«بارلىق ەلدە كەدەيشىلىك بار. ءابسوليۋتتى كەدەيشىلىك جانە سالىستىرمالى كەدەيشىلىك بولادى. قازاقستاندا سالىستىرمالى كەدەيشىلىك. جالاقى ءوسىپ, الەۋمەتتىك تولەمدەر ارتىپ, قاجەتتىلىكتەر مەن باعا وسۋدە. بۇل ارقاشان وسىدان تومەن بولاتىن ادامدار ساناتىن كورسەتەدى. كەدەي ەل جوق دەپ ايتۋ مۇمكىن ەمەس. بىراق دەر كەزىندە حالىققا قولداۋ كورسەتىپ, وسى كەدەيشىلىكتىڭ الدىن الۋعا بولادى. وسى باعىتتا كەدەيشىلىكتىڭ الدىن الۋ ءۇشىن تسيفرلىق كارتا جاسادىق. ەندى ونىڭ سالدارىمەن كوبىرەك كۇرەسىپ جاتىرمىز. جۇمىسسىز قالعان وتباسى مۇشەسى جۇمىس تابا الادى نەمەسە الەۋمەتتىك جاردەماقى الادى», دەدى مينيستر ماجىلىستەگى ۇكىمەت ساعاتىندا.
تامارا دۇيسەنوۆا بىلىمسىزدىكتەن الەۋمەتتىك كومەكتى از الاتىن وتباسىلاردىڭ جاعدايىنا دا توقتالدى.
«مەن وبلىستاردىڭ بىرىندە بولدىم: ءبىر وتباسى كوپبالالى وتباسى رەتىندە اي سايىن شامامەن 110 مىڭ تەڭگە جاردەماقى الۋى كەرەك ەدى. ولار بىلمەي, 20 مىڭ تەڭگە كولەمىندە اتاۋلى الەۋمەتتىك كومەك الىپ وتىر. ەندى تاعى دا جۇمىستار اتقارىلادى. قازاقستاندا 200-دەن استام زاڭ بار, ادامدار ءوز قۇقىقتارىن, نە تالاپ ەتە الاتىنىن ءبىلۋى كەرەك», دەپ تۇيىندەدى مينيستر.
بۇعان دەيىن ءماجىلىس دەپۋتاتى ءجاميلا نۇرمانبەتوۆا ايلىق ەسەپتىك كورسەتكىشتى (اەك) قولدانۋدان باس تارتىپ, الەۋمەتتىك تولەمدەردى بىرىڭعاي كورسەتكىش بويىنشا ەسەپتەۋدى ۇسىنعان بولاتىن.
