«اۋداندىق گازەتتەردىڭ جاعدايى ءارتۇرلى بولىپ وتىر. كەيبىرى جەكەگە ءوتتى, بىرقاتارى مەديا حولدينگتەردىڭ قۇرامىندا. كوپ گازەتتىڭ ۆەب-سايتى جوق, زاماناۋي تەحنولوگيالاردى ەنگىزە الماي وتىر. سوندىقتان وسى سەكىلدى كۇردەلى ماسەلەلەردى شەشۋ ءۇشىن الداعى قاڭتاردا استانادا اۋداندىق گازەت باسشىلارىنىڭ جيىنىن وتكىزۋدى جوسپارلاپ وتىرمىز», دەدى مينيستر.
دارحان قۋاندىق ۇلىنىڭ سوزىنشە, ەلوردادا بولاتىن ءىس-شارادا اۋداندىق باسىلىم جەتەكشىلەرىن وقىتۋ, رەسپۋبليكالىق باسىلىمداردا كەزدەسۋلەر ۇيىمداستىرىپ, ارىپتەستەر ءوزارا تاجىربە الماسادى.
ەستەرىڭىزگە سالا كەتەيىك, اقپارات جانە قوعامدىق دامۋ ءمينيسترى دارحان قىدىرالى ۇلىتاۋ وبلىسى جاڭاارقا اۋدانىندا حالىقپەن كەزدەسىپ, ازاماتتاردى جەكە قابىلدادى.
