قونىستوي يەلەرىن قۇتتىقتاۋعا «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور مەرەكە كوشەكباەۆ, گۆاردەيسك گارنيزونىنىڭ باستىعى پولكوۆنيك ەرجان مەيىرمانوۆ, قرقك اسكەري ينفراقۇرىلىم باس باسقارماسى باستىعىنىڭ مىندەتىن ۋاقىتشا اتقارۋشى زاپاستاعى پولكوۆنيك باعىت كەرىمباەۆ, سونداي-اق كۇردەلى جوندەۋ جۇمىستارىن جۇرگىزگەن «ەدىل-جايىق» جشس-ءنىڭ باسشىلىعى قاتىستى.
– مەملەكەت باسشىلىعى, قورعانىس ءمينيسترى الەۋمەتتىك ماسەلەلەرگە, ونىڭ ىشىندە ءبىرىنشى كەزەكتە اسكەري قىزمەتشىلەردى تۇرعىن ۇيمەن قامتاماسىز ەتۋگە زور كوڭىل ءبولىپ كەلەدى. سول سەبەپتى جاڭا جىل مەرەكەسىنە دەيىن تۇرعىن ءۇيدى پايدالانۋعا بەرۋگە كۇش سالىندى. سىزدەردى قونىستويمەن قۇتتىقتايمىن! ۇيلەرىڭىز جىلى, ەڭبەكتەرىڭىز جەمىستى, وتباسىلارىڭىز امان بولسىن, – دەدى گەنەرال-لەيتەنانت مۇحامەدجان تالاسوۆ.
اسكەري قىزمەتشىلەردىڭ وزدەرى اتاپ وتكەندەي, بۇگىنگى وقيعا ولار ءۇشىن الداعى ۋاقىتتا دا ۇلگىلى قىزمەت ەتۋگە ىنتالاندىرۋ بولماق.
– ءبىزدىڭ وتباسىمىز ءۇشىن بۇل ەرەكشە وقيعا بولىپ وتىر. ءبىز جاڭا پاتەردىڭ كىلتىن الدىق. باسشىلىقتىڭ قامقورلىعى ءۇشىن كوپ راقمەت. تۋىستارىمىز دا قۋانىپ جاتىر, – دەدى ينجەنەرلىك-ساپەرلىك پولكتىڭ اسكەري قىزمەتشىسى 3-سىنىپتى سەرجانت باۋىرجان وتەبالى.
