وبلىستاعى اعىمداعى جاعداي تۋرالى ءوڭىر اكىمى نۇرلىبەك نالىباەۆ بايانداما جاسادى. ونىڭ حابارلاۋىنشا, وسى جىلدىڭ 11 ايىندا نەگىزگى ماكروەكونوميكالىق كورسەتكىشتەردىڭ ءوسۋ قارقىنى جوعارى بولدى. اتاپ ايتقاندا, وڭدەۋ ونەركاسىبىنىڭ كولەمى 8,5%-عا, جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 29,5%-عا, ال ينۆەستيتسيالار تارتۋ قارقىنى 31,3%-عا ۇلعايدى. وبلىستا 28 مىڭنان استام جاڭا جۇمىس ورنى اشىلدى, 366 كم اۆتوجول جوندەلدى جانە 604 مىڭ شارشى مەتر تۇرعىن ءۇي سالىندى.
وڭىردەگى اگروونەركاسىپتىك كەشەننىڭ ءوسۋ قارقىنى تۋرالى اۋىل شارۋاشىلىعى ءمينيسترى ەربول قاراشوكەەۆ باياندادى. سونداي-اق كەڭەستە ءبىلىم بەرۋ, دەنساۋلىق ساقتاۋ, ونەركاسىپ, جول ينفراقۇرىلىمى, تۇرعىن ءۇي-كوممۋنالدىق شارۋاشىلىعى سالالارىن, وبلىستى ەلەكترمەن, جىلۋمەن جانە گازبەن جابدىقتاۋ جۇيەلەرىن دامىتۋ, قورشاعان ورتانى قورعاۋ جونىندەگى شارالار قارالدى.
پرەمەر-مينيستر پرەزيدەنتتىڭ سايلاۋالدى باعدارلاماسىن ىسكە اسىرۋ بويىنشا ءىس-قيمىل جوسپارىندا وڭىرلىك دامۋ ماسەلەلەرىنە, ونىڭ ىشىندە ولاردىڭ دەربەستىگىن ارتتىرۋعا جانە وڭىرلىك ديسپروپورتسيانى تومەندەتۋگە باسا نازار اۋدارىلعانىن اتاپ ءوتتى.
ء«ىس-شارالاردىڭ بارلىعى قازاقستاندىقتاردىڭ ءومىر ءسۇرۋ ساپاسى مەن ءال-اۋقاتىن جاقسارتۋعا باعىتتالىپ وتىر», دەدى ءاليحان سمايىلوۆ.
ونىڭ ايتۋىنشا, بيىل بەكىتىلگەن ۇلتتىق جوبالار اياسىندا وبلىستا 2026 جىلعا دەيىن 15 مىڭنان استام وقۋشىعا ارنالعان جاڭادان 21 مەكتەپ, باستاپقى مەديتسينالىق-سانيتارلىق كومەك كورسەتۋگە ارنالعان 27 وبەكت سالىنىپ, 4 اۋداندىق اۋرۋحانانى جاڭعىرتۋ جوسپارلانعان. ودان بولەك, اۋىلدىق جەرلەرگە كەلەتىن مەديتسينا ماماندارىن الەۋمەتتىك قولداۋ ماسەلەلەرى شەشىلەدى.
پرەمەر-مينيستر قىزىلوردا وبلىسىنىڭ الەۋمەتتىك-ەكونوميكالىق دامۋىنىڭ ءۇش جىلدىق كەشەندى جوسپارىن ىسكە اسىرۋ اياقتالىپ قالعانىن ەسكە سالدى. سونىڭ ارقاسىندا حالىقتى گازداندىرۋ جانە سۋمەن قامتاماسىز ەتۋ دەڭگەيى, تۇرعىن ءۇي قۇرىلىسىنىڭ قارقىنى جانە باسقا دا نەگىزگى ماكروەكونوميكالىق كورسەتكىشتەر ارتتى. جالپى وڭىرلىك ءونىم كولەمى نومينالدى ماندە 279 ملرد تەڭگەگە ءوستى, وبلىس ەكونوميكاسىنا شامامەن 1,5 ترلن تەڭگە ينۆەستيتسيا تارتىلدى. بۇل رەتتە جوسپاردىڭ 25 ءىس-شاراسى ورىندالماي قالدى.
سونىمەن قاتار ءاليحان سمايىلوۆ ءوڭىر ەكونوميكاسىن ءارتاراپتاندىرۋدى جالعاستىرۋ قاجەتتىگىن اتاپ ءوتتى. بيىل وبلىستا جەكە ينۆەستيتسيالار ەسەبىنەن قۇنى 6,5 ملرد تەڭگە بولاتىن 7 جوبانى اياقتاۋ جوسپارلانۋدا. 1 ترلن تەڭگەدەن استام سوماعا تاعى 60-قا جۋىق جوبا ىسكە اسىرىلىپ جاتىر.
«وبلىس اكىمدىگى ولاردىڭ بارلىعىن ۋاقىتىلى ىسكە قوسىپ, جوسپارلانعان جوبالاردىڭ ساپالى پىسىقتالۋىن قامتاماسىز ەتۋى قاجەت», دەدى ول.
سونىمەن قاتار ءاليحان سمايىلوۆ ازىق-ت ۇلىك تاۋارلارىنىڭ باعاسىن ۇستاپ تۇرۋ, وبلىس تۇرعىندارىن جىلۋمەن, ەلەكترمەن جانە سۋمەن قامتاماسىز ەتۋ بويىنشا جۇمىستىڭ تيىمدىلىگىن ارتتىرۋ قاجەتتىگىن اتاپ ءوتتى.
پرەمەر-مينيستر سولتۇستىك ارال تەڭىزىنىڭ جاعدايىنا ەرەكشە نازار اۋداردى. ونىڭ كولەمى سوڭعى جىلدارى ازايىپ بارادى. وسىعان بايلانىستى ول سۋارۋ تەحنولوگيالارى مەن كەزەكتىلىگىن ۇستانۋدى جانە كوللەكتورلىق-درەناجدى سۋلاردى قايتا پايدالانۋدى, سۋ ۇنەمدەۋ تەحنولوگيالارىن ەنگىزۋ جۇمىستارىن جالعاستىرۋدى, جەرلەردىڭ مەليوراتيۆتىك جاعدايىنا مونيتورينگ جاساۋدى كۇشەيتۋدى, كانالداردىڭ جوندەۋ جۇمىستارىن جۇرگىزۋدى, سۋارۋ جەلىسىنىڭ ماگيسترالدىق جانە شارۋاشىلىق ارنالارىن تازارتۋدى قامتاماسىز ەتۋدى تاپسىردى.
قورىتىندىلاي كەلە, ءاليحان سمايىلوۆ 2023 جىلدىڭ 1-ءشى توقسانىنىڭ اياعىنا دەيىن ەكولوگيالىق تولەمدەردى ەسكەرە وتىرىپ, كوممۋنالدىق سەكتور كاسىپورىندارى قىزمەتكەرلەرىنىڭ جالاقىسىن ارتتىرۋ بويىنشا شارالار قابىلداۋدى, 2025 جىلدىڭ سوڭىنا دەيىن قىزىلوردا-جەزقازعان اۆتوموبيل جولىنىڭ جەرگىلىكتى ۋچاسكەلەرىن قايتا جاڭعىرتۋ بويىنشا جۇمىستاردى اياقتاۋدى جانە وبلىستىق جولداردىڭ نورماتيۆتىك جاعدايىن 95%-عا جەتكىزۋدى, كالتسيلەندىرىلگەن سودا وندىرەتىن زاۋىتتىڭ قۇرىلىس جوباسىن ودان ءارى جۇزەگە اسىرۋ ءۇشىن ينۆەستور تارتۋ ماسەلەسىن پىسىقتاۋدى, سونداي-اق «قاراوزەك» سۋ قويماسىنىڭ قۇرىلىسىن باستاۋعا رەسپۋبليكالىق بيۋدجەتتەن قارجى ءبولۋ مۇمكىندىگىن قاراستىرۋدى تاپسىردى.
بۇل رەتتە پرەمەر-مينيستر گازدىڭ رەسۋرستىق بازاسىنىڭ بولۋىن ەسكەرە وتىرىپ, وبلىستىڭ ەلدى مەكەندەرىن گازداندىرۋدى جالعاستىرۋ جانە قىزىلوردا قالاسىندا پەريناتالدىق ورتالىق سالۋعا جوبالاۋ-سمەتالىق قۇجاتتاما ازىرلەۋدى جەدەلدەتۋ قاجەتتىگىن اتاپ ءوتتى.
وبلىسقا جۇمىس ساپارى اياسىندا ءاليحان سمايىلوۆ س. ىسقاقوۆ اتىنداعى قىزىلوردا قۇرىلىس جانە بيزنەس كوللەدجىنىڭ جانە مۇمكىندىگى شەكتەۋلى بالالارعا مامانداندىرىلعان كومەك كورسەتەتىن «قامقورلىق» وڭالتۋ ورتالىعىنىڭ جۇمىسىمەن تانىستى.
