وقيعا • 01 جەلتوقسان، 2022

ەكىباستۇزداعى جاعداي: تۇرعىندار ەلەكتر قۋاتىنىڭ ۇزىلۋىنە بايلانىستى ەۆاكۋاتسيالاندى

151 رەت كورسەتىلدى

ەكىباستۇزداعى اپاتتى قالپىنا كەلتىرۋ جۇمىستارىنا 256 ادام مەن 43 بىرلىك تەحنيكا جۇمىلدىرىلدى، دەپ حابارلايدى Egemen.kz.

«30 قاراشادا ساعات 23:51-دە ەلەكتر جەلىسىنىڭ شامادان تىس جۇكتەلۋىنە بايلانىستى ەكىباستۇز قالاسىنداعى شاعىن اۋدانداردىڭ بىرىندە (شەشەمبەكوۆ، تورايعىروۆ كوشەلەرى) 8 كوپقاباتتى تۇرعىن ۇيگە ەلەكتر قۋاتىن بەرۋ توقتاتىلدى. قالا اكىمى تۇرعىنداردىڭ كەلىسىمىمەن ولاردى جىلۋ پۋنكتتەرىنە ۋاقىتشا كوشىرۋ تۋرالى شەشىم قابىلدادى»، دەپ حابارلادى پاۆلودار وبلىسى اكىمدىگىنىڭ ءباسپاسوز قىزمەتى.

ساعات 00:44-تە ەلەكتر قۋاتىن بەرۋ قالپىنا كەلتىرىلدى، قونىستاندىرۋ ورىن العان جوق. اتالعان اپاتتى قالپىنا كەلتىرۋ جىلۋمەن قامتۋعا اسەر ەتكەن جوق.

«1 جەلتوقسان ساعات 08.00-دەگى جاعداي بويىنشا No6، 8،9،12،14،15 6 قازاندىق جۇمىس ىستەيدى; 4 قازاندىق رەزەرۆتە (5،7،11،13). 132 كوپقاباتتى ۇيگە جىلۋ بەرۋ قالپىنا كەلتىرىلدى، 5ا، 5ب جانە 6 ىقشاماۋداندارىنداعى 114 جەكە تۇرعىن ءۇي جانە 13 الەۋمەتتىك نىسان، 17 كوپقاباتتى ءۇي ورتالىقتاندىرىلعان جىلۋ جۇيەسىنە قوسىلماعان»، دەپ قوستى وبلىس اكىمدىگى.

بۇعان دەيىن ەكىباستۇز قالاسىندا ازاماتتاردى قابىلداۋ مەن جىلىتۋدى ۇيىمداستىرۋ ءۇشىن 14 ۋاقىتشا ورنالاستىرۋ پۋنكتى، 387 جاتىن جانە 1540 وتىراتىن ورىن ۇيىمداستىرىلعان بولاتىن. اپاتتى قالپىنا كەلتىرۋ جۇمىستارىنا بارلىعى 256 ادام مەن 43 تەحنيكا جۇمىلدىرىلعان.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

ۇقساس جاڭالىقتار