ۆيتسە-پرەمەر 4 جەلتوقسانداعى تاڭەرتەڭگى جاعداي بويىنشا 5ا, 5ب جانە 6 شاعىن اۋدانداردا 11 تۇرعىن ۇيگە جىلۋ بەرۋ بويىنشا جۇمىس جالعاسىپ جاتقانىن مالىمدەدى. دايىندىق دەڭگەيى جوعارى, سوندىقتان كەشكە دەيىن ولاردىڭ جەلىلەرى (جەرتولەلەر) جىلۋعا قوسىلادى دەپ كۇتىلۋدە. سونىمەن قاتار بۇل ۇيلەردە جىلۋ رادياتورلارى مەن جەتكىزۋ جەلىلەرى اۋىستىرىلىپ جاتىر. كەشكە پاتەرلەردە جىلۋ بەرىلە باستايدى.
سونىمەن قاتار پرەمەر-ءمينيستردىڭ ءبىرىنشى ورىنباسارى جىلۋ بەرىلگەن ۇيلەردىڭ ىشكى ينجەنەرلىك كوممۋنيكاتسيالارى – كارىز قۇبىرلارىن, سۋمەن جابدىقتاۋ جۇيەلەرىن جانە ت. ب. اۋىستىرۋ قاجەت ەكەنىن جانە بۇل جۇمىستىڭ ۇكىمەتتىڭ باقىلاۋىندا ەكەنىن ايتتى.
«جىلۋ تولىعىمەن بەرىلمەيىنشە جوندەۋ جۇمىستاوىنا تارتىلعان بىردە-ءبىر ۇيىم بۇل ۇيلەردەن كەتپەيدى. قازىرگى ۋاقىتتا بارلىعى 484 ادام جۇمىلدىرىلعان. ءبىز ءوز جۇمىسىمىزدىڭ فورماتىن تولىعىمەن وزگەرتتىك, ول تاۋلىك بويى جۇرگىزىلەدى», دەدى رومان سكليار.پرەمەر-مينيستر بارلىق جۇمىستاردى تەزىرەك اياقتاپ, تۇرعىنداردى جىلۋمەن قامتاماسىز ەتۋ قاجەتتىگىن اتاپ ءوتتى.
«جۇمىستى جالعاستىرىڭىز. قالعان ۇيلەردىڭ بارلىعىنا جىلۋدى تەزىرەك قوسۋ كەرەك, ادامدار ءبىر اپتا بويى جىلۋسىز وتىر. ەشكىم مەملەكەتتىڭ كومەگى مەن نازارىنسىز قالمايدى», — دەدى ءاليحان سمايىلوۆ.
