پارلامەنت • 09 جەلتوقسان، 2022

سەناتتا ەلىمىزدىڭ قورعانىس ونەركاسىبىن دامىتۋ ماسەلەسى تالقىلاندى

ەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ دەپۋتاتتارى «وتاندىق قورعانىس ونەركاسىبى: جاعدايى، پروبلەمالارى مەن ۇسىنىستارى» تاقىرىبى بويىنشا دوڭگەلەك ۇستەل وتكىزدى، دەپ جازادى Egemen.kz.

دينار كەرىم

كوميتەت توراعاسى مۇحتار قۇل-مۇحاممەد قازاقستاننىڭ مەملەكەتتىك ساياساتىنىڭ باسىم باعىتى – وتاندىق اسكەري-ونەركاسىپ كەشەنىن دامىتۋ ەكەنىن اتاپ ءوتتى.

«قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» سايلاۋالدى باعدارلاماسىندا ارميانى جاڭعىرتۋدى جالعاستىرۋ قاجەتتىگىن اتاپ ءوتتى. ول ءۇشىن قازىرگى زاماناعى تەحنولوگيالار ترانسفەرتى مەن ءوندىرىستى ىقشام شوعىرلاندىرۋدى ەسكەرە وتىرىپ، اسكەري-ونەركاسىپ كەشەنىن دامىتۋ شارالارىن قابىلداۋ قاجەت. وسىعان بايلانىستى بۇگىنگى ءىس-شارا اياسىندا قورعانىس-ونەركاسىپ كەشەنىنىڭ جاي-كۇيى تۋرالى وزەكتى ءارى شىنايى اقپارات الۋدى جانە وسى سالاداعى نەگىزگى پروبلەمالاردى انىقتاۋ مەن جان-جاقتى تالقىلاۋدى، سونداي-اق بەلگىلەنگەن ماسەلەلەردى شەشۋ جولدارىن ۇسىنۋدى جوسپارلاپ وتىرمىز»، دەدى سەناتور.

وتىرىسقا قاتىسۋشىلار مەملەكەتتىك قورعانىس تاپسىرىسى اياسىندا قۇقىق قورعاۋ ورگاندارىنىڭ قاجەتتىلىكتەرىن ەسكەرە وتىرىپ، ەلىمىزدىڭ اسكەري-ونەركاسىپ كەشەنىن كلاستەرلىك دامىتۋ ماسەلەلەرىن، سونداي-اق ازاماتتارعا ارنالعان ونىمدەر شىعارۋدى، ولاردى قارجىلاندىرۋ جانە سالاعا قوسىمشا ينۆەستيتسيا تارتۋدى، قورعانىس كاسىپورىندارىنداعى قالىپتاسقان پروبلەمالاردى شەشۋ كەلەشەگىن دە تالقىلادى.

مۇحتار قۇل-مۇحاممەد اتالعان ماسەلەلەر مەن سەناتورلاردىڭ ۇسىنىمدارى زاڭ شىعارۋ پروتسەسى اياسىندا ەسكەرىلەتىنىن جانە دەپۋتاتتار ولاردى جۇمىس بابىندا پايدالاناتىنىن اتاپ ءوتتى.

دوڭگەلەك ۇستەلگە يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى ەرجان مىرزاباەۆ، قورعانىس ءمينيسترىنىڭ ورىنباسارى رۋسلان شپەكباەۆ، شەكارا قىزمەتى، ۇلتتىق ۇلان، «قازاقستان ينجينيرينگ» ۇك» اق جانە باسقا دا مۇددەلى مەكەمەلەردىڭ وكىلدەرى دە قاتىستى.