ايماقتار • 07 جەلتوقسان، 2022

ۇلىتاۋ وبلىسىندا كاسىبي فۋتبول كلۋبى قۇرىلادى

55 رەت كورسەتىلدى

قازاقستان فۋتبول فەدەراتسياسى 2034 جىلعا دەيىنگى قازاقستاندىق فۋتبولدى دامىتۋ ستراتەگياسى اياسىندا وڭىرلەردە فۋتبولدى دامىتۋعا باعىتتالعان الەۋمەتتىك جوبالاردى ىسكە اسىرۋ ماقساتىمەن ۇلىتاۋ وبلىسىنىڭ اكىمدىگىمەن ىنتىماقتاستىق تۋرالى مەموراندۋمعا قول قويدى، دەپ حابارلايدى Egemen.kz قفف-عا سىلتەمە جاساپ.

وڭىردەگى فۋتبولدى دامىتۋداعى ماڭىزدى قۇجاتقا ۇلىتاۋ وبلىسىنىڭ اكىمى بەرىك ابدىعالي ۇلى جانە قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ جەزقازعان قالاسىندا قول قويدى.

مەموراندۋمنىڭ نەگىزگى ماقساتى – ۇلىتاۋ وبلىسىندا فۋتبولدى قولداۋ جانە دامىتۋ. سونىمەن قاتار ەكى تاراپ بۇقارالىق فۋتبول بويىنشا بىرلەسكەن الەۋمەتتىك جوبالاردى ىسكە اسىرۋعا نيەتتى.

وبلىس اكىمى ايماقتىق فۋتبول فەدەراتسياسىن اشىپ، بالالار فۋتبول ورتالىعى مەن كاسىبي كلۋب قۇرۋ جوسپارلانىپ وتىرعانىن ايتتى. سونداي-اق، فۋتبول ينفراقۇرىلىمىن جاقسارتۋ جانە جەرگىلىكتى فۋتبول ماماندارىن، ونىڭ ىشىندە جاتتىقتىرۋشىلاردى دايارلاۋ جونىندەگى ماسەلەلەردى شەشۋ قاجەتتىگى تۋرالى دا اتاپ ءوتتى. وسى مىندەتتەردى شەشۋ ءۇشىن وڭىردە فۋتبولدى دامىتۋ ستراتەگياسى ازىرلەنبەك.

سوڭعى جاڭالىقتار

ۇقساس جاڭالىقتار