جوباعا «ونەركاسىپتى دامىتۋ قورى» اق, يندۋستريا جانە ينفراقۇرىلىمدىق دامۋ مينيسترلىگى قولداۋ كورسەتپەك. جوبا ويداعىداي جۇزەگە اسۋى ءۇشىن ينۆەستورلارعا 250 ملرد تەڭگەدەن استام سوماعا قارجىلاندىرۋ جانە كرەديت بەرۋ ۇسىنىلادى. نەسيە تەڭگەمەن بەرىلەدى جانە كرەديت مەرزىمى – 3 جىلدان 20 جىلعا دەيىنگى ارالىقتى قامتيدى. ازاماتتار بيزنەسىن گۇلدەندىرۋ ءۇشىن 3 ملرد تەڭگە جانە ودان دا جوعارى سومادا نەسيە رەسىمدەي الادى. سىياقى مولشەرلەمەسى – جىلدىق 7 پايىز.
«قارجىلاندىرۋ ءۇشىن جوبالاردى قاراۋ بارىسىندا ءوتىنىش بەرۋشىلەردىڭ جەرگىلىكتى قامتۋ جونىندەگى تالاپتار, ءوز ءوندىرىسىنىڭ اينالاسىنداعى شاعىن جانە ورتا كاسىپورىنداردى دامىتۋ جانە قازاقستان رەسپۋبليكاسىنىڭ زاڭناماسىندا كوزدەلگەن وزگە دە مىندەتتەمەلەر سياقتى قارسى مىندەتتەمەلەرى ماڭىزدى مانگە يە بولادى. باعدارلامانى ىسكە اسىرۋ وڭدەۋشى ونەركاسىپ كاسىپورىندارىنىڭ نەگىزگى قاراجاتىن جاڭارتۋعا مۇمكىندىك بەرەدى, شامامەن 10 مىڭ جۇمىس ورنىن قۇرادى جانە ساقتايدى», دەلىنگەن حابارلامادا.
وسىعان دەيىن ۇلتتىق ەكونوميكا ءمينيسترى الىبەك قۋانتىروۆ شاعىن جانە ورتا بيزنەستى تەكسەرۋگە جاريالانعان موراتوري مەرزىمى 2023 جىلدىڭ سوڭىنا دەيىن ۇزارتىلاتىنىن مالىمدەگەن ەدى.
