ۇكىمەت • 06 جەلتوقسان، 2022

مەملەكەتتىڭ ەكونوميكاعا قاتىسۋ ۇلەسى 14%-عا دەيىن تومەندەيدى

59 رەت كورسەتىلدى

قر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا جەكەشەلەندىرۋدىڭ 2021-2025 جىلدارعا ارنالعان كەشەندى جوسپارىن ورىنداۋ بارىسى قارالدى، دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.

پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ كەشەندى جوسپارعا 675 مەملەكەتتىك مەنشىك جانە كۆازيمەملەكەتتىك سەكتور نىسانى كىرەتىنىن باياندادى.

ونىڭ ىشىندە 7 رەسپۋبليكالىق جانە 250 كوممۋنالدىق مەنشىك وبەكتىسى، 262 ۇلتتىق حولدينگتەر مەن كومپانيالار وبەكتىسى، سونداي-اق شامامەن 150 اكك وبەكتىسى بار.

بۇگىندە 141،7 ملرد تەڭگە تۇراتىن 253 وبەكت باسەكەلەستىك ورتاعا بەرىلدى، 60 وبەكت قايتا ۇيىمداستىرۋعا جانە جابىلۋعا باعىتتالعان، 146 وبەكت – ساۋدا-ساتتىقتا جانە تاعى 216 وبەكت – ساتۋ الدىنداعى دايىندىقتا. ساتۋ، قايتا ۇيىمداستىرۋ جانە جابۋ بويىنشا كەشەندى جوسپاردىڭ ورىندالۋى 46%-دى قۇرايدى.

ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا، جەكەشەلەندىرۋ تىزبەسىن كەڭەيتۋ ءۇشىن اكتيۆتەردى ىرىكتەۋ كريتەريلەرى بەكىتىلدى. وسى كريتەريلەر نەگىزىندە كەشەندى جوسپارعا 170-تەن استام نىسان قوسىلىپ، وزەكتەندىرىلدى. سونىمەن قاتار جەكەشەلەندىرۋ كەزىندە مەملەكەتتىڭ مۇددەلەرىن ساقتاۋ ءۇشىن ستراتەگيالىق ۇيىمدارداعى باقىلاۋ ۇلەستەرىن ساقتاۋ كوزدەلگەن.

سونىمەن قاتار، بۇگىندە كوممۋنالدىق كاسىپورىنداردى جەكەشەلەندىرۋ ءتاسىلى قايتا قارالدى. ماسەلەن، جوسپاردان حالىقتىڭ تىرشىلىگىن قامتاماسىز ەتۋ ءۇشىن ماڭىزدى 200-دەن استام الەۋمەتتىك ماڭىزى بار وبەكتى (سۋمەن، ەلەكترمەن جانە جىلۋمەن جابدىقتاۋ) الىنىپ تاستالدى.

بۇدان كەيىن «سامۇرىق-قازىنا» ۇاق» اق باسقارما توراعاسى الماسادام ساتقاليەۆ بايانداما جاسادى.

پرەمەر-مينيستر جەكەشەلەندىرۋ ماسەلەلەرى مەملەكەتتىك ورگانداردىڭ ءبىرىنشى باسشىلارىنىنىڭ ەرەكشە باقىلاۋىندا بولۋى ءتيىس ەكەنىن اتاپ ءوتتى.

«كەشەندى جوسپاردى ىسكە اسىرۋ 2025 جىلعا قاراي مەملەكەتتىڭ ەكونوميكاداعى ۇلەسىن 14%-عا دەيىن قىسقارتۋعا مۇمكىندىك بەرەدى. ساتۋعا قويىلعان ءاربىر وبەكت بويىنشا جول كارتاسى ازىرلەندى. ولار مەملەكەتتىك م ۇلىك ءتىزىلىمىنىڭ ۆەب-پورتالىندا ورنالاستىرىلعان. اكتيۆتەردى باسەكەلەس نارىققا جوسپارلى تۇردە شىعارۋدى قامتاماسىز ەتۋ قاجەت»، دەدى ءاليحان سمايىلوۆ. 

سونىمەن قاتار، ۇكىمەت باسشىنىڭ ايتۋىنشا، وبەكتىلەردىڭ ساتۋ الدىنداعى دايىندىق ساپاسىنا دا كوبىرەك كوڭىل ءبولۋ كەرەك. كەشەندى جوسپاردى تولىققاندى ىسكە اسىرۋ ءۇشىن جەكەشەلەندىرۋ پروتسەسىنىڭ اشىقتىعىن ارتتىرۋ قاجەت.

«مەملەكەتتىك ورگاندار، ءوڭىر اكىمدىكتەرى، كۆازيمەملەكەتتىك سەكتور ۇيىمدارى جوسپاردى ناقتى ورىنداۋى قاجەت. جىل قورىتىندىسى بويىنشا جۇمىستارىڭىزعا ءتيىستى باعا بەرىلەتىن بولادى»، دەدى ءاليحان سمايىلوۆ. 

قورىتىندىلاي كەلە، پرەمەر-مينيستر «سامۇرىق-قازىنا» قورىنا «قازمۇنايگاز» ۇلتتىق كومپانياسىنىڭ IPO-سىن ساپالى وتكىزۋدى قامتاماسىز ەتۋدى، ال قارجى مينيسترلىگىنە كەشەندى جوسپار وبەكتىلەرىنىڭ ساتىلۋىنا باقىلاۋدى كۇشەيتۋدى تاپسىردى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

ۇقساس جاڭالىقتار