اەراتسيا - سۋدى وتتەگىمەن قانىقتىرۋ پروتسەسى. سۋدان تەمىردى جانە قاجەتسىز ەرىگەن گازداردى (كۇكىرتسۋتەك جانە ت.ب.) كەتىرۋ ءۇشىن كەڭىنەن قولدانىلاتىن رەاگەنتسىز ءادىس.
قىس مەزگىلىندە بالىقتاردىڭ سانىن ساقتاۋ ماقساتىندا قابىرشاقتانۋعا قارسى ءىس-شارالار (اەراتسيا) جۇرگىزىلەدى. ويتكەنى, مۇز بەن قاردىڭ قالىڭداۋىنا بايلانىستى سۋداعى وتتەگىنىڭ مولشەرى ازايادى. سۋداعى وتتەگى كونتسەنتراتسياسىنىڭ نورمانىڭ جارتىسىنا دەيىن تومەندەۋى بالىقتاردىڭ تىرشىلىگىنە زياندى.
قىستا اەراتسيا جۇمىستارى مۇز قاباتىنىڭ استىندا جينالاتىن جانە سۋ قويماسىنىڭ وتتەگى رەجيمىنە ەلەۋلى تەرىس اسەر ەتەتىن زياندى گازداردان سۋدى تازارتادى. كوكتەمدە اۋا مەن سۋدىڭ تەمپەراتۋراسى كوتەرىلەدى. وسى ۋاقىتتا اەراتسيا ارنايى باكتەريالاردىڭ ءوز قىزمەتىن باستاۋىنا ىقپال ەتەدى, بۇل ولاردىڭ ومىرلىك بەلسەندىلىگىمەن سۋ قويماسىنداعى ەكولوگيالىق تەپە-تەڭدىكتى ەداۋىر جاقسارتۋعا ىقپال ەتەدى.
