ەلوردا • 08 جەلتوقسان، 2022

ەلوردادا جاڭا فورماتتاعى 24 مەكتەپ اشىلادى

استانادا پرەمەر-مينيستر ءاليحان سمايىلوۆ پەن پرەزيدەنت اكىمشىلىگىنىڭ باسشىسى مۇرات نۇرتىلەۋدىڭ قاتىسۋىمەن ءماسليحات دەپۋتاتتارىنىڭ جينالىسى ءوتتى، دەپ حابارلايدى Egemen.kz ۇكىمەت باسشىسىنىڭ ءباسپاسوز قىزمەتىنە سىلتەمە جاساپ.

مارجان تىلەۋبەك

دەپۋتاتتاردىڭ قاراۋىنا ەلوردا اكىمى لاۋازىمىنا بەرىك ورال ۇلى جاكەنوۆ پەن جەڭىس ماحمۇد ۇلى قاسىمبەكتىڭ كانديداتۋرالارى ۇسىنىلدى. قر پرەزيدەنتىنىڭ ءتيىستى حاتىن ءاليحان سمايىلوۆ وقىپ بەردى.

اشىق داۋىس بەرۋ قورىتىندىسى بويىنشا 21 دەپۋتات ج. قاسىمبەكتى تاڭداسا، 7 دەپۋتات ب. جاكەنوۆكە داۋىس بەردى. جينالىسقا بارلىعى 28 دەپۋتات قاتىستى.

وسىدان كەيىن ەلوردا اكتيۆىمەن وتكەن كەزدەسۋدە ءاليحان سمايىلوۆ قالانىڭ بەلسەندى تۇردە دامىپ كەلە جاتقانىن، تۇرعىندار سانىنىڭ 4،5 ەسە وسكەنىن اتاپ ءوتتى. قۇرىلىس قارقىنى دا ءوستى: 2019 جىلدان باستاپ 10 ملن شارشى مەتردەن استام تۇرعىن ءۇي پايدالانۋعا بەرىلدى.

«وسىعان بايلانىستى تۇرعىنداردى ساپالى اۋىز سۋمەن، ەلەكترمەن، جىلۋ قۋاتىمەن جابدىقتاۋ، الەۋمەتتىك نىساندارىن جاڭعىرتۋ ماسەلەلەرىن شەشۋ – جەرگىلىكتى اتقارۋشى بيلىكتىڭ الدىنا قويىلاتىن باسىم مىندەتتەر»، دەدى پرەمەر-مينيستر.

ونىڭ ايتۋىنشا، جاڭا تازارتۋ قۇرىلىستارىنىڭ كەشەنىن، بىرقاتار شاعىن ەلەكتر ستانتسيالارىن، جەو-3 جانە گازبەن جۇمىس ىستەيتىن بىرنەشە جەس-ءتى ىسكە قوسۋ، تۇرعىن ءۇي الاپتارىن اباتتاندىرۋ بويىنشا جۇمىستى جانداندىرۋ، سونداي-اق بارلىق پروبلەمالىق تۇرعىن ءۇي وبەكتىلەرىنىڭ قۇرىلىسىن اياقتاۋ قاجەت.

ءاليحان سمايىلوۆ سوڭعى جىلدارى استانانىڭ الەۋمەتتىك ينفراقۇرىلىمىنا، اتاپ ايتقاندا، اۋرۋحانالار مەن مەكتەپتەرگە جۇكتەمە ارتقانىن اتاپ ءوتتى. وسىعان بايلانىستى مەملەكەت وسى ماسەلەلەردى شەشۋ بويىنشا شارالار قابىلداپ جاتىر. مىسالى، «جايلى مەكتەپ» جاڭا ۇلتتىق جوباسى اياسىندا ەلوردادا الداعى جىلدارى 44،4 مىڭ وقۋشىعا ارنالعان جاڭا فورماتتاعى 24 مەكتەپ اشىلادى.

باسقا ماڭىزدى باعىتتار رەتىندە پرەمەر-مينيستر تۇراقتى جۇمىس ورىندارىن قۇرا وتىرىپ، ءىرى ينۆەستيتسيالىق جوبالاردى ىسكە قوسۋدى جانە كاسىپكەرلىك قىزمەتتى جۇرگىزۋ ءۇشىن قولايلى جاعدايلار جاساۋ كەرەك ەكەنىن ايتتى.

«شاعىن جانە ورتا بيزنەس ەكونوميكالىق ءوسۋدىڭ بەرىك درايۆەرى بولۋ كەرەك. ەگەر بۇرىن استانا مەملەكەتتىك قىزمەتشىلەردىڭ قالاسى بولسا، قازىر ول – كاسىپكەرلەردىڭ قالاسى. ەلوردانىڭ ءاربىر ءۇشىنشى تۇرعىنى شاعىن جانە ورتا بيزنەس سالاسىندا جۇمىس ىستەيدى. وسىعان وراي بيزنەسكە كەدەرگى كەلتىرەتىن بارلىق قيىندىقتاردى جويۋ قاجەت»، دەدى ول.

سونىمەن قاتار پرەمەر-مينيستر ساپالى ازىق-ت ۇلىك ونىمدەرىن ءوندىرۋ كولەمىن ۇلعايتۋ، وزەكتى ەكولوگيالىق ماسەلەلەر مەن نوسەر كارىز جۇيەسىنىڭ جۇمىس ىستەۋى بويىنشا پروبلەمالاردى شەشۋ قاجەتتىگىن اتاپ ءوتتى.

«جەرگىلىكتى اتقارۋشى ورگانداردىڭ جۇمىسى حالىقپەن ناتيجەلى ديالوگ نەگىزىندە قۇرىلىپ، ءوڭىردىڭ ارى قاراي دامۋىنا جانە تۇرعىنداردىڭ ءال-اۋقاتىن كوتەرۋگە باعىتتالۋى كەرەك»، دەپ تۇيىندەدى ءاليحان سمايىلوۆ.