ۇكىمەت • 08 جەلتوقسان، 2022

ءدارى-دارمەك ءوندىرىسى 50%-عا دەيىن ارتادى

50 رەت كورسەتىلدى

پرەمەر-مينيستر ءاليحان سمايىلوۆتىڭ توراعالىعىمەن وتكەن «قازاقستان-ەۋرووداق» ديالوگ پلاتفورماسىنىڭ 11-وتىرىسىنا قاتىسۋشىلار دەنساۋلىق ساقتاۋ جانە فارماتسەۆتيكا سالاسىنداعى ىنتىماقتاستىقتى نىعايتۋ ماسەلەلەرىن تالقىلادى، دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.

شاراعا ەۋروپالىق وداقتىڭ قازاقستانداعى وكىلدىگىنىڭ باسشىسى، اۆستريا، بەلگيا، بولگاريا، گەرمانيا، يتاليا، نيدەرلاندى، پورتۋگاليا، سلوۆاكيا، فينليانديا، حورۆاتيا، چەحيا جانە شۆەتسيا ەلشىلەرى، سونداي-اق قر ورتالىق مەملەكەتتىك ورگاندارىنىڭ وكىلدەرى قاتىستى.

ءاليحان سمايىلوۆتىڭ ايتۋىنشا، دەنساۋلىق ساقتاۋ – قازاقستان مەن ەۋروپالىق وداق اراسىنداعى ءوزارا ءتيىمدى ىنتىماقتاستىقتى ارتتىرۋ ءۇشىن كەلەشەگى زور سالالاردىڭ ءبىرى.

ۇكىمەت باسشىسى بيىل رەسپۋبليكادا «دەنى ساۋ ۇلت» ءاربىر ازامات ءۇشىن ساپالى ءارى قولجەتىمدى دەنساۋلىق ساقتاۋ» ۇلتتىق جوباسى قابىلدانعانىن ەسكە سالدى، ونىڭ نەگىزگى ماقساتى – 2027 جىلعا قاراي ءومىر ءسۇرۋ ۇزاقتىعىن 75 جىلعا دەيىن ۇلعايتۋ. سونىمەن قاتار ونىڭ ايتۋىنشا، قر پرەپاراتتاردى كەلىسىم-شارتپەن ءوندىرۋ مەحانيزمىن ىسكە اسىرۋ ارقىلى فارماتسەۆتيكالىق ونىمدەردىڭ ءوندىرىسىن 50%-عا دەيىن ارتتىرۋدى جوسپارلاپ وتىر.

«قازاقستان مەن ەۋرووداق الدىندا مەديتسينا جانە فارماتسەۆتيكا سالالارىنداعى ارىپتەستىكتى نىعايتۋ ءۇشىن كەڭ مۇمكىندىكتەر اشىلدى. ءبىز ءوزارا ىنتىماقتاستىققا جانە الدىمىزدا تۇرعان مىندەتتەردى بىرلەسىپ شەشۋگە دايىنبىز»، دەدى ءاليحان سمايىلوۆ. 

وتىرىسقا قاتىسۋشىلار سالا قىزمەتكەرلەرىنىڭ بىلىكتىلىگىن ارتتىرۋ، مەديتسينالىق مەكەمەلەردى باسقارۋ، ءدارى-دارمەكتەرگە باعا بەلگىلەۋدى رەتتەۋ، زياتكەرلىك مەنشىك قۇقىقتارىن قورعاۋ، سونداي-اق جالپى دەنساۋلىق ساقتاۋ جۇيەسىن دامىتۋ ماسەلەلەرىن تالقىلادى.

شارا اياسىندا «سۇراق-جاۋاپ» سەسسياسى ءوتتى، ونىڭ بارىسىندا ورتالىق مەملەكەتتىك ورگانداردىڭ وكىلدەرى شەتەلدىك ارىپتەستەردىڭ قىزىقتىرعان تاقىرىپتارى بويىنشا ساۋالدارىنا جاۋاپ بەردى.

وتىرىستى قورىتىندىلاي كەلە، پرەمەر-مينيستر ۇكىمەت الداعى ۋاقىتتا ءوزارا ءتيىمدى ىنتىماقتاستىقتى نىعايتۋ جونىندەگى قادامداردى ازىرلەۋ جانە ىسكە اسىرۋ ءۇشىن كەلىپ تۇسكەن ۇسىنىستاردى جەدەل قارايتىنىن اتاپ ءوتتى.

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

جامپوز

قازاقستان • بۇگىن، 08:25

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

ۇقساس جاڭالىقتار