قوعام • 30 قاراشا، 2022

ەرىكتىنىڭ ەڭبەگى ەرەن

84 رەت كورسەتىلدى

ەل جاستارى قازاقتىڭ قانىندا بار كىسىلىكتىڭ كورىنىسىن ەكىباستۇزدا كورسەتتى. قاقاعان ايازدىڭ قىسپاعىندا قالعان جۇرتشىلىققا ەرىكتىلەر كومەككە كەلىپ، جالعىز باستى قاريالار مەن كوپبالالى وتباسىلارعا، مۇمكىندىگى شەكتەۋلى جاندارعا جاردەمدەستى. كۇنى-ءتۇنى كوشەدە جانتالاسىپ قۇبىر جاماپ جۇرگەن جۇمىسكەرلەرگە ىستىق تاماق پەن شاي اپارىپ، ولاردىڭ توڭىپ قالماۋىن قاداعالادى.

Amanat پارتياسى «جاستار رۋحى» جاس­تار قاناتىنىڭ پاۆلودار مەن استانا قالالارىنداعى بولىمشەلەرىنەن جالپى سانى 100-دەن استام بەلسەندى جەكسەنبىدەن بەرى ەكىباستۇزعا اعىلا باستادى. ولار جىلۋسىز پاتەرلەردە توڭىپ وتىرعان جۇرتتى جىلى سوزدەرىمەن دەمەپ، گۋمانيتارلىق كومەكپەن ىلەسىپ جەتكەن جىلىتقىشتاردى، جىلى كورپەلەردى تاراتتى.

پاۆلودار قالالىق ءماسليحاتىنىڭ دەپۋتاتى، وڭىردەگى «جاستار رۋحى» جاستار قاناتىنىڭ توراعاسى سانيرا ءجۇسىپوۆا وبلىس ورتالىعىنان 50 ەرىكتى كەلگەنىن جەتكىزدى.

– مىنە، بۇگىن – ءۇشىنشى كۇن، ەرىكتىلەر كۇنى-ءتۇنى تالماي كومەك كورسەتىپ جاتىر. كومەك كورسەتۋ شتابىنىڭ جۇمىسىن ۇيلەستىرىپ، كەلىپ تۇسكەن وتىنىشتەر بويىنشا تۇرعىندارعا جاردەم جاساپ جاتقان جايىمىز بار. جىلۋسىز وتىرعان كوپپاتەرلى جانە جەر ۇيلەردى ارالاپ، جالعىز باستى قارت ادامداردى، مۇگەدەكتەردى، كوپبالالى وتباسىلاردى ەسەپكە الدىق. ولاردىڭ قاجەتتىلىگى ءۇشىن 1 مىڭعا جۋىق ەلەكتر جىلىتقىش اپارىپ بەردىك. بۇعان قوسا تەرموستار، جىلى كورپەلەر جەتكىزدىك. بۇل قۇرالداردى ءبىزدىڭ پارتيامىزدىڭ وڭىردەگى فيليالدارىنىڭ مۇشەلەرى ءوز قاراجاتتارىنا ساتىپ الدى. ۇيىندە تاماق ىستەۋگە مۇمكىندىگى جوق جالعىز باس­تى جاندارعا ىستىق تاماقتى تۇراقتى جەتكىزىپ تۇرمىز. شاھارداعى الەۋمەتتىك قىزمەتكەرلەرمەن تىزە قوسىپ، قاي ۇيلەردە ىستىق سۋ نەمەسە ەلەكتر جارىعى جوق ەكەنىن انىقتاپ، ءتيىستى مەكەمەلەرگە حابارلاپ وتىرامىز. قالاداعى حالىقتى تەزىرەك قولايلى ومىرگە ورالتۋ ءۇشىن اپات سالدارىمەن تاۋلىك بويى جانتالاسىپ جاتقان جوندەۋ بريگادالارىنىڭ جۇمىسكەرلەرىن دە نازارىمىزدان تىس قالدىرمادىق. ولارعا مەزگىل سايىن ىستىق تاماق پەن شاي تاسىپ جاتىرمىز. كوپشىلىك ءبىزدىڭ ەڭبەگىمىزدى باعالاپ، العىس ايتقانىن كورگەندە ءوز ىسىمىزگە دەگەن ىنتامىز ارتادى. ۇلكەن اجەلەر ءبىزدى كورسە، «اينالايىن» دەپ العىس ايتادى. بۇل ءبىزدىڭ ەرىكتىلەردىڭ دۇرىس باعىتتا جۇمىس ىستەپ جاتقانىن كورسەتسە كەرەك. قالادا تەح­نو­گەندىك سيپاتتاعى توتەنشە جاعداي رە­جىمى تولىق الىنىپ تاستالمايىن­شا ءبىز ەكىباستۇزدى تاستاپ كەتپەيمىز! – دەيدى سانيرا ءجۇسىپوۆا.

مۇقتاج جانداردىڭ تىلەگىن ورىنداپ جۇرگەندەردىڭ اراسىندا كاميلا بايراموۆا دا بار. ول كەزىندە اۋليەكول، ماقتاارال اۋداندارى مەن ارىس قا­لا­سىندا زارداپ شەككەندەرگە كومەك كور­سەت­كەن ەرىكتىلەردىڭ تاجىريبەسى مول ەكەنىن ايتتى. مۇنداي قيىن ساتتە جۇ­دى­رىق­تاي جۇمىلۋ ءاربىر ازاماتتىڭ قاسيەتتى بورىشى بولۋعا ءتيىس دەپ سانايدى. ال تاعى ءبىر بەلسەندى ارسلانبەك ماعزۇم تۇرعىندار سۋىق پاتەرلەرىندە قامالىپ وتىرا بەرمەي، كومەك سۇراعانى دۇرىس دەپ ەسەپتەيدى. ەرىكتىلەر شتابىنا كەلىپ تۇسكەن وتىنىشتەر بارلىعىنا ءبولىنىپ، ۆولونتەرلەر جىلى كيىمدەردى، اۋىز سۋ جانە العاشقى قاجەتتىلىكتەگى وزگە دە تاۋارلاردى مەكەنجايلارعا جەدەل جەتكىزۋگە تىرىسۋدا.

 

پاۆلودار وبلىسى،

ەكىباستۇز قالاسى

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار