بۇل رەتتە مەملەكەتتىك الەۋمەتتىك ساقتاندىرۋ قورى جۇمىس ىستەيتىن ازاماتتاردى الەۋمەتتىك قورعاۋدىڭ قوسىمشا دەڭگەيىن جۇزەگە اسىراتىنىن ايتا كەتكەن ءجون. مىندەتتى الەۋمەتتىك ساقتاندىرۋ جۇيەسىنىڭ قارجى رەسۋرستارى جۇمىس بەرۋشىلەردىڭ ءوز جۇمىسكەرلەرى ءۇشىن, سونداي-اق دارا كاسىپكەرلەر مەن جەكە پراكتيكامەن اينالىساتىن ادامداردىڭ وزدەرى ءۇشىن ەڭ تومەنگى ءبىر جالاقىدان كەم ەمەس جانە جەتى ەسەلەنگەن مولشەرىنەن اسپايتىن تابىستىڭ 3,5% مولشەرىندە تولەنەتىن الەۋمەتتىك اۋدارىمدارى ەسەبىنەن قالىپتاسادى.
«2023 جىلدان باستاپ ەڭ تومەنگى جالاقىنىڭ 70 مىڭ تەڭگەگە دەيىن ارتاتىنىن ەسكەرە وتىرىپ, 1 قاڭتاردان باستاپ الەۋمەتتىك اۋدارىمداردىڭ ەڭ تومەنگى كولەمى ايىنا 2 450 تەڭگەنى, ال ەڭ جوعارى كولەمى 17 150 تەڭگەنى قۇرايدى. الەۋمەتتىك تاۋەكەلدەردىڭ 5 ءتۇرى – ەڭبەك ەتۋ قابىلەتىنەن ايىرىلۋى, اسىراۋشىسىنان ايىرىلۋى, جۇمىسىنان ايىرىلۋى, جۇكتىلىككە جانە بوسانۋعا, سونداي-اق بالا كۇتىمىنە بايلانىستى كىرىسىنەن ايىرىلۋى كەزىندە ازاماتتارعا الەۋمەتتىك تولەمدەر الۋعا بولادى. وسى ورايدا جاڭا جىلدان باستاپ الەۋمەتتىك تولەمدەردىڭ 2 ءتۇرىنىڭ پارامەترلەرى وزگەرتىلەتىنىن اتاپ ءوتۋ كەرەك. ءبىرىنشى, جۇمىسىنان ايىرىلۋى جاعدايىندا, ياعني جۇمىسسىز رەتىندە تىركەلگەن كۇننەن باستاپ ەڭبەك وتىلىنە بايلانىستى 1 ايدان 6 ايعا دەيىن الەۋمەتتىك تولەم تاعايىندالادى. الەۋمەتتىك تولەمنىڭ كولەمى الەۋمەتتىك اۋدارىمدار جۇرگىزىلگەن جۇيەگە قاتىسۋشىنىڭ ورتاشا ايلىق كىرىسىنە, جۇيەگە قاتىسۋ وتىلىنە جانە كىرىستى اۋىستىرۋ كوەففيتسيەنتىنە بايلانىستى بولادى. كەلەسى جىلدان باستاپ كىرىستى اۋىستىرۋ كوەففيتسيەنتى 45%-عا دەيىن ارتادى, بۇل الەۋمەتتىك تولەم كولەمىنىڭ ورتا ەسەپپەن 13%-عا وسۋىنە اكەلەدى. ال 2023 جىلدىڭ
1 قاڭتارىنداعى جاعدايعا سايكەس, ناقتى تولەم الۋشىلارعا 45% كوەففيتسيەنتى قولدانىلا وتىرىپ, بىرجولعى قايتا ەسەپتەۋ اۆتوماتتى تۇردە جۇرگىزىلەيىن دەپ وتىر. الداعى جىلى تولەمنىڭ وسى ءتۇرىن جالپى 30 ملرد تەڭگە سوماسىندا شامامەن 117 مىڭ ادام الادى دەپ كۇتىلىپ وتىر», دەدى
ن.كەمەل.
ماسق باسشىسىنىڭ ايتۋىنشا, ەكىنشى وزگەرىس بالا كۇتىمى بويىنشا بەرىلەتىن الەۋمەتتىك تولەمگە قاتىستى بولىپ وتىر. بۇگىندە بۇل تولەم بالا 1 جاسقا تولعانعا دەيىن تاعايىندالاتىن بولسا, 1 قاڭتاردان باستاپ تولەم مەرزىمى 1,5 جاسقا دەيىن ۇزارتىلادى. الەۋمەتتىك تولەمنىڭ كولەمى كەيىنگى ەكى جىلدا الەۋمەتتىك اۋدارىمدار جۇرگىزىلگەن ورتاشا ايلىق كىرىستىڭ 40%-ىن قۇرايدى. 2023 جىلدىڭ 1 قاڭتارىنداعى جاعداي بويىنشا بالالارى 2022 جىلى تۋعان ناقتى الۋشىلارعا تولەم اۆتوماتتى تۇردە ۇزارتىلادى. تۇتاستاي العاندا, بۇل الەۋمەتتىك قولداۋ كەلەسى جىلى شامامەن 500 مىڭ ادامعا كورسەتىلەدى.
سونىمەن قاتار جۇمىسكەر ءۇشىن الەۋمەتتىك اۋدارىمدار تۇسكەن جاعدايدا بازالىق مەملەكەتتىك جاردەماقىلارعا قوسىمشا ماسق-تان ۇزاقمەرزىمدى الەۋمەتتىك تولەمنىڭ 2 ءتۇرى تولەنەدى.
ء«بىزدىڭ قوردان ەڭبەككە قابىلەتتىلىگىنەن ايىرىلعان جاعدايدا بەرىلەتىن الەۋمەتتىك تولەم جالپى ەڭبەككە قابىلەتتىلىگىنەن ايىرىلۋ دارەجەسى بەلگىلەنگەن كەزەڭگە تاعايىندالادى جانە ەڭبەك قىزمەتىن جالعاستىرۋىنا قاراماستان تولەنەدى. ال اسىراۋشىسىنان ايىرىلۋى جاعدايىندا الەۋمەتتىك تولەم اسىراۋىنداعىلار 18 جاسقا تولعانعا دەيىن, ال كۇندىزگى وقۋ نىسانى بويىنشا وقىعان جاعدايدا 23 جاسقا دەيىن تولەنەدى. ساتىپ الۋ قابىلەتىن قامتاماسىز ەتۋ ماقساتىندا بۇل تولەمدەردىڭ كولەمى جىل سايىن ارتادى. 2023 جىلعى 1 قاڭتاردان باستاپ ۇزاقمەرزىمدى الەۋمەتتىك تولەمدەردىڭ كولەمى اۆتوماتتى تۇردە 8,5%-عا وسپەك. وسىلايشا, جۇمىس ىستەيتىن ازاماتتار الاتىن تولەمدەردىڭ جيىنتىق كولەمى جۇمىس ىستەمەيتىن ازاماتتارعا قاراعاندا كوبىرەك بولادى. جالپى العاندا, جىل سايىن 150 مىڭعا جۋىق ادام ماسق-دان كورسەتىلگەن تولەمدەردى الادى. سونداي-اق تولەمدەردى قايتا ەسەپتەۋ, ارتتىرۋ جانە ۇزارتۋ اۆتوماتتاندىرىلعان رەجىمدە جۇرگىزىلەتىنىن, ياعني الۋشىلارعا قوسىمشا قۇجاتتار جيناۋدىڭ قاجەتى جوق ەكەنىن ەرەكشە اتاپ وتكىم كەلەدى», دەدى ن.كەمەل.
