وتكەن اپتادا «ەۋرازيا» كورەرمەندەرى مەن قاتىسۋشىلارى 25 ەلدىڭ كينوكارتينالارىن تاماشالادى. بارلىق كورسەتىلىمدەر انشلاگپەن ءوتتى. فەستيۆالدىڭ ءتۇرلى باعدارلامالارىنا ەلۋ فيلم قاتىسقان, ونىڭ ۇشەۋى – الەمدىك پرەمەرالار – «ارۋ ەلەنا», «بوران» جانە «اۋىل» فيلمدەرى. سونداي-اق «مەنى يۆانسىز جەرلەمەڭدەر» ءفيلمىنىڭ حالىقارالىق پرەمەراسى ءوتتى. ەكى ازيالىق پرەمەرا بولدى. اتاپ ايتقاندا, ء«مارمارداي سۋىق» جانە «قۇدايدىڭ شاقىرۋى» كارتينالارى. سونداي-اق كورەرمەندەر ءوز ەلدەرىنەن «وسكار» سىيلىعىنا ۇسىنىلعان ءتورت كارتينانى جانە «ازيا وسكارىنىڭ» (Asia Pacific Screen Awards) يەگەرى «ەسىمدە» ءفيلمىن كوردى.
فەستيۆال اياسىندا شەبەرلىك ساباقتارى, قازاقستاندىق رەجيسسەرلەردىڭ جاڭا فيلمدەرىنىڭ تۇساۋكەسەرىن قامتىعان work-in-progress باعدارلامالارى ءوتتى. ون ءتورت ءباسپاسوز كونفەرەنتسياسى جانە «قازاق كينوسىن دامىتۋ ۆەكتورلارى» اتتى دوڭگەلەك ۇستەل ۇيىمداستىرىلدى. فەستيۆال قوناقتارى تاقىرىپتىق كەشتەرگە قاتىستى. فەستيۆال تاريحىندا تۇڭعىش رەت «ەۋرازيا» تەلەۆيزيالىق كۇندەلىكتەرى بىردەن ەلىمىزدىڭ ەكى تەلەارناسىندا كورسەتىلدى.
ءوز كەزەگىندە فەستيۆالدىڭ قازىلار القاسى كينوكورسەتىلىمدەردى قورىتىندىلاپ, بىرنەشە نوميناتسيالار بويىنشا كونكۋرستىق باعدارلامالاردىڭ جەڭىمپازدارىن انىقتادى:
ۇزدىك فيلم – «ەسىمدە» (رەج. اقتان ارىم قۇبات, قىرعىزستان)
ۇزدىك رەجيسسەرلىك جۇمىس - لەۆان كوگۋاشۆيلي (Brighton 4th / «برايتون 4», گرۋزيا).
ۇزدىك رەجيسسەرلىك جۇمىس - اسيف رۋستاموۆ ء(«مارمارداي سۋىق», ازەربايجان)
قازىلار القاسىنىڭ ارنايى سىيلىعى - كامارا كامالوۆا («تىعىرىق», وزبەكستان)
ۇزدىك اكتەر - ناۆيد موحاممادزادە (Beyond the Wall / «قابىرعانىڭ ارتىندا», يران)
ۇزدىك اكتريسا - شەن شي يۋ (A Woman / «ايەل», قىتاي).
قازىلار القاسىنىڭ ديپلومى - قاتاي داۋلي, «بوران» (قازاقستان) فيلمىندەگى ءرولى ءۇشىن.
قازىلار القاسىنىڭ ديپلومى - «مەنى يۆانسىز جەرلەمەڭدەر» ءفيلمى (رەج. ليۋبوۆ بوريسوۆا, ساحا رەسپۋبليكاسى).
قازىلار القاسىنىڭ ديپلومى - Il Boemo / «يل بوەمو» ءفيلمى (رەج. پەتر ۆاتسلاۆ, چەحيا).
ۇلتتىق بايقاۋ باعدارلاماسى:
ۇزدىك فيلم – «قىزىل انار» (رەج. ءشاريپا ورازباەۆا)
ۇزدىك رەجيسسەرلىك جۇمىس – سەرىك اپرىموۆ («اۋىل»).
قازىلار القاسىنىڭ ارنايى سىيلىعى – «وتاۋ» (رەج. الىشەر جادىگەروۆ).
ۇزدىك اكتەر - ءاليحان ءابىلدين («جازدىڭ سوڭى جاقىندا»)
ۇزدىك اكتريسا - ولگا لاندينا («زەرە»).
فەستيۆالدە سونىمەن قاتار نەتپاك (ازيا كينوسىن ىلگەرىلەتۋدىڭ حالىقارالىق ۇيىمى) قازىلار القاسى جۇمىس ىستەدى, ولار ءوز جەڭىمپازىن انىقتادى – «وت» (رەج. ايجان قاسىمبەك, قازاقستان).
ەستەرىڭىزگە سالا كەتسەك, فەستيۆالدىڭ اشىلۋ سالتاناتىندا «ورتالىق ازيا كينەماتوگرافىنىڭ دامۋىنا قوسقان ۇلەسى ءۇشىن» ارنايى جۇلدەسىن اتاقتى وزبەك رەجيسسەرى الي حامراەۆ جەڭىپ العان بولاتىن, ول وسى فەستيۆالدە حالىقارالىق بايقاۋدىڭ قازىلار القاسىن باسقاردى. ءوز كەزەگىندە «قازاق كينەماتوگرافىنا قوسقان ۇلەسى ءۇشىن» ارنايى سىيلىعىن مادەنيەتتانۋشى جانە قوعام قايراتكەرى مۇرات اۋەزوۆ الدى.
سالتاناتتى شارا جەڭىمپاز ءفيلمنىڭ كورسەتىلىمىمەن اياقتالدى.
