الماسادام ساتقاليەۆتىڭ ايتۋىنشا, كەشە ديرەكتورلار كەڭەسى مەن ۇكىمەت قازمۇنايگاز اكتسيالارىن يەلىكتەن شىعارۋ تۋرالى سوڭعى شەشىمدەردى قابىلدادى.
«وتىنىمدەردى قابىلداۋ 9 قاراشا مەن 2 جەلتوقسان ارالىعىندا جۇرگىزىلدى. قازاقستان ازاماتتارىنىڭ وتىنىشتەرىن قاناعاتتاندىرۋعا باسىمدىق بەرىلدى. ءبىزدىڭ ازاماتتاردان تۇسكەن وتىنىشتەردىڭ جالپى سانى 128,7 مىڭدى قۇرادى. جالپى سوما 74,6 ملرد تەڭگەنى قۇرادى», دەدى ا.ساتقاليەۆ ۇكىمەت وتىرىسىندا.
ول سونداي-اق قور كەلەسى پورتفەلدىك كومپانيالاردىڭ بىرقاتارىن IPO/SPO-عا شىعارۋدى جوسپارلاپ وتىرعانىن ايتتى:
- 2023-2024 جىلدارى - ەير استانا, KEGOC, «سامۇرىق-ەنەرگو» جاسىل اكتيۆتەر پورتفەلى;
- 2024-2025 جىلدارى - قازاقگاز;
– 2025 جىلى – «قازاقستان تەمىر جولى».
