قازاقستان • 04 جەلتوقسان، 2022

«شەرتپە كۇي» رەسپۋبليكالىق بايقاۋى اياقتالدى

139 رەت كورسەتىلدى

الماتىدا «شەرتپە كۇي» رەسپۋبليكالىق ءداستۇرلى مۋزىكا بايقاۋىنىڭ جەڭىمپازدارى ماراپاتتالدى، دەپ جازادى Egemen.kz.

بايقاۋعا 16 مەن 35 جاس ارالىعىنداعى تالانتتى دومبىراشىلار قاتىسقان. باس جۇلدە ءۇشىن 45 كۇيشى باق سىناپتى.

بىرنەشە كۇنگە جالعاسقان فەستيۆال جەڭىمپازدارىن مادەنيەت جانە سپورت ءمينيسترى داۋرەن اباەۆ قۇتتىقتاپ، شىعارماشىلىق تابىستار پەن جارقىن جەتىستىكتەر تىلەدى.

«قازاقتىڭ شەرتپە كۇيى – ۇلتتىق مۋزىكامىزدىڭ ەڭ قۇنارلى قازىناسى. ونىڭ تاريحى، ءداستۇرى سوناۋ كونە زامانداردان باستاۋ الادى. جالپى قازىر ءداستۇرلى كۇي مەن دومبىرانىڭ ناسيحاتى، وعان دەگەن قىزىعۋشىلىق جىل ساناپ ارتىپ كەلەدى. مىسالى، بۇگىنگى تاڭدا تەك «Artsport» باعدارلاماسى شەڭبەرىندە 643 دومبىرا ۇيىرمەسى جۇمىس ىستەيدى، وعان 26 مىڭنان استام بالا قاتىسىپ جاتىر. بۇل – كۇي ونەرىنە دەگەن ەرەكشە ىقىلاستى كورسەتسە كەرەك. سول سياقتى ارنايى مۋزىكالىق مەكتەپتەردە، ورتا جانە جوعارى وقۋ ورىندارىندا دومبىرا ۇيرەنۋشىلەر جىلدان-جىلعا كوبەيىپ كەلەدى. ءبىز ءارى قاراي دا قازاقتىڭ ۇلتتىق ءداستۇرلى مۋزىكا ونەرىن دامىتۋعا باعىتتالعان يگى ءىس-شارالاردى جالعاستىرا بەرەمىز»، دەپ اتاپ ءوتتى داۋرەن اباەۆ.

سونىمەن، بايقاۋ ناتيجەسى بويىنشا ماديار سۇلەيمەنوۆ باس جۇلدە يەگەرى اتانىپ، 1 ميلليون تەڭگە كولەمىندەگى سىياقىمەن ماراپاتتالدى.

ال فەستيۆالدىڭ ءبىرىنشى ورىن يەگەرلەرى – نۇرعالي تولەبي مەن قۇدايبەرگەنوۆ دارىن 750 مىڭ تەڭگەدەن يەلەنسە، ەكىنشى ورىنعا سىرىم شونباەۆ پەن ارداق ەلەۋسىز جايعاستى، ولارعا 500 مىڭ تەڭگە بۇيىردى. ءۇشىنشى ورىندى تۇرسىنبەك ءىلياس، بەكەت بەكسۇلتان، جارقىننۇر ەرجانات يەلەنىپ، ارقايسىسى 300 مىڭ تەڭگەدەن الدى. ال ماۋەتبەك لۋنارا مەن نۇرجان ءىلياسوۆ ء«ۇمىت» ارنايى ديپلومىمەن ماراپاتتالدى. جانتۋ داداباەۆ، ساماتوۆا ايىمگۇل، تىلەۋبەك ءىنجۋ، توقتاروۆ داستان، تالاپحان ەربولات فەستيۆالدىڭ ديپلومانتتارى اتانىپ، ارنايى اقشالاي سىياقى يەلەندى.

 

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

ۇقساس جاڭالىقتار