كينو • 04 جەلتوقسان، 2022

«باستاۋ» كينوفەستيۆالىنىڭ جەڭىمپازدارى انىقتالدى

164 رەت كورسەتىلدى

3 جەلتوقساندا الماتىدا X مەرەيتويلىق حالىقارالىق «باستاۋ» ستۋدەنتتىك جانە دەبيۋتتىك فيلمدەر كينوفەستيۆالىنىڭ جابىلۋ سالتاناتى بولىپ ءوتتى. فەستيۆالدىڭ قازىلار القاسى كينوكورسەتىلىمدەردى قورىتىندىلاپ، بىرنەشە نوميناتسيا بويىنشا جەڭىمپازداردى انىقتادى، دەپ جازادى Egemen.kz.

گرۋزين رەجيسسەرى گەورگي وۆاشۆيلي توراعالىق ەتكەن حالىقارالىق قازىلار القاسى Bastau DEBUTS باعدارلاماسىندا بوليۆيادان كەلگەن «ۋتاما» كارتيناسىن ۇزدىك دەپ تانىدى. رەجيسسەر الەحاندرو لوايس گريزيدىڭ ءفيلمى كەچۋا ۇلتىنىڭ قارت جۇبى تۋرالى باياندايدى. تۋىندى اقپان ايىندا ايگىلى «ساندەنس» فەستيۆالىندە «الەمدىك كينو» باعدارلاماسىندا گران-پري جەڭىپ العان جانە بيىل بوليۆيادان «شەت تىلىندەگى ۇزدىك فيلم» نوميناتسياسى بويىنشا «وسكار» سىيلىعىنا ۇسىنىلىپ وتىر.

ۇزدىك رەجيسسەرلىك جۇمىس ءۇشىن جۇلدە فرانتسيالىق الي چەرريگە «بوگەت» كارتيناسى ءۇشىن بەرىلدى، ال اكتەرلىك نوميناتسيالاردا يندونەزيالىق ارسۆەندي بەنينگ سۆارا ء(«ومىربايان» ءفيلمى ءۇشىن) جانە چيليلىك الين كۋپپەنگەيم («1976» ءفيلمى ءۇشىن) جەڭىسكە جەتتى. چيلي، ارگەنتينا جانە كاتاردىڭ بىرلەسكەن ءونىمى - «1976» قازىلار القاسىنىڭ ارنايى سىيلىعىن دا ۇتىپ الدى.

«مۇنداي فەستيۆالدەر جاستار ءۇشىن، العاشقى قادامدارىن جاسايتىن ستۋدەنتتەر ءۇشىن وتە ماڭىزدى. بۇل ومىرگە دەگەن جانە ءبىزدىڭ ىسىمىزگە دەگەن ۇلكەن موتيۆاتسيا. اسىرەسە دەبيۋت ءۇشىن وتە ماڭىزدى – ال بىزدەر، قازىلار القاسى ءۇشىن بۇل ۇلكەن جاۋاپكەرشىلىك. سوندىقتان ءسىز جۇلدە الدىڭىز با، جوق پا، ماڭىزدى ەمەس - ءفيلمدى ءتۇسىرىپ شىعارعانىڭىزدىڭ ءوزى - جەڭىس. سول ءۇشىن دە كۇرەسۋدى توقتاپتاڭىزدار، سوندا عانا جەڭىسكە جەتەسىزدەر»، دەدى ساحنادان حالىقارالىق قازىلار القاسىنىڭ توراعاسى گ. وۆاشۆيلي.

فەستيۆالدىڭ ۇزدىك قىسقامەتراجدى كوركەم ءفيلمى نوميناتسياسىندا قازاقستاندىق رەجيسسەر رومان چەرنيكوۆتىڭ «نينا» كارتيناسى جەڭىسكە جەتتى.

سونىمەن بىرگە BASTAU SHORTS باعدارلاماسىنىڭ قازىلار القاسى كەلەسى نوميناتسيالار بويىنشا جەڭىمپازداردى انىقتادى:

ۇزدىك انيماتسيالىق قىسقامەتراجدى فيلم – ء«تۇن» احماد سالەح، پالەستينا.

ۇزدىك قىسقامەتراجدى دەرەكتى فيلم – «ەۆەرەستتى باعىندىرۋ» بينودا ادحيكاري، نەپال.

قازىلار القاسىنىڭ ارنايى جۇلدەسى – ازامات بۇكەشوۆتىڭ «جازدىڭ ەڭ ۇزاق كۇنى»، قازاقستان.

ەرەكشە اتالىم – «اليف.دو-رە-مي» اليدجون دجاليلوۆ، تاجىكستان.

BASTAU DOCS باعدارلاماسىندا باس جۇلدە ۆەتنامدىق حا لە ءديمنىڭ «تۇمان بالالارى» اتتى دەرەكتى كارتيناسىنا وزەكتىلىگى مەن بەينەسى، الەۋمەتتىك پروبلەمانىڭ كورىنىسى جانە وڭىرىمىزگە جاقىندىعى ءۇشىن بەرىلدى.

 

سونداي-اق، قازىلار القاسى يزرايلدىك شير نيۋماننىڭ «ۇنسىزدىك تۋرالى ايتۋ» كارتيناسىن ۇرپاقتار اراسىنداعى ديالوگ مۇمكىندىكتەرى مەن جەكە وقيعا ارقىلى حالىق تاريحىنا دەگەن كوزقاراستىڭ ماعىنالىلىعى ءۇشىن جانە بانگلادەشتىك حۋمايرا بيلكيستىڭ ءداستۇرلى قوعامداعى جەكە بوستاندىق تاريحىن ىزدەگەنى ءۇشىن «مەن اناما ەشقاشان ايتپايتىن نارسە» كارتيناسىن ەرەكشە اتاپ ءوتتى.

حالىقارالىق ستۋدەنتتىك قازىلار القاسى رەجيسسەر ماكسيم سەۆرينوۆسكيدىڭ «روتشيلد سكريپكاسى» اتتى رەسەيلىك كارتيناعا فەستيۆالدىڭ ەڭ ۇزدىك قىسقامەتراجدى فيلم اتاعىن بەردى. سونىمەن قاتار، قىرعىزستاندىق ەلديار ماداكيم تۇسىرگەن «سالۆادور دالي» كارتيناسى دا ەرەكشە اتالىپ ءوتتى.

بيىل فەستيۆالدە العاش رەت جۇمىس ىستەگەن نەتپاك قازىلار القاسى وزبەك رەجيسسەرى ديلشودبەك ۋسمونوۆتىڭ "مونتاج" فيلمىنە ءوز جۇلدەسىن ۇسىندى، ال «ورتالىق ازيانىڭ ۇزدىك ءفيلمى» رەتىندە «باستاۋ» فەستيۆالى پرەزيدەنتىنىڭ ارنايى جۇلدەسى رەجيسسەر ەرنەست ءابدىجاپاروۆتىڭ «اڭگىمەشى» كارتيناسىنا بەرىلدى. تۋركيادان كەلگەن رەجيسسەر مەرت حارماندار «2300 شاقىرىم» كارتيناسى ءۇشىن «كورەرمەندەر كوزايىمى» سىيلىعىن الدى.

«بارشاڭىزعا ۇلكەن العىسىمدى ايتقىم كەلەدى. ەڭ باستىسى - كينو مەرەكەسى بولىپ ءوتتى. وسى بەس كۇندە ءبىز فەستيۆالدان بارلىق قيىنشىلىقتاردى، نارازىلىقتاردى، تۇسىنىسپەۋشىلىكتەردى جەڭەتىن كۇش-قۋات الدىق»، دەپ قورىتىندىلادى فەستيۆال پرەزيدەنتى سەرگەي ءازىموۆ.

بيىلعى جىلى بارلىق گران-پريلەرگە اقشالاي سىيلىقتار دا بەرىلدى. ەستەرىڭىزگە سالا كەتسەك، ح «باستاۋعا» 40-تان استام ەلدەن 60-قا جۋىق كارتينا فەستيۆال ماراپاتتارى ءۇشىن باسەكەگە ءتۇستى. بۇل فەستيۆالدىڭ وزىندىك گەوگرافيالىق رەكوردى.

جىل سايىنعى وسى كينو مەرەكەسىن الماتى قالاسى اكىمدىگىنىڭ قولداۋىمەن «Tanaris Production» كينوكومپانياسى ۇيىمداستىرادى. فەستيۆالدىڭ سەرىكتەستەرى – قر مادەنيەت جانە سپورت مينيسترلىگى، ت. جۇرگەنوۆ اتىنداعى قازاق ۇلتتىق ونەر اكادەمياسى، «تۇران» ۋنيۆەرسيتەتىنىڭ Turan Film Academy جوعارى مەكتەبى جانە ءال-فارابي اتىنداعى قازاق ۇلتتىق ۋنيۆەرسيتەتى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار