2023 جىلدان باستاپ قازاقستاندا جەڭىلدىكتى اۆتوكرەديتتەۋ باعدارلامالارىنىڭ وپەراتورلارى «قازاقستاننىڭ دامۋ بانكى» اق جانە «ونەركاسىپتى دامىتۋ قورى» اق بارلىق قولدانىستاعى باعدارلامالار بويىنشا شارتتار بىرىزدەندىرىلەتىنىن مالىمدەدى.
«قازىر باعدارلامالارعا قاتىساتىن ەكىنشى دەڭگەيلى بانكتەر قولدانىستاعى كرەديتتەردى وتەۋدەن تۇسەتىن تولەمدەردى جيناقتاۋ پروتسەسىن جۇزەگە اسىرىپ جاتىر. رەۆولۆەرلىك تەتىك نەگىزىندە جەڭىلدىكتى قارىزدار بەرۋدى باستاۋ 2023 جىلعى قاڭتاردىڭ ەكىنشى جارتىسىندا كۇتىلەدى. ىسكە قوسۋ كۇنىنە ەكى باعدارلاما بويىنشا جيناقتالعان قاراجات كولەمى شامامەن 13 ملرد تەڭگەنى قۇرايدى, بۇل كەمىندە 1300 جاڭا اۆتوكرەديت بەرۋگە مۇمكىندىك بەرەدى. بولاشاقتا رەۆولۆەرلىك ادىسپەن جيناقتالعان قاراجاتتى ءبولۋدى اي سايىن ىسكە اسىرۋ جوسپارلانعان», دەلىنگەن قدب حابارلاماسىندا.
ەسكە سالا كەتسەك, 2015 جىلدان باستاپ قدب ارقىلى جەڭىلدىكتى اۆتونەسيەلەۋ باعدارلاماسىنا 82 ملرد تەڭگە بولىنگەن. رەۆولۆەرلىك تەتىكتى پايدالانۋدىڭ ارقاسىندا بۇل قاراجات ەسەبىنەن جالپى سوماسى 176 ملرد تەڭگەگە 32 مىڭنان استام قارىز بەرىلدى. ال ونەركاسىپتى دامىتۋ قورى 2022 جىلدىڭ مامىر ايىندا جەڭىلدەتىلگەن اۆتونەسيەلەۋ باعدارلاماسىنا 100 ملرد تەڭگە بولگەن. 2022 جىلعى 1 جەلتوقسانداعى جاعداي بويىنشا بۇل قاراجاتقا 14 مىڭنان استام نەسيە ماقۇلداندى, ونىڭ ىشىندە 12,5 مىڭنان استام جاڭا كولىك بەرىلدى. وسىلايشا, اۆتونەسيەنىڭ ورتاشا مولشەرى 7,8 ملن تەڭگەنى قۇرادى.
بۇل رەتتە باعدارلامالارعا Halyk Bank, ForteBank, بانك تسەنتركرەديت جانە ەۋرازيالىق بانك قاتىسادى.
