تۋرنيرگە قازاقستان, تايلاند, اۆستريا, ۇلىبريتانيا جانە فرانتسيا كوماندالارى قاتىستى. وتاندىق پاراسپورتشىلار مۇنداي جوعارى حالىقارالىق دەڭگەيدەگى جارىسقا العاش رەت قاتىسىپ وتىر. دەبيۋتتىك تۋرنيردە سپورتشىلار ءتورت ماتچتىڭ ۇشەۋىندە جەڭىسكە جەتتى (7:0, 10:0 جانە 9:2) جانە تۋرنير كەستەسىندە ەكىنشى ورىنعا تابان تىرەدى. تەك ۇلىبريتانياعا (0:6) ەسە جىبەرىپ الدى. پاراليمپيادا ويىندارىنىڭ چەمپيوناتىن ۇيىمداستىرۋشىلار قازاقستاندىق قۇرامانىڭ ويىنىنا ءتانتى بولىپ, 2 ورىنعا قاراماستان, 2023 جىلى ۆ توبىندا وتەتىن كەلەسى چەمپيوناتتا ونەر كورسەتۋىنە جولداما بەردى.
«قازاقستان حالقىنا» قوعامدىق قورىنىڭ قايىرىمدىلىق جوباسى اياسىندا قازاقستاندىق قۇراماعا پارا-حوككەيدەن حالىقارالىق جارىستارعا دايىندالۋى جانە قاتىسۋى ءۇشىن سپورتتىق مۇكاممال ساتىپ الىپ بەردى. جوبا قازاقستان رەسپۋبليكاسىندا پاراليمپيادالىق حوككەيدى دامىتۋعا جانە قولداۋعا باعىتتالعان.
الەم چەمپيوناتىندا پاراسپورتشىلار قور تابىس ەتكەن 50 دانا سىرعىتپا تاياقپەن ونەر كورسەتتى. سونداي-اق قۇراماعا 16 شانا جەتكىزىلەدى دەپ كۇتىلۋدە. بۇل ماقساتقا «قازاقستان حالقىنا» قورى 12,4 ميلليون تەڭگە باعىتتادى.
«پارا-حوككەي فەدەراتسياسى 2021 جىلى قۇرىلدى. باستاماشىلار مۇمكىندىگى شەكتەۋلى, تىرەك-قيمىل جۇيەلەرى بۇزىلعان ازاماتتار. ماقساتىمىز – اياق امپۋتاتسياسى نەمەسە كەز كەلگەن باسقا دياگنوزى بار, قيىن ومىرلىك جاعدايعا تاپ بولعان ادامدارعا كومەكتەسۋ. مىسالى, سپورتشىلار اراسىندا اياعىنان ايىرىلعان كاسىبي فۋتبولشىلار بار. پارا-حوككەيگە كەلىپ, جاڭا ءومىردى باستاپ, ۇمىتكە قول جەتكىزدى دەۋگە بولادى. كوماندامىزدا 18 ادام, سونىڭ ىشىندە ءبىر قىز جانە ەكى جاتتىقتىرۋشى بار. ەڭ جاسى 17-دە, ۇلكەنى 57 جاستا. قورجىنىمىزدا جەڭىستەرىمىز دە بار», دەدى استانا قالاسى پارا-حوككەي فەدەراتسياسىنىڭ باسشىسى قايرات سابىروۆ.
بۇعان دەيىن پاراسپورتشىلار ءتۇرلى جارىستارعا قاتىسىپ, جەتىستىكتەرگە قول جەتكىزگەن. بيىل قۇراما ومبىدا وتكەن ء«سىبىر كۋبوگى» حالىقارالىق تۋرنيرىندە كۇمىس, حانتى-مانسيسكىدەگى «بىرگەمىز. سپورت» پاراليمپياداشىلاردىڭ قىسقى ويىندارىندا قولا مەدال جەڭىپ الدى. وتكەن جىلى سوچيدەگى «كحل كونتينەنت كۋبوگى» حوككەيدەن حالىقارالىق تۋرنيردە ءتورتىنشى ورىندى يەمدەندى. قالىپتى قىزمەت مەرزىمى نەبارى 5 جىل بولسا دا, بۇل جارىستاردا 2017 جىلى ساتىپ الىنعان جابدىقتار قولدانىلىپ كەلدى. سوندىقتان استانا قالاسىنىڭ پارا-حوككەي فەدەراتسياسى «قازاقستان حالقىنا» قورىنا جۇگىنىپ, مۇمكىندىگى شەكتەۋلى جاندارعا قولداۋ كورسەتىپ, حوككەيگە ارنالعان شانا مەن سىرعىتپا تاياق ساتىپ الۋعا كومەك سۇرادى.
«پارا-حوككەي – پاراليمپيادالىق سپورت ءتۇرى جانە ءبىز ونىڭ قازاقستانداعى دامۋ مۇمكىندىكتەرىن بايقاپ وتىرمىز. جىگىتتەرىمىزدىڭ قارقىنى ەرەكشە, جەڭۋگە دايىن. وسى ۋاقىت ىشىندە پارا-حوككەيمەن اينالىسقىسى كەلەتىن جانكۇيەرلەرىمىز بەن پىكىرلەس جانداردى تاپتىق. «قازاقستان حالقىنا» قورى ۇسىنىسىمىزعا جاۋاپ بەرىپ, مۇگەدەك سپورتشىلاردى قولداعانىنا ريزامىز. بۇل ءبىز ءۇشىن كۇشتى موتيۆاتسيا, ىنتا-جىگەرىمىزدى ودان ارى ارتتىرا ءتۇستى», دەدى قايرات سابىروۆ.
پارا-حوككەيدەن الەم چەمپيوناتىنىڭ كۇمىس مەدالى ەلىمىزدەگى وسى سپورت ءتۇرىنىڭ دەڭگەيىن كوتەرۋگە, وڭىرلەردەگى پاراسپورتتى بۇقارالىق جانە تانىمال ەتۋگە, سونداي-اق مۇگەدەك ادامداردىڭ نازارىن سپورتقا اۋدارۋعا مۇمكىندىك بەرەتىنىنە پاراسپورتشىلار سەنىمدى. سەبەبى ايماقتاردا مۇمكىندىگى شەكتەۋلى جاندارعا ارنالعان مامانداندىرىلعان مۇز سارايلارىنىڭ بولماۋىنا بايلانىستى پارا-حوككەي جەتكىلىكتى دامىماعان. ەرەكشە قاجەتتىلىكتەرى بار ادامدارعا ارنالعان جالعىز مۇز سارايى استانادا «تارلان» سپورت كەشەنىندە ورنالاسقان.
