قايعىلى وقيعا جەلتوقساننىڭ 2 جۇلدىزىنان 3-نە قاراعان ءتۇنى ورىن العان. شۋ قالاسىنداعى جەكە ۇيلەردىڭ بىرىنەن ءورت شىعىپ, قىزىل جالىن جالپى اۋدانى 30 شارشى مەتردى اۋماقتى شارپىعان. ۇيدەگى زاتتار مەن بارلىق جيھازدار جانىپ كەتكەن.
ء«ورت ساعات 00:10-دا وقشاۋلانىپ, ساعات 00:35-تە «سپياسر» مەملەكەتتىك مەكەمەسىنىڭ كۇشىمەن جويىلدى. ونى سوندىرۋگە 4 قىزمەتكەر جانە 1 تەحنيكا جۇمىلدىرىلدى», دەپ مالىمدەدى تجد ءباسپاسوز قىزمەتىنەن.
قۇزىرلى ورگان مالىمەتىنشە, ءتىلسىز جاۋ اۋىزدىقتالعاننان كەيىن وقيعا ورنىنان 5 جانە 2 جاستاعى ەكى بالانىڭ ءمايىتى تابىلعان.
ايتا كەتۋ كەرەك, بۇل ۇيدە پروفيلاكتيكالىق جۇمىس 2022 جىلدىڭ 22 قازانىندا جۇرگىزىلدى - ءورت سوندىرۋشىلەر رەيدتىك ءىس-شارالار بارىسىندا وسى ۇيگە بارىپ, ءورت قاۋىپسىزدىگى ەرەجەلەرىن تۇسىندىرگەن.
وسى ءورت فاكتىسى بويىنشا قك 292-بابىنىڭ 3-بولىگى ء«ورت قاۋىپسىزدىگى تالاپتارىن بۇزۋ» بويىنشا قىلمىستىق ءىس قوزعالدى. قازىرگى ۋاقىتتا اتالعان قىلمىستىق ءىس شەڭبەرىندە تەرگەۋ ءىس-شارالارى جۇرگىزىلۋدە.
