ايماقتار • 08 جەلتوقسان، 2022

ەكىباستۇزدا توتەنشە جاعداي رەجيمى الىنىپ تاستالدى

96 رەت كورسەتىلدى

بۇگىن ەكىباستۇز قالاسىنىڭ اكىمى جەرگىلىكتى اۋقىمداعى تەحنوگەندىك سيپاتتاعى تج رەجيمىنىڭ كۇشىن جويۋ تۋرالى شەشىم قابىلدادى، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

بۇعان دەيىن تج رەجيمى ەكىباستۇز قالاسى اكىمىنىڭ وسى جىلى 28 قاراشاداعى №3 شەشىمى نەگىزىندە ەنگىزىلگەن بولاتىن. تج جويۋ ءۇشىن جەرگىلىكتى اتقارۋشى ورگاننىڭ اكىمشىلىك رەسۋرسى عانا ەمەس، ازاماتتار، كاسىپكەرلىك سۋبەكتىلەرى، كاسىپورىندار مەن ەرىكتىلەر دە تارتىلدى. بارلىق كوپپاتەرلى تۇرعىن ۇيلەر جىلۋمەن قامتاماسىز ەتىلگەن.

سونىمەن قاتار كوپپاتەرلى جانە جەكە جەر ۇيلەردە گيدراۆليكالىق رەجيمدى قالپىنا كەلتىرۋ بويىنشا رەتتەۋ جۇمىستارى جالعاساتىن بولادى. ساتباەۆ، 8 جانە ءماشھۇر ءجۇسىپ 52 كوشەلەرىندەگى ۇيلەردىڭ 7 كورپۋسىندا سۋ مەن كارىزدى قالپىنا كەلتىرۋ جۇمىستارى جۇرگىزىلۋدە.

جەكە سەكتوردىڭ جىلۋمەن جابدىقتاۋ جۇيەلەرىن قالپىنا كەلتىرۋ جۇمىستارى جالعاسۋدا. ورتالىق جىلۋمەن جابدىقتاۋعا قوسىلماعان تاعى 40 جەر ءۇي بار. 8 بريگادانىڭ كۇشىمەن قالانىڭ جىلۋ تراسسالارىنداعى ۇساق اقاۋلار مەن زاقىمداردى جويۋ جۇمىستارى اتقارىلۋدا.

«ماگيسترالدىق جانە ورامىشىلىك جەلىلەردەگى تەمپەراتۋرالىق پارامەترلەردى تەڭەستىرۋ جانە رەتتەۋ جۇمىستارى جالعاسىپ جاتىر. تۇرعىندار جىلۋمەن جابدىقتاۋ ماسەلەلەرىمەن «ەكىباستۇزتەپلوەنەرگو» جشس اپاتتىق قىزمەتىنە تاۋلىك بويى جۇگىنە الادى. ءۇي-جايلاردا قاجەتتى تەمپەراتۋرالىق رەجيم بەلگىلەنگەننەن كەيىن مەكتەپتەر مەن بالاباقشالاردىڭ جۇمىسىن شتاتتىق رەجيمدە قايتا باستاۋ جوسپارلانىپ وتىر»، دەلىنگەن حابارلامادا.

تج-دان زارداپ شەككەن ازاماتتاردىڭ وتىنىشتەرى قابىلدانادى. وتىنىشتەر تىركەلگەننەن كەيىن ودان ءارى وتەۋ ءۇشىن زالالدى ايقىنداي وتىرىپ، تۇرعىن ءۇيدى كوميسسيالىق تەكسەرۋ جۇرگىزىلەدى. تج ايماعىندا زارداپ شەككەن ازاماتتاردىڭ زالالىن وتەۋ «ەكىباستۇزتەپلوەنەرگو» جشس ەسەبىنەن جۇرگىزىلەدى.

جىلۋسىز قالعان ۇيلەر قاراشا جانە جەلتوقسان ايلارىنا جىلۋمەن جابدىقتاۋ قىزمەتتەرى ءۇشىن اقى تولەۋدەن بوساتىلادى، قالعان جاعدايلاردا – قايتا ەسەپتەۋ جۇرگىزىلەدى.

تج رەجيمى كەزىندە تۇتىنىلعان ەلەكتر ەنەرگياسىنىڭ قىزمەتتەرىن قايتا ەسەپتەۋ ماسەلەلەرى قاراستىرىلىپ جاتىر. 

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

ۇقساس جاڭالىقتار