«وسى مەرەيلى مەيراممەن تۇسپا-تۇس كەلىپ وتىرعان فۋتبولدان الەم چەمپيوناتىنىڭ ءساتتى ءارى تابىستى اياقتالۋىمەن شىن جۇرەكتەن قۇتتىقتايمىن. دۇنيەجۇزىلىك برەندكە اينالعان بۇل ءدۇبىرلى دودا قاتاردىڭ باقۋاتتى جانە بولاشاققا نىق سەنىممەن قادام باسىپ كەلە جاتقان ەل ەكەنىن تاعى دا راستادى. اسىرەسە, قاراپايىم سپورت جانكۇيەرىمەن قاتار حالىقارالىق قاۋىمداستىق تا الەمدىك بىرىنشىلىكتىڭ جوعارى دەڭگەيدەگى جاڭا ستاندارتتارىنا كۋا بولدى», دەپ جازىلعان جەدەلحاتتا.
سونىمەن قاتار پرەزيدەنت شىعاناقتاعى قازاقستاننىڭ باستى سەرىكتەستەرىنىڭ ءبىرى – قاتارمەن تىعىز بايلانىستارىمىز جىلدان جىلعا اۋقىمى ۇلعايىپ, ىقپالداستىعىمىزدىڭ ءورىسى كەڭەيىپ كەلە جاتقانىن زور ريزاشىلىقپەن اتاپ ءوتتى. ول بىرلەسكەن كۇش-جىگەردىڭ ارقاسىندا ەكى ەل حالىقتارىنىڭ يگىلىگى ءۇشىن الەۋەتى جوعارى قارىم-قاتىناستارىمىز ودان ءارى دامي تۇسەتىنىنە سەنىم ءبىلدىردى.
