بۇل تۋرالى اۋىل شارۋاشىلىعى ءمينيسترى ەربول قاراشوكەەۆ باياندادى.
7 جىل ىشىندە بۇل ماقساتتارعا 1 ميلليوننان استام اۋىل تۇرعىنىن قامتىپ جانە بارلىق جەكە قوسالقى شارۋاشىلىقتاردىڭ جارتىسىن كووپەراتيۆتىك كاسىپكەرلىككە تارتىپ, 1,0 ترلن تەڭگە ءبولۋ جانە 350 مىڭنان استام جۇمىس ورنىن قۇرۋ جوسپاردا بار.
قازىردىڭ وزىندە 2023 جىلى جوبانى جۇزەگە اسىرۋ ءۇشىن بارلىق وبلىستىڭ اكىمدىكتەرىنە 52,4 ملرد تەڭگە بولىنەدى, 11 مىڭ ميكروكرەديت بەرۋ جانە 12 مىڭنان استام جۇمىس ورنىن قۇرۋ جوسپارلانىپ وتىر. قازىرگى ۋاقىتتا وبلىس اكىمدىكتەرى «اۋىل اماناتى» جوبالىق كەڭسەسىمەن بىرلەسىپ, جوبانى ىسكە اسىرۋ ءۇشىن اۋىلدىق وكرۋگتەرگە سكرينينگ جۇرگىزۋدە.
«مەملەكەت باسشىسىنىڭ بارلىق تاپسىرمالارى بويىنشا اۋىل شارۋاشىلىعى مينيسترلىگى ولاردى ۋاقىتىلى جانە ساپالى ورىنداۋ ءۇشىن قاجەتتى شارالاردىڭ بارلىعىن قابىلدايتىن بولادى», دەدى ەربول قاراشوكەەۆ.
