«ساق ءستيلى» مونەتا باعدارلاماسىنىڭ يدەياسى قازاقستان حالقىن مونەتالار كوللەكتسياسىن جيناۋعا بەلسەندى تۇردە تارتۋ, مادەني-تاريحي جانە اعارتۋشىلىق قۇندىلىقتاردى العا تارتۋ, سونداي-اق وتاندىق مونەتا ءوندىرىسىن تانىمال ەتۋ بولىپ تابىلادى.
ساق ءستيلى – ەۋرازيا دالاسىنىڭ كەيىنگى قولا جانە ەرتە تەمىر ءداۋىرى مادەنيەتىندەگى جانۋارلاردىڭ بەينەلەرىن ورىنداۋدىڭ ەرەكشە ءتاسىلى.
«ساق ءستيلى» مونەتالارىنىڭ نومينالى 100 تەڭگەلىك, ماسساسى 6,45 گرامم, ديامەترى 24,5 مم بولاتىن ءار ءتۇردىڭ 1 000 000 ء(بىر ميلليون) داناسىمەن, جالپى تارالىمى 5 ميلليون دانامەن uncirculated دايىنداۋ ساپاسىمەن نيبراسس/نەيزيلبەر قورىتپاسىنان جاسالعان اينالىمداعى بيكولورلى مونەتالاردىڭ بەس ءتۇرى بولادى.
- «بۇعى». جالاۋلى كومبەسى. جەتىسۋ ء(بىزدىڭ داۋىرىمىزگە دەيىنگى V-III عع.). كوشپەندىلەردىڭ دۇنيەتانىمىنداعى بۇعى – تومەنگى جانە جوعارعى الەمدەردى بىرىكتىرەتىن سيمۆول.
- «قاناتتى بارىس». ەسىك قورعانى ء(بىزدىڭ داۋىرىمىزگە دەيىنگى IV-III ع. سوڭى). قار بارىسى – ەرلىك پەن بايلىقتىڭ سيمۆولى.
- «ماسكا». شىلىكتى. شىعىس قازاقستان ء(بىزدىڭ داۋىرىمىزگە دەيىنگى VIII–VII عع.) وتباسى – وشاق قاسىن قورعايتىن ءۇش كەسكىننىڭ بەينەسى – مىسىق تەكتەس جىرتقىش, ەكى ارقار جانە ۇشاتىن قۇس ماسكاسى.
- «بۇعى تۇرىندەگى التىن اشەكەي», جالاۋلى, جەتىسۋ ء(بىزدىڭ داۋىرىمىزگە دەيىنگى V–III عع.). قىزىل بۇعى بەينەسى – مولشىلىق پەن ۇرپاق جالعاستىعىنىڭ سيمۆولى.
- «بۇكتەتىلگەن بارىس». تالدى-2. ورتالىق قازاقستان ء(بىزدىڭ داۋىرىمىزگە دەيىنگى VII ع.). بۇكتەتىلگەن بارىس فيگۋراسىنداعى ساقينا ءپىشىنى – ۋاقىتتىڭ اۋىسىمدىق جانە سىرتقى الەممەن ۇيلەسىمدىلىك سيمۆولى.
مونەتالاردىڭ تەحنيكالىق جانە ناقتى ولشەمدەرى (ماسساسى, ديامەترى, قالىڭدىعى, مەتالل قورىتپاسى) وزگەرىسسىز ساقتالعان. تەحنيكالىق سيپاتتامالارى جاعىنان ولار نومينالى 100 تەڭگەلىك مونەتالارعا تولىعىمەن سايكەس كەلەدى. سول سەبەپتى «ساق ءستيلى» مونەتالارىن قابىلداۋ ءۇشىن تولەم تەرمينالدارى مەن باسقا دا كاسسالىق تەحنيكانى قوسىمشا قايتا تەڭشەۋ تالاپ ەتىلمەيدى.
«ساق ءستيلى» مونەتالارى قازاقستان تەڭگە سارايىندا دايىندالدى.
