سەناتورلار ءبىر جىل ىشىندە ەلىمىزدىڭ ءار وڭىرىندەگى ارنايى ەكونوميكالىق ايماقتارعا بارىپ پروبلەمالاردى زەردەلەدى, ارنايى ەكونوميكالىق ايماقتارعا قاتىسۋشىلارمەن كەزدەستى, دامۋدىڭ ودان ءارى پەرسپەكتيۆالارىن ايقىنداۋ جانە وسى سالانىڭ قىزمەتىن جەتىلدىرۋ ءۇشىن سالالىق مەملەكەتتىك ورگاندارعا ۇسىنىستار ازىرلەدى.
كوميتەت توراعاسى سەرىكباي ترۇموۆ دوڭگەلەك ۇستەل بارىسىندا مەملەكەتتىك ساياساتتىڭ نەگىزگى باعىتتارىنىڭ ءبىرى – ينۆەستورلار ءۇشىن قولايلى جاعداي جاساۋ جانە ەلدەگى ينۆەستيتسيالىق احۋالدى جاقسارتۋ ەكەندىگىن اتاپ ءوتتى.
«كوميتەت مۇشەلەرى ارنايى ەكونوميكالىق ايماقتاردىڭ تيىمدىلىگىن قامتاماسىز ەتۋ ماقساتىندا اەا نىساندارىنا جۇيەلى تۇردە ساپارعا شىعىپ, ولاردىڭ قىزمەتىنە تالداۋ جاسادى. وسى شارالاردىڭ ناتيجەسى بويىنشا زاڭنامالىق اكتىلەرمەن رەتتەلگەن كوپتەگەن ماسەلەلەر شەشىلدى, قوسىمشا بيۋدجەت قارجىسى ءبولىندى, سونداي-اق ۇكىمەتكە بىرقاتار ۇسىنىستار جىبەرىلدى», دەدى ول.
دەپۋتاتتاردىڭ ۇسىنىمدارىندا مىناداي ۇسىنىستار بولدى: ينفراقۇرىلىممەن قامتاماسىز ەتۋ, گاز تاراتۋ ستانتسياسىن سالۋ, ينفراقۇرىلىم وبەكتىلەرىن باسقارۋ جونىندەگى بىرىڭعاي وپەراتوردى ايقىنداۋ, جەكە كاپيتال مەن ينۆەستيتسيا تارتۋ جانە باسقا دا وزەكتى ماسەلەلەر قامتىلدى.
يندۋستريا جانە ينفراقۇرىلىمدىق دامۋ مينيسترلىگىنىڭ وكىلى سەناتورلاردىڭ ۇسىنىستارىنىڭ باسىم بولىگى نازارعا الىنعانىن اتاپ ءوتىپ, اەا-نى جەتىلدىرۋ جونىندەگى شارالاردى ىسكە اسىرۋ ماقساتىندا زاڭنامالىق اكتىلەرگە تۇزەتۋلەر توپتاماسى ازىرلەنگەنىن اتاپ ءوتتى.
دوڭگەلەك ۇستەل بارىسىندا سونىمەن قاتار ۇلتتىق ەكونوميكا ءمينيسترىنىڭ ورىنباسارى ازامات ءامىرين, جامبىل وبلىسى اكىمىنىڭ ورىنباسارى قاناتبەك مادىبەك, سىرتقى ىستەر مينيسترلىگىنىڭ وكىلى جانە اەا قاتىسۋشىلارى بايانداما جاسادى.
