى باعىتتاعى جۇمىسىمىزدى جال­عاستىراتىن بولامىز.

– سۇحباتىمىزدى ءسىزدىڭ وقىر­مان­دارىمىزعا دەگەن كەلەر جىلعا تىلەگىڭىزبەن قورىتىندىلاساق.

– ۇلتتىق بانكتىڭ باستى مىندەتى – حالىقتىڭ ءال-اۋقاتىن ارتتىرۋ جانە تەڭگەمىزدى قۇنسىزدانۋدان ساقتاۋ. كەلە جاتقان جاڭا جىل قازاق­ستان­دىقتارعا اماندىق، قار­جىلىق تۇراق­تىلىق، جاڭا مۇمكىن­دىكتەر سىيلاسىن دەپ تىلەيمىن. سونداي-اق 2023 جىلى قازاق­ستاندىقتاردى تاعى ءبىر ماڭىزدى مەرەكە كۇتىپ تۇر – ءتول تەڭگەمىزدىڭ قولدانىسقا ەنگىزىلگەنىنە 30 جىل تولادى. تەڭگە – ەلىمىزدىڭ قارجىلىق ەگەمەندىگىنىڭ نەگىزى ءارى نىشانى.

ءار شاڭىراققا شاتتىق، مول تابىس جانە قويعان ماقساتتارىنىڭ جۇزەگە اسۋىن تىلەگىم كەلەدى. كەلىپ قالعان جاڭا جىل قۇتتى بولسىن!

اڭگىمەلەسكەن

كارىباي مۇسىرمان،

«Egemen Qazaqstan»