نەسيەگە قولجەتىمدىلىكتى كەڭەيتۋ ەسەبىنەن اۋىل حالقىنىڭ تابىسىن ارتتىرۋ جونىندەگى جوبانى ىسكە اسىرۋ باستالدى. وعان كەلەسى جىلعا 70 ملرد تەڭگە ءبولۋ كوزدەلگەن.
جالپى 5 جىلدىڭ ىشىندە وسى جوباعا 1 ملن-نان استام اۋىل تۇرعىنىن قامتي وتىرىپ, 1 ترلن تەڭگە باعىتتاۋ جوسپارلانىپ وتىر. وسى جۇمىس اياسىندا بارلىق جەكە ءۇي شارۋاشىلىقتىڭ جارتىسىن كووپەراتيۆتىك كاسىپكەرلىككە تارتۋ جوسپارلانىپ وتىر. سونداي-اق 350 مىڭنان استام جاڭا جۇمىس ورنى قۇرىلادى دەپ كۇتىلۋدە. سونىمەن قاتار ءاليحان سمايىلوۆ قازىرگى ۋاقىتتا حالىقتىڭ تابىسىن ارتتىرۋدىڭ 2025 جىلعا دەيىنگى باعدارلاماسى ودان ءارى ىسكە اسىرىلىپ جاتقانىن اتاپ ءوتتى. ونىڭ شەڭبەرىندە 3 ملن-نان استام ادامنىڭ جالاقىسى ءوستى. دارىگەرلەردىڭ جالاقىسى 30%-عا دەيىن, مۇعالىمدەردىكى – 25%-عا, بيۋدجەت سفەراسىنىڭ باسقا قىزمەتكەرلەرىنىڭ جالاقىسى – 20%-عا, وندىرىستىك پەرسونالدىڭ جالاقىسى – 10-50% ارالىعىندا كوتەرىلگەن.
«باعدارلاما اياسىندا بيىل 11 ايدا 563 مىڭ جاڭا جۇمىس ورنى قۇرىلدى, بۇل جوسپارلانعان كورسەتكىشتەن 27%-عا جوعارى. بۇدان باسقا, ۇكىمەت ازاماتتاردى جۇمىسپەن قامتۋ بويىنشا ءىس-شارالاردى بەلسەندى ىسكە اسىرۋدا. بيىل 830 مىڭنان استام ادام جۇمىسقا ورنالاستى, سونىڭ ىشىندە 233 مىڭى – جاستار», دەپ جازىلعان ۇكىمەتتىڭ ءباسپاسوز قىزمەتى تاراتقان حابارلامادا.
