قىزدار جاھاندىق دوداعا جولداما الدى

سەۋلدەگى ازيا چەمپيوناتىنىڭ جەرە­بەسى قازاقستان قىزدارى ءۇشىن قولاي­سىز ءتۇستى. جاپونيا, قىتاي سياقتى قۇرلىق­تاعى ەڭ مىقتى ۇجىمدارمەن ءبىر توپ­قا تۇسكەن قازاقستان قۇراماسى تاي­لاند, گونكونگ سياقتى كوماندالاردى ۇتقا­نىمەن, جاپونيا مەن قىتايعا قارسى تۇرا المادى. جاپونيا – بۇعان دەيىن ازيا چەمپيونى دەگەن اتاقپەن قاتار, ۇنەمى فينالعا شىعىپ جۇرگەن كوماندا.

قىتاي قۇراماسى دا وسال ەمەس. ازيا چەمپيوناتىندا 16 (!) مارتە جۇلدە العان شىعىس­تاعى كورشىلەرىمىز بيىلعى جارىس­تىڭ قورى­تىندىسى بويىنشا جۇلدە سانىن 17-گە جەتكىزدى.

دەسەك تە, قازاقستان قۇراماسى ازيا چەمپيوناتىنىڭ العاشقى ويىنىندا ءدال وسى قىتاي قۇراماسىنا ايتارلىقتاي توتەپ بەردى. ءتىپتى كەيبىر ويىن ساتتەرىندە بويجەتكەندەرىمىز ەسەپتە العا شىققان ەدى. وكىنىشكە قاراي, بەرىك بەكنازاروۆتىڭ شاكىرتتەرى ءوز مۇمكىندىكتەرىن ءتيىمدى پاي­دا­لانا الماي, قارسىلاستارىنىڭ ەسەپ­تە العا شىعۋىنا جول بەرىپ قويدى.

جالپى, ازيا چەمپيوناتى بارىسىندا قازاقستان قۇراماسى ساپىندا جانەركە سەيىتقاسىم, دانا ءابىلدا, ۆەرونيكا حار­دينا, كاميلا سەرىكباەۆا, يرينا بارا­نوۆسكايا, ارايلىم ءابدىحاميت وتە جاقسى ونەر كور­سەتتى. ماسەلەن, قىتايمەن وتكەن العاش­قى ماتچتا ۆەرونيكا حاردينا 8 دوپ سوقسا, دانا ءابىلدينا 6 رەت قارسىلاس قاق­پاسىن ءدال كوزدەدى.

ازيا چەمپيوناتىنىڭ قورىتىندىسى بويىنشا 5 كوماندا كەلەسى جىلى وتەتىن الەم چەمپيوناتىنا جولداما الدى. ولار – قازاقستان قۇراماسى جانە ۇز­دىك تورتتىككە كىرگەن وڭتۇستىك كورەيا, جاپو­نيا, قىتاي جانە يران قۇرامالارى.

وتكەن اپتادا وڭتۇستىك كورەيا قۇرا­ماسى فينالدا جاپونيانى قوسىمشا ۋاقىتتا جەڭىپ (34:29), ازيانىڭ 16 دۇر­­­كىن جەڭىمپازى اتاندى. قولا جۇلدە يران­دى 39:24 ەسەبىمەن ۇتقان قىتاي ەنشى­سىندە.

الەم چەمپيوناتىن كەلەسى جىلى دا­نيا, شۆەتسيا جانە نورۆەگيا قۇراما­لا­رى بىرىگىپ وتكىزەدى. بۇگىندە الەمدىك جا­رىسقا قاتىساتىن 32 كوماندانىڭ 17-ءسى بەلگىلى بولدى. اتاپ ايتساق, جارىس قو­جا­يىندارىنان بولەك, فرانتسيا, چەرنو­گوريا جانە نيدەرلاند قۇرامالارى ەۋروپا چەمپيوناتىنىڭ قورىتىندىسى بو­يىنشا جولداما الدى. افريكا ايما­عى­نىڭ ۇزدىك ءتورت كومانداسى قاراشا ايى­نىڭ 20-ىندا انىقتالدى. ولار – انگولا, كامەرۋن, كونگو جانە سەنەگال قۇرا­ما­لارى. امەريكا ايماعىنىڭ قوس مىقتى­سى برازيليا مەن ارگەنتينا دا الەم چەمپيوناتىنا قاتىساتىن ۇجىمدارعا قوسىلدى. كەلەسى جىلدىڭ كوكتەمىندە ەۋروپا چەمپيوناتىنىڭ ەكىنشى ىرىكتەۋ ويىندارى وتەدى. ول جەردە 10 كوماندا بەلگىلى بولادى. ال قالعان بەس كوماندانى حالىقارالىق گاندبول قاۋىمداستىعى وزدەرى ۇسىنادى (wild card).

ازيا چەمپيوناتىنىڭ ناتيجەلەرى

توپتىق ويىندار

ا توبى

1-تۋر. ءۇندىستان – يران – 35:43; وڭتۇستىك كورەيا – اۋستراليا – 48:9;

2-تۋر. وزبەكستان – يران – 32:35; ءۇندىستان – وڭتۇستىك كورەيا – 8:38;

3-تۋر. ءۇندىستان – وزبەكستان – 28:22; يران – اۋستراليا – 43:15;

4-تۋر. اۋستراليا – ءۇندىستان – 30:42; وزبەكستان – وڭتۇستىك كورەيا – 21:41;

5-تۋر. اۋستراليا – وزبەكستان – 26:36; وڭتۇستىك كورەيا – يران – 41:11;

تۋرنير كەستەسى

ۆ توبى

1-تۋر. قىتاي – قازاقستان – 28:26; تايلاند – جاپونيا – 9:44;

2-تۋر. گونكونگ – قازاقستان – 24:28; قىتاي – جاپونيا – 26:29;

3-تۋر. قىتاي – گونكونگ – 36:21; قازاقستان – تايلاند – 30:24;

4-تۋر. تايلاند – قىتاي – 13:36; گونكونگ – جاپونيا – 7:42;

5-تۋر. تايلاند – گونكونگ – 24:20; قازاقستان – جاپونيا – 21:33;

تۋرنير كەستەسى

پلەي-وفف

جارتىلاي فينال. وڭتۇستىك كورەيا – قىتاي – 34:16; جاپونيا – يران – 43:19;

9-10-ورىن ءۇشىن. اۋستراليا – گونكونگ – 26:28;

5-8-ورىن ءۇشىن. ءۇندىستان – تايلاند – 37:25; قازاقستان – وزبەكستان – 30:28;

7-8-ورىن ءۇشىن. تايلاند – وزبەكستان – 39:35;

5-6-ورىن ءۇشىن. قازاقستان – ءۇندىستان – 42:31;

3-4-ورىن ءۇشىن. قىتاي – يران – 39:24;

فينال. وڭتۇستىك كورەيا – جاپونيا – 34:29 (27:27) قوسىمشا ۋاقىتتا.

جالپى, الەم چەمپيوناتىنا كەز كەل­گەن كوماندا توپ ەتىپ تۇسە سالمايدى. ىرىكتەۋ ويىن­دارىنىڭ ءوزى قاجىرلى ەڭبەكتى قا­جەت ەتەدى. ونى ەلىمىزدەگى باسكەتبول, ۆولەي­بول, فۋتبول سياقتى كوماندالىق سپورت تۇر­لەرىنىڭ ىرىكتەۋ سايىستارىنان كو­ر­ىپ ءجۇرمىز. سوندىقتان گاندبولشى قىزدا­رى­مىزدىڭ ازيا قۇرلىعىنان بەسىنشى ورىن يەلەنىپ, الەمدىك جارىسقا جولداما الىپ جاتقانىنىڭ ءوزى – ءبىز ءۇشىن ۇلكەن جەتىستىك.