سەنات توراعاسى ماۋلەن اشىمباەۆ قازاقستان رەسپۋبليكاسىنىڭ كونستيتۋتسياسىنا سايكەس پرەزيدەنتتىڭ ۇسىنۋى بويىنشا جوعارعى سوت توراعاسىن سايلاۋ جانە قىزمەتتەن بوساتۋ جانە قىزمەتكە انت قابىلداۋ تەك سەناتتىڭ قۇزىرىندا ەكەنىن ايتتى.
جاقىپ اسانوۆ 2017 جىلدان بەرى جوعارعى سوت توراعاسى قىزمەتىن اتقارىپ كەلدى. 1985 جىلى س.م.كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن.
جاقىپ اسانوۆ 1963 جىلى 17 تامىزدا قىزىلوردا قالاسىندا دۇنيەگە كەلگەن.
ۋنيۆەرسيتەتتى اياقتاعاننان كەيىن قىزىلوردا وبلىستىق ادۆوكاتتار كوللەگياسىنا تاعىلىمداماشى بولىپ قابىلدانادى.
1986 جىلدان 1993 جىلعا دەيىن قىزىلوردا وبلىسىنىڭ پروكۋراتۋرا ورگاندارىندا قىزمەت اتقارىپ, قىزىلوردا قالاسى پروكۋرورىنىڭ اعا كومەكشىسى, وبلىس پروكۋرورىنىڭ كومەكشىسى, اعا كومەكشىسى جانە وبلىستىق پروكۋراتۋرانىڭ ءبولىم باستىعى لاۋازىمدارىندا جۇمىس ىستەدى.
1993 جىلدان 1994 جىلعا دەيىن قازاقستان رەسپۋبليكاسى باس پروكۋراتۋراسى جالپى قاداعالاۋ باسقارماسىنىڭ اعا پروكۋرورى, جالپى قاداعالاۋ باسقارماسىنىڭ بانكتەر, قارجى-نەسيە سالاسىنداعى جانە تەكسەرۋ ورگاندارىنداعى زاڭنامانىڭ ساقتالۋىن قاداعالاۋ ءبولىمىنىڭ باستىعى قىزمەتتەرىن اتقارادى.
1994 جىلدىڭ قاراشا ايىنان 1996 جىلدىڭ قاراشاسىنا دەيىن قازاقستان رەسپۋبليكاسى پرەزيدەنتى اكىمشىلىگىنىڭ زاڭدىلىق, قۇقىقتىق ءتارتىپ جانە سوت رەفورماسىن قامتاماسىز ەتۋ بولىمىندە كونسۋلتانت, سەكتور مەڭگەرۋشىسى بولىپ جۇمىس ىستەيدى.
1996 جىلى وڭتۇستىك قازاقستان وبلىسىنىڭ سالىق پوليتسياسى باسقارماسى باستىعىنىڭ ءبىرىنشى ورىنباسارى قىزمەتىنە تاعايىندالادى.
1997 جىلدان 2001 جىلعا دەيىن قازاقستان رەسپۋبليكاسى باس پروكۋراتۋراسىندا باس پروكۋروردىڭ اعا كومەكشىسى – الەۋمەتتىك-ەكونوميكالىق سالاداعى زاڭدىلىقتى قاداعالاۋ باسقارماسى باستىعىنىڭ ورىنباسارى, كەيىن وسى باسقارمانىڭ باستىعى, ودان كەيىن باس پروكۋراتۋرانىڭ مەملەكەتتىك ورگاندار قىزمەتىندەگى زاڭدىلىقتى قاداعالاۋ دەپارتامەنتىنىڭ باستىعى قىزمەتىنە تاعايىندالادى.
2001 جىلعى اقپاننان 2002 جىلعى اقپانعا دەيىن الماتى قالاسى پروكۋرورىنىڭ ءبىرىنشى ورىنباسارى, 2002 جىلدىڭ اقپان ايىنان 2003 جىلدىڭ ماۋسىم ايىنا دەيىن پاۆلودار وبلىسىنىڭ پروكۋرورى بولىپ قىزمەت اتقارادى.
2003 جىلدىڭ ماۋسىم ايىندا اسانوۆ ج.ق. قازاقستان رەسپۋبليكاسىنىڭ ادىلەت ۆيتسە-ءمينيسترى قىزمەتىنە تاعايىندالادى.
2005 جىلدان 2006 جىلعا دەيىن قازاقستان كاسىپكەرلەرى مەن جۇمىس بەرۋشىلەرىنىڭ «اتامەكەن» جالپىۇلتتىق وداعىنىڭ اتقارۋشى ديرەكتورىنىڭ ورىنباسارى, «قازاقستان كوممۋنالدىق جۇيەلەرى» اق-نىڭ ديرەكتورلار كەڭەسىنىڭ توراعاسى, «ورداباسى» كورپوراتسياسى» اق-نىڭ پرەزيدەنتى جانە ديرەكتورلار كەڭەسىنىڭ مۇشەسى قىزمەتتەرىن اتقاردى.
2007 جىلدان 2012 جىلعا دەيىن «نۇر وتان» حدپ پارتيالىق ءتىزىمى بويىنشا قازاقستان رەسپۋبليكاسى پارلامەنتى ءماجىلىسىنىڭ IV جانە V شاقىرىلىمدارىنىڭ دەپۋتاتى, قازاقستان رەسپۋبليكاسى پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى بولدى.
2012 جىلدىڭ 6 قىركۇيەگىندە مەملەكەت باسشىسىنىڭ وكىمىمەن قازاقستان رەسپۋبليكاسى باس پروكۋرورىنىڭ ورىنباسارى بولىپ تاعايىندالدى.
2016 جىلعى 25 ساۋىردە مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ باس پروكۋرورى لاۋازىمىنا تاعايىندالدى.
قازاقستان رەسپۋبليكاسى پرەزيدەنتىنىڭ ۇسىنۋى بويىنشا جاقىپ قاجىمان ۇلى اسانوۆ قازاقستان رەسپۋبليكاسى پارلامەنتى سەناتىنىڭ 2017 جىلعى 11 جەلتوقسانداعى № 273-VI پس قاۋلىسىمەن قازاقستان رەسپۋبليكاسى جوعارعى سوتىنىڭ توراعاسى قىزمەتىنە سايلاندى.
