قازىرگى تاڭدا ازاماتتاردىڭ اقشاسىن الداۋ جولىمەن زاڭسىز يەمدەنۋ قىلمىستاردىڭ ەك كوپ تاراعان تۇرىنە جاتادى. بۇل تۋرالى ورتالىق كوممۋنيكاتسيالار قىزمەتى الاڭىندا قر ءىىم كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعىنىڭ باستىعى جاندوس ءسۇيىنباي مالىمدەدى.
«الاياقتار ازاماتتاردى الداۋ ءۇشىن ءار ءتۇرلى امالداردى قولدانادى. سول سەبەپتەن دە, وسىنداي قىلمىستاردىڭ سانى جىلدان جىلعا كوبەيۋدە. تسيفرلىق تەحنولوگيالاردىڭ دامۋى ولاردى پايدالانا وتىرىپ جاسالاتىن ۇرلىقتاردىڭ وسۋىنە اكەلدى. سوڭعى ۋاقىتتا ينتەرنەت-الاياقتىق كەڭ قوعامدىق رەزونانس تۋدىردى. بيىل ولاردىڭ سانى 18,5 مىڭنان اسا قىلمىستى قۇرادى, بۇل وتكەن جىلعى كورسەتكىشتەن 1,5 مىڭعا تومەن. كوبىنەسە, وسىنداي قىلمىستار, تاۋارلاردى ونلاين-ساتۋ جولىمەن جاسالادى. اتاپ ايتقاندا بۇنداي ادىسپەن 6 مىڭ قىلمىس جاسالعان», دەدى سپيكەر.
