قازاقستان • 03 جەلتوقسان، 2022

اۋىلداردا سپورتتى دامىتۋعا قاتىستى ماسەلەلەر تالقىلاندى

116 رەت كورسەتىلدى

مادەنيەت جانە سپورت ءمينيسترى داۋرەن اباەۆ اۋىلدىق جەرلەردە جۇمىس ىستەيتىن سپورت نۇسقاۋشىلارىمەن كەزدەستى. ماماندار اۋىل سپورتىن دامىتۋ جانە جەرگىلىكتى جەرلەردە وزىق تاجىريبە ۇسىنۋ، بالالار مەن جاسوسپىرىمدەر اراسىندا وبلىستىق جانە اۋداندىق، اۋىلارالىق جارىستار وتكىزۋ، جاڭا سپورت نىساندارىن اشۋ، ەڭبەكاقىنى كوتەرۋ سياقتى سالاعا قاتىستى ماسەلەلەر مەن ۇسىنىستاردى تالقىلادى، دەپ حابارلايدى Egemen.kz.

كەزدەسۋ «اۋىل الاڭىنان – وليمپيادا تۇعىرىنا» اتتى اۋىلدىق سپورت نۇسقاۋشىلارىنىڭ I كونفەرەنتسياسى اياسىندا ءوتتى. قازىر اۋىلدىق جەرلەردەگى سپورت مەكتەپتەرىندە ءبىلىم الاتىن 257 749 بالا مەن ءجاسوسپىرىمدى، سپورتتىق كلۋبتارعا باراتىن تاعى 15 322 ءجاسوسپىرىمدى، ءتۇرلى سپورتتىق سەكتسيالارمەن قامتىلعان 40 578 بالانى جانە ءبىلىم بەرۋ ۇيىمدارىنداعى 32 812 ستۋدەنتتى 4 مىڭنان استام جاتتىقتىرۋشى تاربيەلەۋدە. سونداي-اق اۋىلداردا 3 مىڭنان استام سپورت نۇسقاۋشىسى جۇمىس ىستەيدى.

«اۋىل سپورتىنىڭ نەگىزگى قوزعاۋشى كۇشى – سىزدەر. نۇسقاۋشىلار بولاشاق چەمپيونداردى تاربيەلەپ قانا قويماي، مىڭداعان بالا مەن ءجاسوسپىرىم اراسىندا سپورتتى تانىمال ەتۋگە اتسالىسىپ كەلەدى. اۋىل سپورتىن دامىتۋ ءۇشىن بارىنشا جۇمىس ىستەۋ كەرەك. الايدا، قالىپتاسقان جۇيەدە قوردالانعان ماسەلە بار ەكەنى جاسىرىن ەمەس. مىسالى، نۇسقاۋشىلاردىڭ ەڭبەكاقىسى كوتەرىلگەن جاعدايدا بيۋدجەتكە قانداي جۇكتەمە بولادى، ناقتى قانداي مىندەتتەمەلەر قويىلعان، كىم قاداعالاپ جاۋاپ بەرەدى، اۋىل كادرلارى كىمگە باعىنۋى كەرەك جانە تاعىسىن تاعى. دامۋ ءۇشىن جۇيەلى تۇردە جۇمىس ىستەۋ قاجەت»، دەدى داۋرەن اباەۆ.

ايتا كەتەيىك، مينيستر رەسپۋبليكالىق وقۋ-ادىستەمەلىك جانە تالداۋ ورتالىعىنا جەرگىلىكتى جەرلەردەگى جاعدايدى زەردەلەپ، ءتيىستى جۇمىس جۇرگىزۋدى تاپسىردى.

 

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار