ونىڭ ايتۋىنشا, كاسپي يتبالىقتارىنىڭ پوپۋلياتسياسىن ساقتاۋ ماسەلەلەرى ماڭىزدى. وسى رەتتە پرەزيدەنتتىڭ تاپسىرماسىنا سايكەس كاسپي تەڭىزىندە مەملەكەتتىك تابيعي رەزەرۆات قۇرۋ جۇمىستارى جۇرگىزىلۋدە. بۇگىندە تابيعي-عىلىمي نەگىزدەمە (تعن) ازىرلەنۋدە. ونى كەلەسى جىلدىڭ قاڭتارىندا الۋدى جانە ودان ءارى تەحنيكو-ەكونوميكالىق نەگىزدەمە (تەن) ازىرلەۋگە كىرىسۋ جوسپارلانعان.
مەملەكەت باسشىسىنىڭ بالىق شارۋاشىلىعى ماسەلەلەرى جونىندەگى تاپسىرمالارىن ورىنداۋ ءۇشىن جانە جاڭا وبلىستاردىڭ قۇرىلۋىنا بايلانىستى بالىق شارۋاشىلىعىن دامىتۋ باعدارلاماسىنا تۇزەتۋلەر ەنگىزىلەدى. سونىمەن قاتار سۋ تاپشىلىعى مەن الەمدىك نارىقتارداعى احۋال بويىنشا قازىرگى جاعدايدى ەسكەرە وتىرىپ, ينديكاتورلاردى وزەكتەندىرۋ قاجەت.
«بۇل جۇمىستى ءبىز بيزنەس جانە عىلىم وكىلدەرىمەن بىرلەسىپ جۇرگىزەمىز. مەملەكەتتىك ورگاندارمەن كەلىسىلگەننەن كەيىن ۇكىمەت قاۋلىسىنىڭ ءتيىستى جوباسى كەلەسى جىلدىڭ ەكىنشى توقسانىندا ەنگىزىلەدى», دەدى مينيستر.
