قاسىم-جومارت توقاەۆ قىتاي حالىق رەسپۋبليكاسىنىڭ بۇرىنعى توراعاسى تسزيان تسزەمين مىرزانىڭ ومىردەن وزعانى تۋرالى سۋىت حاباردى تەرەڭ كۇيزەلىسپەن قابىل العانىن جەتكىزدى.
«تسزيان تسزەميندى قىتايدىڭ دامۋى مەن حالىقارالىق قاۋىمداستىقتاعى مەرەيىن ارتتىرۋ جولىندا رياسىز قىزمەت ەتكەن ەلىڭىزدىڭ كورنەكتى پەرزەنتى رەتىندە جاقسى بىلەمىز. ەكى ەل اراسىنداعى بەرىك دوستىقتى نىعايتۋعا سۇبەلى ۇلەس قوسقان تۇلعا رەتىندە ونىڭ جارقىن بەينەسىن حالىقتارىمىز جادىندا مəڭگى ساقتايدى», دەلىنگەن جەدەلحاتتا.
پرەزيدەنت جەدەلحاتتا قازاقستان حالقىنىڭ جانە جەكە ءوزىنىڭ اتىنان ونىڭ وتباسى مەن تۋعان-تۋىستارىنا, سونداي-اق بارشا قىتاي حالقىنا كوڭىل ايتتى.
