تاراپتار ەكىجاقتى ساۋدا-ەكونوميكالىق قاتىناستاردىڭ وزەكتى جاي-كۇيى مەن دامۋ پەرسپەكتيۆالارىن, اتاپ ايتقاندا ەنەرگيا رەسۋرستارى مەن شيكىزات سالاسىنداعى ىنتىماقتاستىقتى كەڭەيتۋدى, كولىك-لوگيستيكالىق الەۋەتتى ارتتىرۋ جونىندەگى جوبالاردى بىرلەسىپ ىسكە اسىرۋدى, قازاقستانعا نەمىس ينۆەستيتسيالارىن تارتۋدى تالقىلادى.
«ديپلوماتيالىق قاتىناستاردىڭ ورناعانىنا 30 جىل تولعان جىلى ءبىز ەكىجاقتى قارىم-قاتىناستارىمىزدىڭ ستراتەگيالىق سيپاتىن قاناعاتتانۋشىلىقپەن اتاپ وتەمىز», دەدى م.تىلەۋبەردى.
سونىمەن قاتار م.تىلەۋبەردى ارىپتەسىنە پرەزيدەنت قاسىم جومارت-توقاەۆ جاريالاعان ء«ادىل قازاقستاندى» قۇرۋ باعىتى اياسىندا ەلىمىزدەگى اۋقىمدى ساياسي جانە الەۋمەتتىك-ەكونوميكالىق رەفورمالار تۋرالى ايتىپ بەردى.
نەمىس تاراپى قازاقستاننىڭ ماڭىزدى گەوساياسي ءرولىن اتاپ ءوتىپ, ءبىزدىڭ مەملەكەت گەرمانيانىڭ ورتالىق ازياداعى ماڭىزدى ساۋدا سەرىكتەسى ەكەنىن اتاپ ءوتتى. ر.حابەكتىڭ ايتۋىنشا, 2021 جىلى گەرمانيانىڭ ورتالىق ازيا ەلدەرىمەن ساۋدا كولەمىنىڭ 85% قازاقستانعا كەلدى. وسى جىلدىڭ 9 ايىندا ەكىجاقتى تاۋار اينالىمى 6,8 ملرد ەۋرونى قۇرادى, بۇل وتكەن جىلدىڭ سايكەس كەزەڭىندەگى كورسەتكىشتەن 83%-عا جوعارى.
سول كۇنى مينيستر م.تىلەۋبەردى مەن قازاقستاندىق دەلەگاتسيا مۇشەلەرى نەمىس ىسكەر توپتارىنىڭ وكىلدەرىمەن, اتاپ ايتقاندا «HMS Bergbau AG», «Hermith» جانە «Knauf» ءىرى نەمىس كومپانيالارىنىڭ باسشىلارىمەن كەزدەسۋلەر وتكىزدى. نەمىس بيزنەسمەندەرمەن ىنتىماقتاستىقتى كەڭەيتۋ پەرسپەكتيۆالارى تالقىلاندى جانە قازاقستاندا ليتي بارلاۋ جانە ءوندىرۋ, تيتان بۇيىمدارىن جانە جاڭا گەرماندىق تەحنولوگيالاردى پايدالانا وتىرىپ قۇرىلىس ماتەريالدارىن ءوندىرۋ سالاسىنداعى ينۆەستيتسيالىق جوبالاردى ءىس جۇزىندە ىسكە اسىرۋ مۇمكىندىكتەرى قارالدى.
بۇگىنگى تاڭدا قازاقستاندا نەمىس كاپيتالى بار 650-دەن استام جۇمىس ىستەپ تۇرعان كومپانيا تىركەلگەن, شامامەن 4,8 ملرد ەۋرو سوماسىنا 50-گە جۋىق الەۋەتتى ەكىجاقتى ينۆەستيتسيالىق جوبا بار.
