مادەنيەت جانە سپورت مينيسترلىگىنىڭ «ادەبيەتتىڭ الەۋمەتتىك ماڭىزدى تۇرلەرىن ساتىپ الۋ, باسىپ شىعارۋ جانە تاراتۋ» باعدارلاماسى اياسىندا جارىق كورگەن بۇل كىتاپقا ايگۇل سەيىلدىڭ ءار جىلدارى «ەگەمەن قازاقستان», «قازاق ادەبيەتى», «جاس الاش», «جاس قازاق» سىندى رەسپۋبليكالىق مەرزىمدى باسىلىمداردا جاريالانعان تانىمدىق ءمانى تەرەڭ, وقىرمانعا وي سالاتىن دۇنيەلەرى ەنگىزىلگەن.
كىتاپتىڭ تانىستىرىلىمىنا زيالى قاۋىم وكىلدەرى, قالامگەردىڭ ارىپتەستەرى, وقىرماندارى, جاستار قاتىسىپ, ايگۇل سەيىلدىڭ شىعارماشىلىعى جونىندە جىلى لەبىزدەرىن ءبىلدىردى.
«بۇل كىتاپقا سالماقتى, قۇندى دۇنيەلەر ەنگىزىلىپتى. مۇنداعى ادەبي زەرتتەۋلەر جيناقى جازىلعان. ايگۇل سەيىل وسى كىتاپ ارقىلى جۋرناليستيكانىڭ جۇگىن ارقالاي ءجۇرىپ, ءوزىنىڭ شىعارماشىلىق الەۋەتىن كورسەتە بىلگەن. ايگۇلگە شىعارماشىلىق تابىس تىلەيمىن», دەدى قازاقستان جازۋشىلار وداعىنىڭ استاناداعى فيليالىنىڭ توراعاسى, اقىن داۋلەتكەرەي كاپ ۇلى.
