ماقتاارال اۋدانىنىڭ پوليتسيا قىزمەتكەرلەرى جول-كولىك وقيعالارىن ساقتاۋ, قاداعالاۋ, قىلمىس پەن اكىمشىلىك قۇقىق بۇزۋشىلىقتىڭ الدىن الۋ ماقساتىندا پروفيلاكتيكالىق ءىس-شارالاردى تۇراقتى تۇردە جۇرگىزىپ وتىرادى. وسىنداي كەزەكتى شارا بارىسىندا پوليتسيا قىزمەتكەرى ە.جىلقىباەۆ كەشكى ۋاقىتتا كولىگىنىڭ ىشىندە كۇماندى زات قولدانىپ وتىرعان جۇرگىزۋشىنى بايقاپ, وقيعا ورنىنا جەدەل-تەرگەۋ توبىن شاقىرتتى.
وسىلايشا كولىكتىڭ قۇجاتتارىن تەكسەرىپ, جاۋاپ الىپ, ءتىنتۋ جۇرگىزۋ بارىسىندا تۇرعىننان 5 دانا سىرىڭكە قورابىنا سالىنعان ەسىرتكىگە ۇقساس زات تابىلدى.
اتالعان جايتقا بايلانىستى ەر ادامنان الىنعان زات ارنايى ساراپتاماعا جىبەرىلدى. ساراپتاما قورىتىندىسىنا سايكەس, تابىلعان زات جالپى سالماعى 20 گرامعا جۋىق كەپتىرىلگەن ماريحۋانا ەكەندىگى بەلگىلى بولدى. پوليتسەيلەر ەسىرتكىنى تۇرعىننىڭ قايدان العانىن انىقتاۋ ماقساتىندا جۇمىستار اتقارىپ جاتىر.
اتالعان دەرەك قر قك-ءنىڭ 296-بابىمەن (ەسىرتكى, پسيحوتروپتىق زاتتارمەن, سول تەكتەستەرمەن, پرەكۋرسورلارمەن وتكىزۋ ماقساتىنسىز زاڭسىز جۇمىس ىستەۋ) تىركەۋگە الىنىپ, قىلمىستىق ءىس قوزعالدى. سوتقا دەيىنگى تەرگەۋ امالدارى ءجۇرىپ جاتىر.
